14.01.2022 | 12:00

Суруналыыстар куонкурустарын түмүгэ билиннэ

Суруналыыстар куонкурустарын түмүгэ билиннэ
Ааптар: Киин Куорат
Бөлөххө киир

Тохсунньу 13 күнүгэр Олохтоох дьаһалтаҕа куорат уокуругун территориятын тупсаран оҥорууну бастыҥ сырдатыыга куонкурус кыайыылаахтарын үөрүүлээх быһыыга-майгыга наҕараадалааһын буолла. Кыайыылаахтарга бириистэри уонна дипломнары куорат баһылыга Евгений Григорьев Арассыыйа бэчээтин Күнүгэр үгэс буолбут суруналыыстары кытта көрсүһүүгэ туттарда. Бу туһунан Олохтоох дьаһалта пресс-сулууспата иһитиннэрдэ. 
Евгений Григорьев суруналыыстары, өрөспүүбүлүкэтээҕи уонна куорат бэчээт уорганнарын, телевидение уонна радио, интернет таһаарыылар кылаабынай эрэдээктэрдэрин идэлээх бырааһынньыктарынан эҕэрдэлээтэ. Куорат баһылыга бэлиэтээбитинэн, саха суруналыыстара уонна таһаарыылара мэлдьи тыл үрдүк маастарыстыбатынан, гражданскай эппиэтинэһинэн уонна дьоҥҥо аламаҕай сыһыанынан биллэллэр. 
«Өрөспүүбүлүкэбит уонна киин куораппыт прессатын күүркэтиитэ суох «төрдүс былааһынан» ааҕыахпытын сөп. Аныгы уопсастыбаҕа эһиги үлэҕит суолтатын сыаналыыр уустук: бары олох оргуйар үөһүгэр сылдьабыт – биһигини күн аайы үчүгэй уонна оччото суох сонуннар арыаллыыллар», – диэтэ  Евгений Григорьев.
Арассыыйа бэчээтин Күнүгэр суруналыыстар ортолоругар куорат куонкуруһун түмүгүн таһаарар үтүө үгэскэ кубулуйда. Быйыл суруналыыстар үлэлэрин үс номинациянан бэлиэтээтилэр – бэчээт нөҥүө сонуннары киэҥник тарҕатар сириэстибэлэр, телевидение уонна интэриниэт-сонуннар. Куонкурус тиэмэтэ – куорат уокуругун территориятын тупсаран оҥорууну сырдатыы. 
Суруналыыстар куораттааҕы куонкурустарын кыайыылаахтарынан буоллулар:
- «Сонуннары киэҥник тарҕатар сириэстибэлэргэ бастыҥ  бэчээккэ таһаарыы» – «Киин Куорат» хаһыат корреспондена  Айыына Ксенофонтова,

- «Бастыҥ телесюжет» номинацияҕа – «Саха» телевидение уонна радио хампаанньатын – «ВГТРК» ФГУП филиалын корреспондена Виталий Прокопьев,
- «Хаартыскалардаах бастыҥ интэриниэт-таһаарыы» – News.Ykt.Ru эрэдээксийэтин суруналыыһа Анна Лебединская.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...