14.09.2021 | 14:30

Суорун Омоллоон төрөөбүтэ 115 сылын көрсө айымньытын онлайн көрдөрүүтэ буолла

Суорун Омоллоон төрөөбүтэ 115 сылын көрсө айымньытын онлайн көрдөрүүтэ буолла
Ааптар: Киин Куорат
Бөлөххө киир

Дьокуускай куорат кииннэммит библиотекатын систиэмэтэ бэйэтин сайтыгар Дмитрий Кононович Сивцев - Суорун Омоллоон «Аанчык» айымньытынан испэктээкил онлайн-көрдөрүүтүн тэрийдэ.  
Айымньы былыргы саха дьахтара революция иннинээҕи олоҕун көрдөрөр. Испэктээкилгэ Smart Библиотека 2.0.3 култуура киинин режиссера Саргылана Горохова туруоруутугар Ньурбатааҕы көһө сылдьар судаарыстыбаннай театр артыыстара оонньообуттар.  
Балаҕан ыйын 14 сентября күнүгэр Дмитрий Кононович Сивцев - Суорун Омоллоон  төрөөбүтэ 115 сылын туолла. Бүгүн Дьокуускайдааҕы духуобунай семинария Улахан саалатыгар Социалистическай үлэ Геройа,  П. А. Ойуунускай уонна А. Е. Кулаковскай ааттарынан СӨ Судаарыстыбаннай бириэмийэлэрин лауреатын өйдөбүнньүк киэһэтэ буолар. 
Дмитрий Кононович Сивцев - Суорун Омоллоон 1906 сыллаахха балаҕан ыйын 1 (14) күнүгэр Таатта улууһун 3-с Дьохсоҕон (Чөркөөх) нэһилиэгэр төрөөбүтэ. Бастакы «Өлүөнэ өрүс» кэпсээнэ 1926 сыллаахха «Чолбон» сурунаалга бэчээттэммитэ. «Чолбон» сурунаалга «Охоноон», «Аанчык» уонна «Сордоох суха» кэпсээннэрин «Тыа уола» уонна «Суорун Омоллоон» псевдонимнарынан таһааран биллэн барбыт. 
1928 сыллаахха Дьокуускай театрын сыанатыгар «Күөх көппө» пьесата турбута. Суорун Омоллоон суруйбут «Күкүр уус», «Айаал», «Сайсары», «Ньургун Боотур» уонна да атын айымньылара саха драматургиятын классиката буолбуттара. 
Суорун Омоллоон – «Кыһыл ойуун» либреттоны, «Лоокуут уонна Ньургуһун», «Дьол тааһа», «Күн Куо» балеттары суруйбута, саха тылын уонна литературатын учебниктарын уонна үөрэх босуобуйаларын ааптара.

Сонуннар

Ордук ааҕаллар

Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...
Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...