04.05.2021 | 23:28

Суоппардар эбэни туоруу сатыыллара тохтообот

Суоппардар эбэни туоруу сатыыллара тохтообот
Ааптар: Киин Куорат
Бөлөххө киир

Өрөспүүбүлүкэ үрдүнэн өрүһүнүнэн сырыы муус устар ый 30 күнүттэн тохтообута. Ол үрдүнэн сорох массыыналаах дьон сэрэтэр бэлиэ баарыттан чаҕыйбакка, билигин даҕаны уора-көстө эбэни туоруу сатыыр түбэлтэлэрэ тахсар. 
Быһылаан тахсыбатын туһугар туһааннаах сулууспалар дьаныардаахтык үлэлииллэр. Бүгүн Дьоҕус суудуналар судаарыстыбаннай инспекциятын уонна ГИБДД иниспиэктэрдэрэ, Саха сирин быыһыыр сулууспалара уонна  Дьокуускай куорат дьаһалтатын административнай хамыыһыйата Даркылаахха кыттыгас рейдэ оҥордулар. 


«Маннык рейдэ бу кэмҥэ Саха сирин үрдүнэн ыытыллар. Биһиги сүрүн сыалбыт гражданнары тутан ыстарааптааһын буолбатах, дьон олоҕун быыһыы сатыыбыт», – диэтэ СӨ Дьоҕус суудуналар судаарыстыбаннай инспекциятын кылаабынай иниспиэктэрэ Аурика Смирнова. 
Арассыыйа Ыксаллаах быһыыга-майгыга министиэристибэтэ өссө төгүл санатар: массыыналар өрүскэ киирэллэрэ бобуллар! Ону кэһэн туран мууска киирии иһин административнай эппиэтинэс сүктэриллэр уонна ыстараап көрүллэр.  
Дьиҥэр, ыстарааптан куттанан буолбакка, манаан да турбатахтарын иһин, хас биирдии киһи бэйэтин уонна чугас дьонун олоҕун сыаналыахтаах. Олохтон күндү туох да суох.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.