Суол өрөмүөнүгэр быйыл төһө харчы туттулунна?

«Куттала суох уонна хаачыстыбалаах суоллар» национальнай бырайыак чэрчитинэн, киин куораппытыгар суоллар өрөмүөннэрин хантыраактара түмүктэнэн эрэллэр.

Алтынньы 27 күнүнээҕи туругунан, асфальтобетоннай бүрүөһүнү кутуу 100% оҥоһулунна.

Суол үлэтин бары көрүҥэ гарантиялаах. Суол үрдүкү бүрүөһүнэ — 4-5 сыл, алларааҥы дьапталҕата — 5 сыл, суол олоҕор — 6 сыл, сир болотунатыгар — 8 сыл гарантия көрүллэр.

2020 сылга Дьокуускайга улахан кээмэйдээх хапытаалынай өрөмүөн ыытыллар, уопсайа 23,5 килэмиэтир усталаах суол 28 эбийиэгин саҥардыы уонна тутуу, ол иһигэр куорат таһынааҕы сэлиэнньэлэр 14 эбийиэктэрэ буолла.

2020 сылга, уруккутун курдук, суол тутуутун уопсай ороскуотун кээмэйэ — 1,5 миллиард солкуобайга тэҥнэһэр, муниципальнай, өрөспүүбүлүкэтээҕи уонна федеральнай бүддьүөттэн үп тыырылынна