30.04.2020 | 16:03

Суол – олох хорук тымыра

Суол – олох хорук тымыра
Ааптар: Киин Куорат
Бөлөххө киир

Билиҥҥи туругунан Краснояров, Орджоникидзе, Чиряев, Курашов, Стадухин, Ярославскай, Киров, Аржаков, Аммосов, Дзержинскэй, Өктөөп 50 сыла автострада, Можайскай, Быковскай, Гагарин, Петр Алексеев, Жорницкай, Свердлов, Халтурин, Лермонтов, Федор Попов, Кулаковскай, Белинскэй, Каландарашвили, Дежнев, Петровскай, Ойуунускай, Поярков, Богатырев, Октябрьскай, Богдан Чижик, Бестужев-Марлинскай, Хабаров, 202 мкрн.,  Роман Дмитриев набережнайыгар, Ленин проспегар, Новообъездной шоссеҕа бордюрдары ыраастааһын ыытыллар.

Бүлүүлүүр тракка, Федор Попов уулуссатыгар Дзержинскэй уулуссатыттан Богдан Чижик уулуссатыгар диэри суолу харбыыллар, сыыһын ыраастыыллар. Бүлүүлүүр трактан, Новообъездной шоссеттан, Федор Попов, Лермонтов уулуссаларыттан, Сэргэлээх шоссетыттан хомуллубут бөҕү тиэйдилэр. Суолу сиппийии Каландарашвили уулуссатыгар, Лермонтов уул. саҕалаан Ленин проспегар диэри, Ойуунускай, Петровскай уул., Сэргэлээх шоссетыгар, Октябрьскай, Дежнев, Кулаковскай уулуссаларыгар ыытыллар.

Суол дьааматын өрөмүөннээһин үлэтэ Автодорожнай, И. Кульбертинов уулуссаларыгар, Хатаска Аржаков, Совхознай, Ойуунускай уулуссаларыгар бара турар. Суолу грейдеринэн тэҥнээһин И. Кульбертинов уулуссатыгар, Хатаска Аржаков, Совхознай, Каландарашвили уулуссаларыгар ыытылынна. Билигин Автодорожнай, 36/6, Ойуунускай, 23, Губин, 5, Поярков, 15 уонна 22, Покровскай тракт, 5 км, Можайскай уулуссатыгар Жуковскай уулуссатыттан саҕалаан Маҕан трагар диэри ыытыллар. Ильменскэй уулуссатын өрөмүөҥҥэ бэлэмнииллэр.

Ууну аһардар лотуоктары паарынан үрдэрэн ириэрии Тимирязев, Лермонтов, Хабаров, Кулаковскай, Крупская, Ильменская, Петровскай, Чиряев, Бүлүүлүүр тракт суолларыгар барда. Ойуунскай, 11-гэр, Петровскай, 34-гэр, Лонгинов, Бекетов, Краснояров уулуссаларыгар чалбах уутун обортордулар.

Суоллары ыраастааһыҥҥа 4 бырысыаптаах “Скандия”, КАМАЗ сүүрэллэр. Суол дьааматын абырахтааһыҥҥа 8 тиэхиньикэ: мини Бобкэт S-530, 3 самосвал, 1 грейдер ДА-98, 1 бульдозер, виброплита уонна суол сиигин быһааччы. Уопсайа 20 үлэһит, 8 суолу сууйар массыына, 4 МБП помпа, 3 ППУ установка үлэлииллэр.

Суол өрөмүөнүн бүгүҥҥү балаһыанньатын туһунан Николай Николаевич Архангельскай – “Якутдорстрой” Учаастагы тупсарыы салаатын начаалынньыгын солбуйааччыта бу курдук иһитиннэрэр:

– Тротуардары, сквердэри, болуоссаттары көрүү-истии хайдах ыытылларый?

Дьокуускай куорат уопсастыбаннай сирдэрин – болуоссаттары, сквердэри, ону тэҥэ уулуссалар бордюрдарын көрүү-истии үлэтэ билигин барыта илиинэн оҥоһуллар. Суол кытыытын, газоннары ыраастааһыны үлэһиттэрбит эт илиилэринэн толороллор.

Ону тэҥэ оптуобус тохтобулларын ыраастык тутуу, күннэтэ көрүү-истии, остонуопка дьиэтин – павильону сууйуу-сотуу, өрөмүөннээһин, кырааскалааһын – барыта биһиги эбээһинэспитигэр киирэр.

Уулуссаҕа турар бөх ууруналарын ыраастааһын, туолалларын кэтии сылдьан бөҕүн тиэйэн ылыы, бу иһиттэри өрөмүөннээһини, кырааскалааһыны эмиэ “Якутдорстрой” үлэтэ. Күннээҕи үлэбитигэр “Скандия” анал суол тиэхиньикэтин,  “Джонстон” вакуумнай суолу сиппийэр массыынаны, дьоҕус суол сиппийэр массыынаны туһанабыт.

– Быйыл ханнык суоллар өрөмүөннэниэхтээхтэрий?

Чуолкай былааҥҥа киирбит испииһэк тахса илик. “Якутдорстрой” сыллата суолга тахсар дьаамалары өрөмүөннүүр – “ямочнай ремонт” диэн ааттанар. Бу суол кээһэниитин кыһалҕатыттан түргэнник тахсарга саамай табыгастаах ньыма. Тоҕо диэтэххэ, саҥа суолу ыллыбыт да тутар кыах суох.

Биһиги тэрилтэбит үлэһиттэрэ билигин асфальт-бетон булкадаһыгынан суол дьаамаларын абырахтыыр үлэни ыыта сылдьаллар. “Пневмобрызг” диэн ньыманан үлэлиибит, дьаамаҕа кутуллар матырыйааллары туттабыт.

– Ону тэҥэ саас аайы намыһах сирдэртэн ууну оборторуу ыытыллар.

Оннук. Сыллата ууга барар сирдэр, ол аата хаар уута киирэр дьиэлэрэ бааллар. Билигин ууну оборторуу Якутская, 45, Лонгинов – Бекетов уулуссаларын быһа охсуһууларыгар, Дзержинскэй уулуссатыгар, Лонгинов, 42/1, Бекетов, 35/1, Богдан Чижик –  Кальвица, Сэбиэскэй Аармыйа 50 сыла, 39, Билибин, 6/1 аадырыстарынан бара турар.

Маны тэҥэ уулуссалартан улахан чалбахтары оборторуу баар.

 – Быйылгы көҕөрдүү үлэтин былааныгар туох баарый?

Көҕөрдүүгэ уонна күөх үүнээйилэри көрүүгэ-истиигэ быйылгы былааммытыгар Орджоникидзе болуоссата, Орджоникидзе болуоссатыгар олордуллар фито-эркин, Кыайыы болуоссата, Туймаада саллааттарын скверэ, Московскай набережнай, Өктөөп  50 сыла суол эргиирэ, Покровскай тракт, Чернышевскай уулуссатыгар баар суол эргиирэ киирдилэр.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.