24.03.2021 | 09:40

Суол үлэтигэр 6 хантараак түһэрсилиннэ

Суол үлэтигэр 6 хантараак түһэрсилиннэ
Ааптар: Киин Куорат

Олохтоох дьаһалта Тулагыга, Табаҕаҕа, Мархаҕа уонна Окружной шоссеҕа суол үлэтин ыытыахтаах бэдэрээтчиттэри кытта хантараак түһэристэ.

Ол курдук, Тулагыга киирэр суоллары уонна Табаҕаҕа элбэх оҕолоох ыаллар кыбаарталларыгар “Альянс Строй 2007” хааччахтаммыт эппиэтинэстээх тэрилтэ үлэлиэҕэ. “Дорстрой” ХЭТ Окружной шоссеҕа хапытаалынай өрөмүөнү ыытыаҕа. “Дорисс” ПАУо Тулагыга Николаев уулуссатын, оттон “Инвестдорстрой” ХЭТ Халтурин уул. уонна Мархаҕа Советскай уулуссаны өрөмүөннүөхтэрэ. 

«Главстрой» тэрилтэ суол тутуутугар дириэктэри солбуйааччыта Афанасий Александров иһитиннэрбитинэн, быйылгы былааҥҥа киирбит 43 эбийиэктэн 776 мөлүйүөн солкуобай суумаҕа 6 хантараак (15 км кэриҥэ суол) түһэрсилиннэ. Үлэ салҕанар.

Быйылгы суол үлэтигэр бэлэмнэнии былырыын от ыйыттан саҕаламмыта. “Өрөмүөннэнэр, тутуу барар суол учаастактарыгар чинчийии үлэтэ ыытыллыбыта. Суол бэлиэлэрэ, суолу туоруур сирдэр уонна тротуардар туруктара сыаналаммыта. Онон куонкурус докумуоннара кэмигэр бэлэм буолбута”, – диэн кэпсээтэ Афанасий Александров.

Санатан аастахха, быйылгы суол тутуутун уонна өрөмүөнүн былааныгар 43 эбийиэк киирбитэ. “Куттала суох уонна хаачыстыбалаах айан суоллара” национальнай бырайыак чэрчитинэн Дьокуускайга суол ситимин сайыннарыыга 2, 2, миллиард солкуобай үп көрүллүбүтэ. 

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.