18.12.2019 | 11:44

СУНТААРДАР МЕНТАЛЬНАЙ АРИФМЕТИКАҔА БАСТЫҤНАР

СУНТААРДАР МЕНТАЛЬНАЙ АРИФМЕТИКАҔА БАСТЫҤНАР
Ааптар: Киин Куорат
Бөлөххө киир

Людмила Тертюхова, Зинаида Иванова салайааччылаах «WISE» оҕону сайыннарар киинтэн 20 оҕолоох бөлөх Москваҕа иккис төгүлүн ыытыллар норуоттар икки ардыларынааҕы аһаҕас ментальнай арифметика күрэһэр кыттан кэллилэр. Ол түмүгүнэн 14 мэтээл, 2 кылаан кыайыылаах кубогын ситиһэн, үөрүүлэрэ муҥура суох.

Ол курдук, СПТЛИ 7 "в" кылааһын үөрэнээччитэ Сабрина Кириллина икки төгүл кыайыылаах (ментальнай счёт, физический счёт), Сунтаардааҕы 2-с №-дээх оскуола 3-с кылааһыттан Бибинури Файрушина эмиэ икки төгүл кыайыылаах (ментальнай счёт, физический счёт), СПТЛИ 5-с "б" кылааһыттан Регина Семенова  ментальный счёт кыайыылааҕа; Сунтаардааҕы алын оскуола 3-с "б" кылааһын үөрэнээччитэ Диана Кондакова ментальный счёт кыайыылааҕа; Эмиэ бу оскуола 4-с  "г" кылааһыттан Айсен Степанов турнир 4 төгүл кыайыылааҕа (ментальный счёт, физический счёт, флеш-счёт уонна норуоттар икки ардыларынааҕы стандарт көрүҥэ SAMA compitation) кыайыылааҕа; СПТЛ 6-с "б" кылааһын үөрэнээччитэ Альберт Павлов ментальнай счёт, физический счёт; Лаура Тертюхова – турнир физическай ахсааҥҥа абсолютнай кубогын хаһаайката уонна ментальнай счёт кыайыылааҕа; СПТЛ 6-с "а" кылааһыттан Нарияна Петрова турнир ментальный счёкка абсолютнай кубогын хаһаайката уонна физический счёт кыайыылааҕа буолан кэллилэр.

Айталина Сивцева, Милан Алексеев, Костя Николаев, Мичил Архипов,  Марк Николаев, Карина Семенова, Лианна Петрова, Нарыйаана Васильева, Валера Константинов, Юлианна Крылова, Джулия Иванова, Айсен Иванов эмиэ ситиһиилээхтик кыттыбыттарын иһин Туоһу сурук ыллылар.

Ментальнай арифметика (менар) – өйү, айар дьоҕуру сайыннарар өйгө суоттааһын ураты ньымата. Маны баһылаабыт оҕо арифметическай садаачаны өйгө аҕыйах сөкүүндэ иһигэр суоттуур буолар. Бу методика 4-12 саастаах оҕолорго ананар, ол эрэн билиҥҥи үйэҕэ улахан дьон үлүһүйэрэ элбээтэ. Улахан киһи ылынара уустук соҕус, диэн үөрэтээччилэр биэлиэтииллэр.

Ментальнай арифметика 16-ыс үйэҕэ Японияҕа үөдүйбүт. Бастаан баһылыырга абак эбэтэр соробан диэн суот туттуллар.

Сонуннар

Ордук ааҕаллар

Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.
Нэһилиэстибэ тула
Тускар туһан | 11.04.2024 | 12:00
Нэһилиэстибэ тула
Киһи бу олохтон барыыта, ыал арахсыыта, төрөппүтэ суох хаалыы – орто дойду сокуоннара. Онуоха биһиги сорох ардыгар хойутаан нэһилиэстибэни оҥотторор түгэммит баар. Өскөтүн кэргэниҥ, ийэҥ, аҕаҥ, чугас киһиҥ суох буоллаҕына, кини нэһилиэстибэтин алта ыйынан сокуонунан оҥотторуохтааххын.   Билэр чугас дьонум аҕалара орто дойдуттан барбытын кэннэ хас да сыл буолан баран биирдэ...