31.12.2021 | 11:00

Сулустар сипсиһэллэр

Сулустар сипсиһэллэр
Ааптар: Киин Куорат

 БААБЫР

(2010, 1998, 1986, 1974, 1962, 1950, 1938 сыллаах төрүөхтэр)

Тугу да эбэн этэр суох – бу эһиги сылгыт! 2022 сылга ханнык баҕарар чаҕылхай сулустан өссө сандаарыаххыт. Эһиги Баабыр кынатын анныгар сылдьыаххыт, онон ханнык баҕарар былааҥҥытын хорсуннук олоххо киллэриҥ, сыалгытыгар киэҥник хардыылааҥ – ситиһии ааннара куруук аһыллан иһиэхтэрэ. Биллэн турар, үлэлиэххитин, көлөһүҥҥүтүн тоҕуоххутун наада, туохха талаһаргытын чопчу билиҥ уонна харса суох түһүнэн кэбиһиҥ.

Сыл бастакы аҥаарыгар карьераҕа уонна үлэҕэ сыалгытын туһаайыҥ: үрдээһин да баар буолуо, барыстаах этиилэр киириэхтэрэ, үп-харчы хас да төгүл эбиллиэ!

Баабыр кыыһырымтаҕай уонна көҥүл кыыл, онон тулалыыр дьоҥҥутугар болҕомтолоох буолуҥ. Куруук бэйэҕитин туттуна сылдьыҥ, этиһиигэ, иирсээҥҥэ киирэн биэримэҥ. Сэниэҕитин спортка туһулуургут ордук буолуо.

 

КУОСКА
(КРОЛИК)  

(2011, 1999, 1987, 1975, 1963, 1951, 1939)

Бу сылларга төрөөбүттэр уларыйыылары, саҥа киириилэри наһаа сэргээбэттэр, ол оннугар холку, биир тэҥ олоҕу ордороллор. Ол да буоллар кэлэр сыл элбэх саҥаны киллэриэ, ол эһиэхэ улахан көмө буолуо. Баҕа санааҕыт туолуо, барыстаах этиилэр киириэхтэрэ, инникилээх бырайыактарга кыттыһыаххыт.

Доруобуйаҕытын, аһылыккытын көрүнүҥ, уугутун хана утуйуҥ, олоххутугар спорду, физкултуураны киллэриҥ. Бүддьүөккүтүн эрдэттэн былааннааҥ, тугу баҕарбыккыт аайы харчыгытын бараамаҥ. Харчы киириитэ, бараныыта да биир тэҥ буолуо. Ол эрэн, сөпкө туһаннаххытына, ону аахайыаххыт суоҕа.

Тус сыһыаҥҥа, тапталга барыта үүт-тураан, астыныаххыт, дуоһуйуоххут, таптыаххыт, таптатыаххыт.

 

ДРАКОН 

(2012, 2000, 1988, 1976, 1964, 1952, 1940)

2022 сыл биир тэҥник ааһыа суоҕа, ол эрэн барыта бэйэҕиттэн тутулуктаах буолуоҕа.

Кэргэннээх драконнар сыһыаҥҥыт кыралаан сытыырхайыан сөп, оттон сулумахтар сыл бүтүүтүгэр аналгытын көрсүөххүт.

Сүрэхтээх буолуҥ, саҕалаабыт дьыалаҕытын барытын тиһэҕэр тириэрдэн иһиҥ. Харчыгытынан ыһыахтанымаҥ, саппаастаах буоларгыт ордук. Үлэ уонна бэйэни сайыннарыы салаатыгар туох баар кыаҕы барытын туһаныҥ, оччотугар инники тахсыаххыт уонна сыл иккис аҥаарыгар холкутук, сынньалаҥнык сылдьыаххыт.

 

МОҔОЙ 

(2013, 2001, 1989, 1977, 1965, 1953, 1941)

Бу сылга төрөөбүттэр, этэргэ дылы, “американскай сыырдарга” бэлэмнэниҥ: соһумар ситиһиилэртэн соччото суох түгэҥҥэ тиийэ барыта баар буолуо. Кылаабынайа, сөптөөх тирэҕи булуоххутун наада. Маныаха эһиги өрө көтөҕүллэн туран идеяларгытын олоххо киллэриэххит, онтугут үчүгэй дохуоту аҕалыа.

2022 сылга хамсаныыларгытыгар актыыбынай буолуҥ, кэми кытта тэҥҥэ хардыылааҥ. Бытаарымаҥ, толкуйга бириэмэҕитин ыытымаҥ, барытын бэйэҕит оҥоро сатааҥ. Туох эрэ саҥа бырайыагы, бизнеһи толкуйдаабыт буоллаххытына, хорсуннук саҕалааҥ, онтон үчүгэй барыһы ылыаххыт. Тус олоххутугар да өйдөһүү, истиҥ сыһыан куруук баар буолуо.

 

ДЬӨҺӨГӨЙ 

(2014, 2002, 1990, 1978, 1966, 1954, 1942)

Кэлэр сылга балачча дорҕоонноохтук бэйэҕитин биллэриэххитин, көрдөрүөххүтүн наада. Маны сатаатаххытына, аан барыта эһиги иннигитигэр арыллыа.

Айар кыах, профессиональнай үүнүү сабаҕаланар. Онон балачча үлэлиэххитин наада. Биллэн турар, ким да холку, бытаан буолуо диэн мэктиэлээбэт – сылгыт хаамыытын эккирэтиэххитин наада. Ханнык баҕарар охсууну тулуйуҥ, күүстээх буолуҥ, саамай кылаабынайа – муударай. Романтическай билсиһиилэр, хамнас үрдээһинэ, соһуччу бириэмийэ – бу барыта эйигин күүтэр, өскөтүн ыарахаттартан чаҕыйбакка барытын кыайа тутар дьон ахсааныгар сырыттаххына.

 

БАРААН (КОЗА) 

(2015, 2003, 1991, 1979, 1967, 1955, 1943)

2022 сылга үтүө түмүктэри ылар инниттэн туора туран хаалымаҥ, олоххут иккис дьоруойа буолумаҥ. Балачча көлөһүҥҥүт тоҕуннаҕына, буола турартан, бэйэҕититтэн сүрдээхтик астыныаххыт, дуоһуйуоххут. Сүрэҕэлдьээмэҥ, күүстээх буолуҥ, бэйэҕитин аһынар солото суох сылдьыҥ.

Сорох соччото суох түгэннэр эһигини олоххо тургутан көрүөхтэрэ, майгыгытын бэрэбиэркэлиэхтэрэ. Маныаха эһигини куруук үтүө дьон тулалыахтара, хаһан баҕарар көмөҕө кэлэргэ, сүбэ-ама буоларга бэлэм сылдьыахтара. Доруобуйаҕар, күннээҕи режимҥэр, аһылыккар бириэмэҕин анаа, мантан элбэх тутулуктаах буоларын өйдөө.

ЭБИСИЙЭЭНЭ

(2016, 2004, 1992, 1980, 1968, 1956, 1944)

2022 сылы инникигэр саҥа түһүмэххэ бэлэмнэнии курдук туһан: бөҕө акылаат ууруоххун наада, атыҥҥа аралдьыйбакка, барытын чуолкай былаанынан хамсан. Саамай сүрүҥҥэ болҕомтоҕун уур уонна актыыбынай буол. Хас биирдии хамсаныыгын толкуйдуу сырыт: авантюраҕа кииримэ, харчыны ханна эрэ саарбах дьыалаҕа уурума, барытын эрдэттэн былааннаа.

Бу сылга иэйиигин уонна санааҕын-онооҕун аһаҕастык кэпсээ. Ону таһынан тус олоххун уонна үлэҕин дьүөрэлээ, доруобуйаҕар болҕомтоҕун уур.

 

БӨТҮҮК 

(2017, 2005, 1993, 1981, 1969, 1957, 1945)

Баабыр сылыгар уруккуттан баар дьыалаҕын бөрөө, тиһэҕэр тиэрт, туох эрэ саҥаны саҕалаан, умса-төннө түһүмэ.

Карьераҕа өрө тахсыы күүтэр, дохуоккут элбиэҕэ, маныаха бэйэ кыаҕын сөпкө туһаныахха наада. Саҥа сыл чаҕылхай кэмнэринэн, түгэннэринэн баай буолуоҕа, онон чуҥкуйа олоруоххут суоҕа.

Маныаха элбэх бириэмэни доруобуйаҕытыгар анааҥ. Тус олоххутугар сулустар сорох кэмҥэ сүрэх буолбакка, төбө эмиэ толкуйдуохтаах диэн этэллэр. Оттон тапталларын көрсө иликтэр истиҥ сыһыаҥҥа эппиэттиир чугас киһилэрин көрсүөхтэрэ.

 

ЫТ 

(2018, 2006, 1994, 1982, 1970, 1958, 1946)

2021 сылга күүстээхтик үлэлээбит буоллаххытына, саҥа сылга улахан ситиһии күүтэр! Саҥа саҕахтар арыллыахтара, төһө да ыарахаттар баар буоллуннар, үлэҕит миэстэтин уларытыаххытын, саҥа бырайыактары саҕалыаххытын сөп.

Үпкүтүн-харчыгытын эрдэттэн толкуйдааҥ, тугу ханна туттаргытын, барыскытын, мунньунаргытын эмиэ, сыл ортотугар туга да суох хаалбат туһугар.

Тапталгытын көрсө илик буоллаххытына, сылы эргиччи эһиги сүрэххитигэр саас сатыылыа, романтика тыллыа. Сибиэһэй салгынна ыймахтааҥ, олоххутугар кэрэни эрэ түстээҥ!

Маныаха тулалыыр дьоҥҥутун кэтии сылдьыҥ, киһи эрэ барыта эһиги кыайыыгытыттан, ситиһиигититтэн үөрүөхтэрэ суоҕа, ордук да санааччылар баар буолуохтара.

 

СИБИИННЬЭ

(2019, 2007, 1995, 1983, 1971, 1959, 1947 )

Толкуйдаах, муударай буолуу хаачыстыбаларын сайыннар, хас да хардыыны өтө көр, былааны эрдэттэн толкуйдаа уонна ону эрэ тутуһан сырыт.

Доруобуйаҕын көрүн: уугун хана утуй, аһылыккын хонтуруоллан, спорду, физическэй ноҕоруусканы киллэр. Онон тус бэйэҕэр үгүс бириэмэҕин анаа.

Киитэрэйдии, куота көтө сылдьыма, чиэһинэйдик уонна аһаҕастык саҥар, сыыһаларгын билин уонна олору көннөр. Уопсайынан, судургута суох сыл үүммүт, ону хайдах атаарарыҥ барыта бэйэҕиттэн эрэ тутулуктаах.

 

КРЫСА 

(2020, 2008, 1996, 1984, 1972, 1960, 1948)

Бу сыл эһигини сылаас, сымнаҕас хараҕынан көрүөҕэ. Үүнүүгэ-сайдыыга көмөлөһүө, уларыйыыларга анньыа.

Кыһаллан үлэлээҥ, барытын тиһэҕэр тиэрдиҥ. Ким да халлаантан бэлэх түһэн кэлиэ диэн эрэннэрбэт, ол эрээри дьиҥ чахчы үлэһит киһини бу сыл балачча хадаҕалыа.

Атын дойдуга, куораттарга көһөргүтүн, үлэҕитин уларытаргытын бу сылга былааннаамаҥ. Үпкүтүн-харчыгытын былааннаан туттуҥ, уурунуҥ, ол-бу инвестиция туһунан элбэҕи билиҥ-көрүҥ – харчы боппуруоһунан дьарыктаныы кимиэхэ да мэһэйдиэ суоҕа.

 

ОҔУС 

(2021, 2009, 1997, 1985, 1973, 1961, 1949)

Бу сылга төрөөбүттэр сүрэҕэлдьээһини, мээнэ тыллаһыыны, бытаан буолууну уонна туолбат баҕа санааны кытта быраһаайдаһыҥ. Аптаах палочка суох, барытын бэйэҕит толкуйдааҥ, оҥоруҥ. Оччотугар Баабыр баҕа санааҕытын дьэ толоруо, майгыгытын өссө кытаанах оҥоруо. Тугу эрэ ситиһэр инниттэн, көлөһүҥҥүт тохтуоҕа, ол барыта мээнэҕэ буолуо суоҕа, сыаналаныа.

Карьераҕыт өрө тахсыа, дохуоккут үрдүө, маныаха үөрэниигэ, сайдыыга бириэмэҕитин аныаххытын наада. Уларыйыы наһаа баараҕай да буолбатар, бөҕө туруктаныаххыт, саҥа таһымҥа тахсыаххыт.

Уруккуттан истиҥник сыһыаннаһар киһигитин кытта олоххутун холбуоххутун сөп. Муударай, сымнаҕас буолуҥ, иирсээни, этиһиини утарыҥ, оччоҕо санаа хоту барыта баран иһиэ.

Бараан

2022 сыл сүрүн сүбэтэ – барытын билигин уонна түргэнник ситиһэ сатаамаҥ, ыксалтан, тиэтэлтэн аккаастаныҥ. Идея оргуйан олоруо, онуоха күүскүт, эниэргийэҕит тиийэрин туһугар, ону толорорго, сөптөөх былааны уонна хамсаныылары оҥоруҥ. Саас диэки саҥа бырайыактары саҕалыаххыт, онтон дохуоккут эбиллиэ.

Уруккуттан билсиһэр дьон ыал буолуоххутун сөп. Дьиэ кэргэннээхтэр олоххут тупсуо, буруоҕут унаарыа, оттон сулумахтары сыл иккис аҥаарыгар эрэ билсиһии күүтэр.

 

Оҕусчаан

Саҥа сылга бириинсиптэри уонна олох сыаннастарын хаттаан көр, быһыыны-майгыны олох атыннык, араас муннуктан көрө үөрэн.

Түмүк үөрдүө – саас баараҕай идеялар киириэхтэрэ, ону саҕалаан барыаҥ. Бу сыл олоххор муударай буолууну уонна дириҥ өйү аҕалыа. Бу хаачыстыбалар көмөлөрүнэн урут кыаллыбатаҕы кыайыаҥ. Бэйэҕин истэ үөрэниэххин наада.

Үөрэххэ улахан кылааккын киллэр. Билиини ханна баҕарар ылыаххын син – булугас өйүҥ ону туһанарга көмөлөһүөҕэ. Үүнэр сылга билсэр дьонуҥ элбиэхтэрэ – биир санаалаах дьону кытта интэриэһинэй көрсүһүүлэр күүтэллэр, кинилэр эйигин туох эрэ саҥаҕа үөрэтиэхтэрэ.

Игирэлэр

Урут кыайтарбат диэбиккин саҥа сылга бэрт чэпчэкитик олоххо киллэриэҥ. Саҥа идеялар үөскүөхтэрэ, үлэҕэр үрдүк кэрдиискэ тахсыаҥ эбэтэр инникилээх этии киириэ.

Баҕа санааҕын толорууга аһаҕас буол, туолар диэбиккин ылын.

Кыах элбэх, онон олорон хаалыма. Киирбит этиилэри, иһитиннэриилэри мүччү тутума. Сыл бастакы аҥаарыгар үлэҕин уонна бэйэҕин сайыннарбыт эбит буоллаххына, кэлин бастакы былааҥҥа дьиэ кэргэҥҥин туруор. Чугас дьонуҥ эйиэхэ өйөбүл буолуохтара, сыһыаҥҥыт өссө бөҕөргүө.

 

Араак

Дьикти түгэни күүтэн олорума. Үлэҥ сайдыытыгар эбэтэр тус олоххор туох эрэ саҥаны күүтэр буоллаххына, инникилээҕи толкуйдаа уонна өссө элбэҕи үлэлээ.

Төһө да саҥаны саҕалыыртан куттаннаргын уонна дьулайдаргын – 2022 сылга барытын боруобалаан көр, хамсан.

Саас диэки элбэх толкуй киириэ, ол эрээри урукку дьыалаларыҥ таҥнары тарда сылдьыахтара. Онон тулалыыртан барытыттан ыраастан, кылаабынайа, өйгүн-санааҕын ыраастаа, ол кэннэ дьэ барытын олоххо киллэр.

Наһаа үчүгэй билсиһиилэр, көрсүһүүлэр күүтэллэр, бу олоҕуҥ уларыйыытыгар олук ууруохтара. Бу сылга хамсаныыларгын толкуйдаан сөптөөх хардыылары оҥортоо.

 

Хахай

2022 сылга актыыбынай хамсаныылар күүтэллэр: тарбаххын эмэ олоруоҥ суоҕа, барытын бэйэҥ ситиһиэҥ. Толкуйдаабыккыттан ыарахан буолуо, көмө хантан да кэлиэ суоҕа. Оттон сыыһаларын билинэр, онтон түмүк оҥостор дьоҥҥо бу сыл чэпчэкитик ааһыаҕа.

Сааскыттан үлэҕэ уонна үөрэххэ үтүө кэмнэр үүнүөхтэрэ, саҥа саҕахтары, кыахтары арыйыаҥ.

Сайын дуоһуйа сынньаныаҥ, күһүн чугаһыгар үлэҥ элбиэ, дьыалаҥ испииһэгэр сорук толору буолуо. Төһө да дьыалалан, барытын толорор кыахтааххын, 2023 сылга туйгун туруктаах үктэниэҥ.

 

Кыыс Куо

Саас буолуор диэри баараҕай былааннары оҥостумаҥ, ол оннугар үөрэниинэн, спордунан дьарыктаныҥ эбэтэр духуобунай баайгытын хаҥатыҥ. Мантан барытыттан дуоһуйууну, астыныыны ылыаххыт.

Дьэ онтон саас диэки дьыалаҕытын, өйгүтүн-санааҕытын бэрээдэктиэххит, ханнык баҕарар, соһуччу да эйгэҕэ ситиһиилэниэххит.

Саҥа сылга биир санаалаахтар түмсүөххүт, урукку сибээстэргит бөҕөргүөхтэрэ. Сыалгытын үчүгэйдик көрүнүҥ, саҥа дьарыктары булунуҥ. Күһүн диэки бэйэҕитигэр кытаанахтык сыһыаннаһыҥ, графигы тутуһуҥ уонна үтүө түмүктэри ылар инниттэн биир сүрүҥҥэ болҕомтоҕутун хатааҥ.

 

Ыйааһыннар

Сыл саҥатын уруккуттан, өр кэмҥэ салгыҥҥа ыйанан турбут боппуруостарга анааҥ. Ону толорор ухханыгар киириэххит, онон тохсунньуга улахан былааннары оҥостумаҥ, бастаан уруккулары быһаарыҥ.

2022 сылга доҕотторгутун, билэр дьоҥҥутун, биир санаалаахтары элбэтиҥ, түмүҥ. Бу олус интэриэһинэй дьон буолуохтара, хас биирдиилэрэ инникитин олоххутугар дьоһуннаах миэстэни ылыахтара. Маны таһынан саҥа сылга эһигини карьера күүтэр, харчы да боппуруоһа эрэли үөскэтиэ.

Сабыытыйаны тиэтэтимэҥ, аргыый наллаан сырыттаххына, араас эйгэҕэ ситиһии кэлиэ. Быһаарыы ылынаргар туора сүбэлэргэ наһаа эрэнимэ. Санааҕын сөптөөхтүк этэргэ үөрэн, искэр тугу да тутума, туох долгутарын кэпсэтэ, дьүүллэһэ сырыт.

Ооҕуй

2022 сылга идея, саҥа арыйыылар толору буолаллара күүтүллэр. Улахан болҕомтоҕун үөрэххэ уур, бу барытыгар балачча үтүө түмүктэри аҕалыа. Саас тус олоххутугар үтүө уларыйыылар күүтэллэр.

30 күн иһигэр барытын саба тутарга былааннаама, соруктаргын биир-биир толороруҥ ордук. 2023 сылга диэри атахха бигэ турбут бүддьүөттээх киириэххит, үп-харчы боппуруоһа, тус олоххут үөрдүө.

Маны таһынан эниэргийэ, идея толору – ону туһалаахтык туһаныҥ. Ол эрээри күһүн диэки бытаарыаххыт, сорох ыйытыыларга эппиэт булуоххут суоҕа. Ол да буоллар ханнык баҕарар балаһыанньаттан чэпчэкитик тахсыаххыт уонна иннигит диэки сыалгытыгар эрэллээхтик хардыылыаххыт.

 

Охчут

Эһиил ситиһии эн диэки хайыһыа, уруккуттан толкуйдаабыт дьыалаҕытынан дьарыктанан саҕалыаххыт. Бииргэ үлэлээһиҥҥэ инникилээх этиилэр, үлэҕэ үрдээһин, бэртээхэй билсиһиилэр – бу саҥа сылгыт сорох эрэ көстүүлэрэ.

Сыл саҕаланыаҕыттан саамай сүрүҥҥэ эрэ тохтооҥ, наадата суоҕу хаалларыҥ, маҥнайгы нүөмэрдээх дьыаланан дьарыктаныҥ. Чэпчиэххит, санааҕыт көтөҕүллүө, сырдык, көнө суол арыллыа. Маныаха быһаарыыны чэбдик, ыраас өйгүтүнэн ылыныҥ, атын дьон тылыгар кыһаллымаҥ.

Сайын бэйэҕитин истэргит суолталаныа. Сыл бүтүүтэ актыыбынай графиктан дьэ сынньаныаххыт уонна үлэҕит-хамнаскыт түмүгүнэн астыныаххыт.

 

Чубуку

Бу сылга сиэртибэ уонна кэтээн көрөөччү оруолун кытта быраһаайдаһыаххыт. 2022 сылга чахчы үчүгэй түмүктэри ылыаххытын баҕарар буоллаххытына, быһаарыылары ылыныҥ, эппиэтинэһи сүгүҥ уонна хамсаныҥ.

Бу сылга бытааннык үктэнимэҥ, барытын тута бэйэҕит илиигитигэр ылыҥ, актыыбынай хамсаныылары оҥорон барыҥ. Ис санааҕытын истиҥ, туора дьону киллэримэҥ.

Бэс ыйыгар өрө көтөҕүллүү саҕаланыа, ону былааҥҥыт туолуутугар салайан биэриҥ. Бэйэҕит туһунан биллэриҥ, сатабылгытын, үтүө өрүккүтүн кэпсээҥ – бу биир санаалаахтары буларга түргэнник сыалгытын толорорго көмөлөһүө.

Актыыбынай үлэ кэнниттэн дьыалаҕытын барытын чөкөтүөххүт, дьоһуннаах боппуруостары быһаарыаххыт, чугас дьоҥҥутун кытары сыһыаны тупсарыаххыт уонна, биллэн турар, сынньаныаххыт.

 

Күрүлгэн

Ымсыыга, алыпка киирэн иһимэҥ: киирбит идея барыта туһалаах буолбат, онон олоҕу дьиҥнээх хараҕынан көрүҥ.

Саас диэки саҥа сыаллар уонна интэриэстэр күөдьүйүөхтэрэ. Олоххор туох баар буолуохтааҕын уонна тугу сотуохтааххын чуолкайдаа.

2021 сылтан соһор-сыһар дьыалаларгын быһаар, оттон Баабыр сыла бүтүүтэ – харчыта уурун, барыстаах дьыаланан дьарыктан.

Маны таһынан дьыалаҕар үрдүк таһымҥын көрдөрүөҥ. Саҥа сыһыан олохтонуо,элбэх интэриэһинэй билсиһиилэр күүтэллэр.

 

Балыктар

2022 сылга саамай кылаабынайа – бытархай аайы долгуйумаҥ, кыраттан да, кыайыылартан үөрүҥ. Бары быһыыны-майгыны бөлөһүөктүү көрүҥ: түмүктэ оҥоруҥ, анаалыстааҥ, бэйэҕитин уонна тулалыыр дьону истиҥ.

Үлэ элбэх, барыта дуоһуйууну аҕалыа суоҕа, ол да буоллар эһиги барытын сатыаххыт!

Бастакы миэстэҕэ бу сылга харчы уонна үлэ эйгэтэ туруохтара, сыл тухары дьыалабыай боппуруостары быһаарыаххыт, саҥа бырайыактары саҕалыаххыт уонна кыһаллан туран ол туһугар үлэлиэххит. Маныаха кылаабынайа – үтүө өрүттэри санааҥ, ситиһии тута кэлбэт, кыратык күүтэ да түһүөххэ сөп. Табыллыбат, сатаммат дьыаланы ылынымаҥ, кэлин кэмсинэ сылдьыбат гына – барытыгар чэпчэкитик сыһыаннаһыҥ. 2022 сылга оҥорботугут – 2023 сылга ситиһиэххит!

Сонуннар

Ордук ааҕаллар

«Sakhalifting» тардынааччылара сөхтөрөллөр
Спорт | 14.01.2022 | 20:42
«Sakhalifting» тардынааччылара сөхтөрөллөр
Ханна да тиийдэххэ, физкультуранан уонна спордунан утумнаахтык дьарыктанааччылар бааллар.  Хамсык ыарыы өрө турбут кэмигэр дьарыктанааччылар ахсааннара эбиллэ турара үөрдэр. Онлайн ситимин нөҥүө көхтөөхтүк дьарыктыыллар. Балтараа сыллааҕыта тэриллибит “Финанс” РИК гендириэктэрэ Дмитрий Захаров салайааччылаах “Sakhalifting”-турникка тардыныы бассаап-бөлөх ааспыт сылы дьоһуннук түмүктээтэ. Кэккэлэрэ да хаҥаан иһэр, көрдөрүүлэр да тупсаллар. 13 саастаах оҕотуттан...
«Инникигэ хардыы» конференцияҕа Дьокуускайтан 263 үөрэнээччи кыттар
Сонуннар | 11.01.2022 | 12:00
«Инникигэ хардыы» конференцияҕа Дьокуускайтан 263 үөрэнээччи кыттар
Тохсунньу 8 күнүгэр «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция үөрүүлээхтик арылынна. Манна 34 оройуонтан 1 700 тахса үөрэнээччи бэйэлэрин научнай-чинчийэр  үлэлэрин түмүгүн билиһиннэрэллэр.  «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция куораттааҕы түһүмэҕэр 2021 сыл сэтинньи 10 күнүттэн ахсынньы 16 күнүгэр диэри дистанционнай форматынан...
Дьокуускай салалтата крематорий тутуутун көҥүллээтэ
Сонуннар | 11.01.2022 | 16:00
Дьокуускай салалтата крематорий тутуутун көҥүллээтэ
Олохтоох дьаһалта «Быдан Эргиир» ХЭТ киин куоракка колумбарийдаах крематорий тутарыгар көҥүлү биэрдэ. Ити туһунан куорат баһылыгын нэдиэлэтээҕи планеркатыгар этиллиннэ диэн иһитиннэрдэ  Олохтоох дьаһалта пресс-сулууспата.  Куораты тутууга уонна тырааныспар инфраструктуратыгар Департамент информациятынан, 2021 сыл кулун тутар ыйыгар «Национальная мемориальная компания» ХЭТ диэн Арассыыйа территориятыгар кремациялыыр комплекстары тутуу операторыттан коммерческай этии киирбит....
Люба Готовцева:  «Киһи биир сиргэ тэпсэҥнии туруо суохтаах»
Дьон | 14.01.2022 | 20:54
Люба Готовцева: «Киһи биир сиргэ тэпсэҥнии туруо суохтаах»
Киһи олорорун тухары төһөлөөх элбэх киһини кытта билсэрэ, алтыһан ааһара буолуой?! Оттон суруналыыс буоллаххына, өссө элбэх киһини кытта көрсөҕүн, кэпсэтэҕин. Олоххор алтыспыт дьоҥҥун аны туран барыларын кытта сибээс туппаккын, ол эрэн искэр киллэрэн, олус үчүгэйдик саныы сылдьаҕын. Мин Любалыын, таптаан ааттыырбынан Любушкалыын, 2000 сыллар саҥаларыгар билсибитим. Онтон ыла хайдах эрэ...