Судаарыстыбаннай былаах Күнүн көрсө Дьокуускайга челлендж биллэрилиннэ

РФ Судаарыстыбаннай былааҕын Күнүн көрсө Уокуруктааҕы дьаһалта уопсастыбаннай сибээскэ уонна ыччат политикатыгар Управлениета Instagram социальнай ситимҥэ челлендж саҕалаата. 
Челлендж усулуобуйатынан кыттааччы Судаарыстыбаннай былаах Күнүнэн Арассыыйа ханнык баҕарар норуотун тылынан видеонан эҕэрдэ бэлэмниэхтээх уонна атырдьах ыйын 21 күнүн киэһэ 18 чааһыгар диэри  бэйэтин тус аккаунугар туруоруохтаах. Эҕэрдэ уһуна – 1 мүнүүтэҕэ диэри. Пост анныгар хештегы #якутсквтриколоре уонна Управление аккаунун @molodezhka_ykt бэлиэтиир ирдэнэр.
Кыттааччылар видеонан эҕэрдэлэрин бэйэлэрин Instagram тус аккауннарыгар туруораллар, страницалара атырдьах ыйын 22 күнүгэр диэри аһаҕас буолуохтаах. 
Уокуруктааҕы дьаһалта уопсастыбаннай сибээскэ уонна ыччат политикатыгар Управлениета саамай ураты видеонан эҕэрдэлэри анал бирииһинэн бэлиэтиэҕэ. Түмүк атырдьах ыйын 22 күнүгэр тахсыаҕа.