Баһаарга 107 тиэхиньикэ үлэлиир

Саха сиригэр билигин 50 ойуур баһаара баара бэлиэтэнэр. Суукка иһигэр биэс умайан тахсыыны умуруорбуттар, авиация 38 төгүл 300 туоннаттан тахса ууну куппут. Ол туһунан брифиҥҥэ Саха сирин бастакы вице-премьерэ Дмитрий Садовников иһитиннэрбит. 
«Өрөспүүбүлүкэ территориятыгар 50 баһаар баар, олортон 15 умуруоруллар. Суукка иһигэр 6 баһаар бохсулунна, 5 умуруорулунна. Хомойуох иһин, өссө эбии 12 баһаар баара билиннэ», — диэтэ Дмитрий Садовников.
Баһаардары кытта 1,2 тыһыынча киһи охсуһа сылдьар, 107 тиэхиньикэ үлэлиир. Саха сирин территориятыгар баһаары умуруорууга, балаһыанньаны кэтээн көрүүгэ, тус састаабы биир сиртэн атыҥҥа көһөрүүгэ 12 салгын суудуната үлэлээбит. 
Суукка иһигэр авиация 38 төгүл 300 туоннаттан тахса ууну куппут.