12.05.2024 | 14:01

Строительнай уокурукка ыытыллар үлэ сүнньүнэн баһылык Евгений Григорьев көһө сылдьар мунньаҕы тэрийдэ

Строительнай уокурукка ыытыллар үлэ сүнньүнэн баһылык Евгений Григорьев көһө сылдьар мунньаҕы тэрийдэ
Ааптар: Киин Куорат
Бөлөххө киир

Баһылык Евгений Григорьев куорат прокурора Виктор Умеренконы кытта Строительной уокурукка ыытыллар үлэ хаамыытын билистилэр.

Бастакынан саҥа тэриллэн эрэр «Спортивнай» дьоҕус оройуоҥҥа 240 миэстэлээх оҕо саадын тутууну кытта билистилэр. Эбийиэк Жорницкай уонна Пионерскай уулуссалар быһа охсуһууларыгар дьэндэйэн эрэр.
Тутааччы «Сэттэ» тутуу хампаанньатын генеральнай дириэктэрэ Игорь Федоров иһитиннэрбитинэн, үлэ былаан быһыытынан бара турар, үлэһит илиинэн, матырыйаалынан хааччыллыы үчүгэй. 
Евгений Григорьев санаппытын курдук, саҥа «Спортивнай» дьоҕус оройуону тутууну кытта биэс хаарбах дьиэ олохтооҕун көһөрүү тэҥинэн ыытыллар. Чопчулуур буоллахха, бу дьиэлэр турар сирдэригэр элбэх функциялаах спорт саалата тутуллуохтаах.
Бэлиэтээн эттэххэ, «Спортивнай» түөлбэҕэ 6-тан 12-гэ диэри этээстээх 50 элбэх кыбартыыралаах дьиэ тутуллуохтаах, маны сэргэ 240 миэстэлээх оҕо саада, 550-нуу миэстэлээх икки оскуола уонна спорт саалата курдук бөдөҥ социальнай эбийиэктэр баар булуохтара.
Баһылык Евгений Григорьев уонна прокурор Виктор Умеренко эриэйдэ кэмигэр Жорницкай уулуссатыгар ыытыллар «дьаама өрөмүөнүн» хаамыытын, Пионерская, 14, 16, 16/1, 18, 18/1, 35, 37, 37/1, Космонавтар, 1, 3/1, 5/1, 7, Сэмэн Данилов, 20, 20/1 аадырыстар тиэргэннэрин ырааһын эмиэ билистилэр.
Уокурук баһылыга Андрей Петров иһитиннэрбитинээн, быйыл санитарнай турукка үҥсүү-харсыы быдан аҕыйаабат, диэн суруйар Олохтоох дьаһалта пресс-сулууспата.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Ытык сирдэнэр буоллубут!
Куорат олоҕо | 09.05.2024 | 18:00
Ытык сирдэнэр буоллубут!
Кулун тутар 15 – муус устар 30 күннэригэр ыытыллыбыт Бүтүн Арассыыйатааҕы рейтиннээх куоластааһыҥҥа Саха сириттэн хаһааҥҥытааҕар да элбэх – 125 156 киһи кыттыыны ылбытын туһунан Ил Дархан уонна Бырабыыталыстыба пресс-сулууспата иһитиннэрэр.   Ол иһигэр Дьокуускай куораттан былырыыҥҥытааҕар икки төгүл элбэх – 52 271 киһи куоластаабыт (былырыын – 29 679 киһи).  «Куорат...
Саха сириттэн сэриигэ  ат хомуура
Сонуннар | 09.05.2024 | 12:00
Саха сириттэн сэриигэ ат хомуура
1941-1945 сыллардааҕы Аҕа дойду Улуу сэриитигэр дойду үрдүнэн ат хомуура диэн барбыта. Сэриигэ киһини кытта тэҥҥэ биир төһүү тыыннаах күүһүнэн ат буолбута. Кыһыл Аармыйа 1 мөлүйүөн 9 тыһыынча атыттан сэриигэ мөлүйүөнтэн ордугун сүтэрбитэ.   Аты таһар-тиэйэр күүс быһыытынан эрэ буолбакка, кавалерияҕа кытта туһаммыттара. Байыаннай-ветеринарнай сулууспа күүскэ үлэлээбитэ. Маныаха 6507 ветврач уонна...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...