Строительнай уокурукка субуотунньук ыытыллар

Кулун тутар 10 күнүттэн Дьокуускай куорат Строительнай уокуругар улахан субуотунньук ыытыллар. Дьиэлэр тастарын, санитарнай туочукалары ыраастааһыҥҥа «ЯкутДорСтрой», «Теплоэнергия», «Жилкомсервис», «Якутскэкосети» тэрилтэлэр, “Юнион” салайар хампаанньа уонна үлэһиттэр кыттыстылар.

Киэҥ далааһыннаах үлэ Пионерскай, Якутскай, Космонавтар, Семен Данилов уулуссаларыгар турар аадырыстары хабыаҕа. Хас биирдии кэрчиккэ таһаҕаһы тиэйэр уонна сүөкүүр 2 массыына, бөҕү ыраастыыр 6 үлэһит көрүллүөҕэ.

Куорат баһылыгын эбээһинэһин толорооччу Роман Сорокин эппитинэн, субуотунньук аччаабыта икки күн салҕаныаҕа. Санатар буоллахха, олунньу 8 күнүттэн бэс ыйын 1 күнүгэр диэри киин куоракка ыраастааһын үс ыйа биллэриллибитэ.