30.08.2022 | 18:00

Строительнай уокурукка маҥнайгы кылаас үөрэнээччилэрин эҕэрдэлээтилэр

Билии күнүн көрсө Строительнай уокурук управатын үлэһиттэрэ маҥнайгы кылааска киирэр оҕолорго бырааһынньык тэрийдилэр, кыаммат ыал оҕолоругар оскуола тэриллэрин бэлэхтээтилэр диэн иһитиннэрдэ Олохтоох дьаһалта пресс-сулууспата.
Строительнай уокурукка маҥнайгы кылаас үөрэнээччилэрин эҕэрдэлээтилэр
Ааптар: Киин Куорат

«Оҕону оскуолаҕа тэрий» аахсыйа чэрчитинэн управа үлэһиттэрэ оҕолорго анаан кэнсиэри, араас оонньуулары ыыттылар.

Строительнай уокурук управатын салайааччыта Василий Рязанскай оҕолору кэлэн иһэр Билии күнүнэн эҕэрдэлээтэ уонна үөрэхтэригэр кыһаллыыны, ситиһиини, оскуола олоҕор көхтөөх кыттыыны баҕарда.

«Биһиги уокурукпутугар маннык бырааһынньыктар үгэскэ кубулуйдулар. Доҕотторбут, партнердарбыт, үтүө санаалаах гражданнар көмөлөрүнэн уустук усулуобуйаҕа олорор дьиэ кэргэттэри өйүүбүт. Бүгүн 38 маҥнайгы кылаас үөрэнээччитэ үөрэххэ наадалаах тэриллэри бэлэх тутта», - диэн эттэ Василий Рязанскай.

Бэлэх туппут дьиэ кэргэттэр бырааһынньык тэрийээччилэригэр истиҥ махталларын тиэртилэр.

Строительнай уокурукка олорор 1600 дьиэ кэргэн үс уонна онтон элбэх оҕолоох, итиннэ уопсайа  5200-тэн тахса оҕо улаатар. 78 ыал кыаммат араҥаҕа киирсэр, кинилэр 349 оҕону иитэллэр.

Сылын аайы «Оҕону оскуолаҕа тэрий» аахсыйаны аһыныгас сүрэхтээх гражданнар, волонтердар, предпринимателлэр өйүүллэр.

Сонуннар

Ордук ааҕаллар

Үлэҕэ ыыппытым, состоруулаах кэллэ
Сынньалаңңа | 22.09.2022 | 18:00
Үлэҕэ ыыппытым, состоруулаах кэллэ
Биһиги ыал буолан олорбуппут 20-тэн тахса сыл буолла. Кэргэммин хас хамсаныытын, тыынарын, атаҕын тыаһын, оннооҕор ааны арыйан киирэриттэн настарыанньата уларыйбытын олох ончу курдаттыы билэбин. Ол курдук чугастыыбыт, ол курдук бэйэ-бэйэбитин билсэн, биир сыалай буолбуппут ыраатта. Оннооҕор биир түүлү түһээн турааччыбыт, киэһээҥҥи аһылыкка тугу астыахтаахпытын, тугу сиэхпитин баҕарарбытын тэҥинэн этэн кэбиһэн...
Үлэни, дьиэ кэргэни өрө-тутан – үйэ аҥаара бииргэ
Дьон | 22.09.2022 | 10:00
Үлэни, дьиэ кэргэни өрө-тутан – үйэ аҥаара бииргэ
Быйыл балаҕан ыйыгар Дьокуускайга Саха АССР 100 уонна киин куорат төрүттэммитэ 390 сылларыгар анаммыт «Трудовые династии города Якутска» кинигэ сүрэхтэммитэ. Кинигэни Саха сирин бэчээтин туйгуна Юрий Троев таһаарда, ааптар-хомуйааччы – Матрена Кондратьева.
Үтүө үөрүйэх уонна практикаҕа таба туһаныы
Сонуннар | 22.09.2022 | 11:22
Үтүө үөрүйэх уонна практикаҕа таба туһаныы
Дьокуускай куорат спортивнай үҥкүүгэ тренердэрэ анал үөрэхтээһини көхтөөхтүк ааһаллар уонна бэйэлэрин сатабылларын үрдэтэллэр. Балаҕан ыйыгар ыытыллыбыт үөрэх бу сылга номнуо иккиһин буолла. Тустаах тосхол 2021 сыллаахха бигэргэниэҕиттэн 5 маастар- кылаас ыытылынна.
Саныахха бу ааспыт сайыны
Сынньалаңңа | 23.09.2022 | 18:00
Саныахха бу ааспыт сайыны
Сайыммыт элэс гынан ааспытын өйдөөбөккө да хааллыбыт. Харах далыгар сылдьар дьоммут сынньалаҥнарын хайдах атаардылар? Ким тугу ситистэ, ханна сырытта? Ол туһунан биһиги “сулус” доҕотторбутуттан сурастыбыт.