«Тоҥ балык – 2023» өрөспүүбүлүкэтээҕи күрэххэ 16 хамаанда кыттыаҕа
![«Тоҥ балык – 2023» өрөспүүбүлүкэтээҕи күрэххэ 16 хамаанда кыттыаҕа](https://kiinkuorat.ru/wp-content/uploads/2023/11/r853fzQPHF.jpg)
Күрэхтэһии «Кыһын Саха сириттэн саҕаланар» өрөспүүбүлүкэтээҕи бэстибээл чэрчитинэн ыытыллар. Тэрээһин 15 чаастан «Саха» НКИХ телевизионнай ханаалыгар быһа эпииргэ көстүөҕэ.
Куонкуруска 16 хамаанда кыттыахтаах, хас биирдии хамаанда икки киһилээх буолар: эр киһи – кыһар, дьахтар – кыһыллыбыт балыгы подноска ууран иһэр.
Кыттааччылар сахалыы таҥастаах буолуохтаахтар, саха быһаҕынан туттуохтаахтар, кыһар дуоска хаптаҕай, туох даҕаны дьөлөҕөһө суох буолуохтаах.
Күрэх үс түһүмэхтээх: дьиэтээҕи үлэ (сибиэһэйдии тоҥмут балыктан бүлүүдэ), сүүмэрдиир түһүмэх уонна суперфинал. Дьүүллүүр сүбэ кыттааччылар күрэххэ креативнай, ураты сыһыаннарын, композицияларын, төһө түргэннэрин 5-бааллаах систиэмэнэн сыаналыаҕа.
Суперфиналга 6 хамаанда тахсыаҕа, балыгы кыһыы хаачыстабата сыаналаныаҕа. Муҥутуур кыайыылааҕы бааллынан көрөн быһаараллар.
Номинациялар:
«Дьиэтээҕи үлэ» – 20 тыһыынча солкуобай суумалаах сертификат;
«Түргэн кыһыы» – 30 тыһыынча солкуобай суумалаах сертификат;
«Кыһыы хаачыстыбата» – 40 тыһыынча солкуобай суумалаах сертификат;
«Гран-при» – 50 тыһыынча солкуобай суумалаах сертификат.
Бары кыттааччыларга сертификаттар уонна өйдөбүнньүк бэлэхтэр туттарыллыахтара.
Өрөспүүбүлүкэтээҕи күрэххэ кыттыан баҕалаахтар сайаапкаларын 2023 сыл ахсынньы 1 күнүгэр диэри туттараллар, тэрийэр хамыыһыйа аадырыһа: Дьокуускай куорат, Ленин пр., 15, 104-с кэбиниэт. Билсэр төлөпүөн: 40-80-53, 8 924 860-98-43, cultura521@mail.ru.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)