21.09.2021 | 13:00

Степановтар учуутал династиялара

Степановтар учуутал династиялара
Ааптар: Анна Козлова, Дьокуускайдааҕы педколледж Бочуоттаах бэтэрээнэ
Бөлөххө киир

Киин Комитет 1930 сыллаахха булгуччу начаалынай үөрэхтээһин туһунан уураах ылыныаҕыттан, Саха сирин үрдүнэн маассабай үөрэхтээһин саҕаламмыта.
      Олус кыраһыабай айылҕалаах Алдан өрүс биэрэгин икки өттүнэн дэриэбинэлэрдээх Томпо улууһугар Степановтар учуутал аймах уһун сылларга үлэлээн кэллэ. Оҕо иитиитигэр өр сыллаах сыралаах үлэлэрин түмэн, 2016 сыллаахха Попечительскай сэбиэт Устаабын уонна Балаһыанньатын толкуйдаан оҥостуммуттара. Төрөөбүт дойдуларын оскуолата эдэр көлүөнэ ыччаты иитэр - үөрэтэр үлэтигэр күүс - көмө буолар сыал - сорук туруоруммуттара, үчүгэй үөрэнээччилэргэ стипендия олохтообуттара. Кинилэр удьуордарыгар 30 - с сыллартан учууталлар баалларын иһин, "Удьуор Учуутал Степановтар" диэн Династия тэринэн, учуутал идэтигэр үөрэнэн оскуолаларга үлэлээбит уонна үлэлии сылдьар дьоннорун түмэннэр үс көлүөнэни аттаран туруортаан, оскуоланы кытта үлэлээн барбыттара. Династияны төрүттээччи Гаврил Степанов, кини балта Мария Степанова сэрии иннинэ Дьокуускайга учуутал идэтигэр үөрэммит. Онон бастакы көлүөнэни эдьиийдэрэ Мария Васильевнаттан саҕалаабыттар. Кини 1947 сылтан учууталлаабыт. Династия баһылыга СӨ үөрэҕириитин туйгуна, "Саха Азия оҕолоро" Фонда стипендиата, педагогическай үлэ бэтэрээнэ, Томпо улууһун Саһыл нэһилиэгин Бочуоттаах олохтооҕо – Степанова Александра Гаврильевна, оттон научнай салайааччынан Аллараа Бэстээх иккис нүөмэрдээх орто оскуолатын дириэктэрэ, СӨ үөрэҕириитин туйгуна Колмакова Ольга Васильевна анаммыттара.
      Иитии - үөрэтии хаачыстыбатын тупсарарга үгүс саҥа өрүттэри киллэрбиттэрэ, материальнай базаны бөҕөргөтөн, чиҥ билиини биэрэн, олоххо бэлэм дьону иитэн таһаарарга дьаныардаахтык үлэлииллэр. Хас биирдии үөрэнээччигэ оскуола оруола уһулуччу улаханын, суолталааҕын өйдөтөллөр. Дириҥ билиилээх - көрүүлээх, бэйэлэрин үлэлэрин олус сөбүлүүр, үөрэнээччилэртэн кытаанах ирдэбиллээх учуутал Степановтар үөрэппит оҕолоруттан өрөспүүбүлүкэҕэ биллэр үлэлээх, дьоһун дьоннор тахсыталаабыттара.
       Саҥа үөрэх дьылын көрсө Томпо улууһун Саһыл нэһилиэгиттэн төрүттээх учуутал удьуордаах Степановтар СӨ Үөрэҕин Министерствотыттан " Педагогическай династия " диэн анал бэлиэнэн наҕараадаланнылар. Бэлиэни Династия аҕа киһитэ Александра Гаврильевна туппута. Династияҕа учуутал идэлээх 20 киһи киирбит. Кинилэр уопсай ыстаастара 174 сыл. Онон Томпо улууһугар биир учуутал династия эбилиннэ диэххэ наада.
      Степановтар удьуордара салҕанан баран иһиэҕэ, тэнийиэ, олохторун муудараһа симэлийиэ суоҕа диэн эрэнэбин.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дьиэҕин куортамныыгын дуо?
Сонуннар | 10.05.2024 | 14:00
Дьиэҕин куортамныыгын дуо?
Дьиэни-уоту бас билээччилэр кыбартыыраларын куортамҥа биэрэн дохуот ылаллар, оттон нолуогу төлүөхтэрин баҕарбаттар. Нолуок уорганнара кыбартыыраны сокуону кэһэн туран куортамҥа туттарбыттарын туһунан хайдах билиэхтэрин уонна 2024 сылга ыстараап ылбат туһугар туох дьаһаллары ылыахтарын сөбүн  туһунан Mail.ru “Советник- центр” МК адвоката Александр Шиманскай кэпсээтэ. “Нолуок кодексатын быһыытынан, дьиэни-уоту куортамҥа туттарартан киирэр дохуоттан...
Бэс ыйыгар Ленин болуоссата тутуллан бүтүөҕэ
Сонуннар | 13.05.2024 | 13:58
Бэс ыйыгар Ленин болуоссата тутуллан бүтүөҕэ
Ленин болуоссатыгар сотору муусукалаах, араас өҥнөөх фонтаннар, түүҥҥү уоттаах сцена, 13 миэтэрэ үрдүктээх сэргэлэр о.д.а. баар буолуохтара диэн суруйан турабыт. Бу күннэргэ фонтан эркинин оҥоруу бүтэн, түгэҕин бастакы араҥа билиитэлэрин кута сылдьаллар. Ол курдук, «Сэттэ» тутуу хампаанньатын маастара Иван Кузьмин иһитиннэрэринэн, технологическай тутуу эркинин оҥоруу бүтэн, билигин фонтан түгэҕин бастакы...