04.10.2022 | 17:00

ССРС норуодунай учуутала Михаил Алексеев пааматынньыгар сибэкки дьөрбөтүн уурдулар

Бүгүн, алтынньы 4 күнүгэр, Дьокуускайга СӨ учууталларын уонна педагогическай уопсастыбаннаһын XIV-с съеһэ саҕаланна. Делегаттар, үгэс быһыытынан, Учуутал күнүн көрсө, ССРС норуодунай учуутала Михаил Алексеев пааматынньыгар сибэкки дьөрбөтүн уурдулар диэтэ Олохтоох дьаһалта пресс-сулууспата.
ССРС норуодунай учуутала Михаил Алексеев пааматынньыгар сибэкки дьөрбөтүн уурдулар
Ааптар: Киин Куорат
Бөлөххө киир

Тэрээһиҥҥэ СӨ Бырабыыталыстыбатын бэрэссэдээтэлин солбуйааччы Сергей Местников, үөрэҕирии миниистирэ Ирина Любимова, Ил Түмэн наукаҕа, үөрэҕириигэ, култуураҕа, информацияны киэҥник тарҕатар сириэстибэлэргэ уонна уопсастыбаннай тэрилтэлэр дьыалаларыгар сис хамыыһыйатын бэрэссэдээтэлэ Феодосия Габышева, куорат баһылыгын солбуйааччы Владимир Аржаков, Олохтоох дьаһалта Үөрэҕириигэ управлениетын начаалынньыга Мария Петрова кытыннылар.

Үөрэҕирии үлэһиттэрин Идэлээх күннэринэн  Ил Түмэн наукаҕа, үөрэҕириигэ, култуураҕа, информацияны киэҥник тарҕатар сириэстибэлэргэ уонна уопсастыбаннай тэрилтэлэр дьыалаларыгар сис хамыыһыйатын бэрэссэдээтэлэ Феодосия Габышева эҕэрдэлээтэ.

«Билии уонна Учуутал күннэригэр үөрэҕирии историятыгар, үөрэнээччилэрин сүрэхтэригэр уонна өйдөрүгэр чаҕылхай суолу хаалларбыт Саха сириттэн соҕотох ССРС норуодунай учуутала Михаил Андреевич Алексеев сырдык аатын ахтан-санаан ааһарбыт кэрэхсэбиллээх. Барыгытыгар ситиһиилээх, үөрэхтээх дойдубут патриоттарын иитэн таһаарыыга сүдү кылааккытын киллэрэргитигэр баҕарыбын», - диэтэ Федосия Габышева.

Эҕэрдэ тылыгар үөрэҕирии миниистирэ Ирина Любимова Михаил Алексеевы билиҥҥи учууталларга холобур буолар киһинэн ааттаата.

«Кини оҕолорго саамай сыаналааҕы иитэн таһаарбыта –личность буолууну. Кини үтүө санаата, судургу сыһыана, бэйэтин талбыт идэтигэр таптала дьиҥнээх учуутал хайдах буолуохтааҕын көрдөрөр, холобур буолар», - диэн Ирина Любимова тоһоҕолоон эттэ уонна эдэр биир идэлээхтэригэр Михаил Алексеев биографиятын үөрэтэргэ сүбэлээтэ.

Үөрэнээччилэр ааттарыттан эҕэрдэ тылы Өрөспүүбүлүкэтээҕи лицей Парламенын спикера, 11 кылаас үөрэнээччитэ Владислав Егоров эттэ.

Саха АССР уонна өрөспүүбүлүкэ Үөрэҕиигэ норуодунай комиссариата төрүттэммиттэрэ 100 сылларыгар, итиэннэ ССРС норуодунай учуутала Михаил Андреевич Алексеев төрөөбүтэ 105 сылыгар анаммыт СӨ учууталларын уонна педагогическай уопсастыбаннаһын XIV-с съеһэ алтынньы 4-7 күннэригэр ыытыллар.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Оҕуруотчут кистэлэҥнэрэ
Тускар туһан | 23.05.2024 | 18:00
Оҕуруотчут кистэлэҥнэрэ
Кылгас, ол эрээри өҥүрүк куйаас сайыннаах Сахабыт сиригэр эгэлгэ сибэккилэри, оҕуруот аһын арааһын үүннэрэн ылабыт. Сылтан сыл аайы соҕуруу дойдуга силигилии үүнэр сонун үүнээйилэр көрүҥнэрин олордон,  тиэргэммит, дьиэбит  кэрэ көстүүлэнэр, ону тэҥэ оҕуруот аһыттан, отонноох талахтартан кэнсиэрбэлэри, хомпуоттары оҥосторбут элбээтэ.    Бастыҥ тиэргэннээх  хаһаайка Мин бүгүн сайыҥҥы сырал күннэргэ ис сүрэхтэн...