19.06.2022 | 14:26

Спортивнай оонньууларга 2000 көстүүм тигиллэр

Спортивнай оонньууларга 2000 көстүүм тигиллэр
Ааптар: Киин Куорат
Бөлөххө киир

От ыйын 4-9 күннэригэр Уус Алдьаҥҥа буолар Саха сирин норуоттарын спортивнай оонньууларын норуокка "Саха олимпиадата" диэн таптаан ааттыыбыт.

Бороҕоҥҥо буолар оонньуулар арыллыыларын уонна түмүктүүр сүрүн тэрээһиннэрин режиссерунан Саха циркэтин дириэктэрэ Сергей Расторгуев буолар. Билигин бырааһынньык техническэй сэбилэниитин, музыкатын таҥаллар.

Көстүүмнэри уонна реквизити тигиини цииркэ сүрүн худуоһунньуга Петр Винокуров салайар. 2000 тахса көстүүм, 3000 тахса реквизит оҥоһуллар. Кинилэри кытта
косплейынан дьарыктанар Айаал Федоров эмиэ үлэлэһэр.

Оонньуулар талисманнара - Дьөһөгөй - эмиэ цииркэ үлэһиттэрин оҥоһуктара.

Бэс ыйын 21 күнүттэн "Майаҕатта Бэрт Хара" стадиоҥҥа маассабай бэлэмнэниилэр тэриллиэхтэрэ, от ыйын 4 күнүгэр генеральнай репетиция былааннанар.

Саха олимпиадатын арыллыыта хаһааҥҥытааҕар да чаҕылхайдык уонна сэргэхтик ааһыаҕа.

Сонуннар

Ордук ааҕаллар

Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.
Нэһилиэстибэ тула
Тускар туһан | 11.04.2024 | 12:00
Нэһилиэстибэ тула
Киһи бу олохтон барыыта, ыал арахсыыта, төрөппүтэ суох хаалыы – орто дойду сокуоннара. Онуоха биһиги сорох ардыгар хойутаан нэһилиэстибэни оҥотторор түгэммит баар. Өскөтүн кэргэниҥ, ийэҥ, аҕаҥ, чугас киһиҥ суох буоллаҕына, кини нэһилиэстибэтин алта ыйынан сокуонунан оҥотторуохтааххын.   Билэр чугас дьонум аҕалара орто дойдуттан барбытын кэннэ хас да сыл буолан баран биирдэ...