15.11.2021 | 16:00

Спорт сонуннара

Спорт сонуннара
Ааптар: Баһылай Посельскай
Бөлөххө киир

Арассыыйа спорка миниистирэ Олег Матыцин олунньу 4-20 күннэригэр Пекиҥҥэ буолар XIV-с кыһыҥҥы Олимпийскай оонньууларга дойду элбэх спортсменнара кыттыахтара диэн суруналыыстарга иһитиннэрдэ. Хоккей уонна фигурнай хаҥкылааһын квоталара номнуо ылылыннылар. Бэлэмнэнии маҥнайгы түһүмэҕин ирдэбиллэрэ этэҥҥэ туоллулар. Биллэрин курдук, 2018 с. Соҕуруу Корея Пхенчхан куоратыгар Арассыыйа хамаандата бобуу-хаайыы бөҕөнөн кыһыҥҥы Олимпиадаҕа кыттан, спортсменнарбыт нейтральнай былаах аннынан күрэхтэспиттэрэ. Хоккеистарбыт финалга Германияны кытта сүрүн оонньууга 3:3 тэҥнэспиттэрэ. Эбии бириэмэҕэ Кирилл Капризов киллэрбит гола Арассыыйа хамаандатыгар историческай кыайыыны аҕалбыта! Иккис кыһыл көмүс мэтээли фигурнай хаҥкылааһыҥҥа Алина Загитова аҕалбыта! Олимпиада түмүгүнэн Арассыыйа хамаандата икки кыһыл көмүс, алта үрүҥ көмүс, тоҕус боруонса мэтээллэнэн, барыта 17 мэтээллээх 13-с миэстэлэммитэ.

Норуоттар икки ардыларынааҕы ”Азия оҕолоро” Спортивнай оонньуулар далааһыннара кэҥээн иһэр. СНГ дойдуларын Национальнай Олимпийскай Комитеттарын салайааччыларын Узбекистан Өрөспүүбүлүкэтин киин куоратыгар Ташкеҥҥа буолан ааспыт форумугар “Азия оҕолорун” Оонньууларын туһунан боппуруоһу көрөн дьүүллэстилэр. СНГ 14 дойдута, ол иһигэр, Азербайджан, Армения, Белоруссия, Грузия, Казахстан, Кыргызстан, Латвия, Литва, Молдова, Россия, Таджикистан, Узбекистан, Украина уонна Эстония форумҥа кытыннылар. Форум үлэтигэр Норуоттар икки ардыларынааҕы “Азия оҕолоро” Кэмитиэт Бэрэсидьиэнэ Владимир Максимов салайааччылаах дэлэгээссийэ кыттыыны ылла. “Азия оҕолоро” Оонньууларын 25 сыллаах историятын туһунан иһитиннэриини, итиэннэ 2022 сыллаахха Владивостокка буолар VII сайыҥҥы Оонньуулар уонна 2023 сыллаахха Кемеровоҕа буолар II кыһыҥҥы “Азия оҕолоро” Оонньуулар тустарынан уонна Кэмитиэт үлэтин туһунан иһитиннэриини Норуоттар икки ардыларынаҕы ”Азия оҕолоро” Спортивнай оонньуулар Кэмитиэтин вице-бэрэсидьиэнэ Марат Бариев оҥордо. Ташкеҥҥа буолан ааспыт форум кыттыылаахтара “Азия оҕолоро” Спортивнай оонньууларга кыттарга бэлэмнэрин биллэрдилэр. Кэлэр форум 2022 сыллаахха Азербайджаҥҥа ыытыллыаҕа.

Сербия киин куоратыгар Белградка түмүктэммит аан дойду боксаҕа чемпионатыгар 48 кг Темиртас Жусупов (Казахстан), 51 кг Сакен Бибосынов (Казахстан), 54 кг Томоя Цубои (Япония), 57 кг Джамал Харви (США), 60 кг Софьен Умиха (Франция), 63,5 кг Энди Крус (Куба), 67 кг Севонрец Оказава (Япония), 71 кг Юрий Захареев (Украина), 75 кг Йоэнлис Эрнандес (Куба), 80 кг Робби Гонсалес (США), 86 кг Лорен Альфонсо (Азербайджан), 92 кг Хулио Ла Крус (Куба), +92 кг Марк Петровский (Россия) кыһыл көмүс мэтээллэр хаһаайыттарынан буоллулар. Арассыыйа боксердара 71 кг Вадим Мусаев, 75 кг Джамбулат Бижамов үрүҥ көмүс уонна 80 кг Савелий Садома боруонса мэтээллэри ылаттаатылар. Арассыыйа боксаҕа исписэлиистэрэ чемпионат түмүгүн ортонон сыаналаатылар.

Будапешка буолан ааспыт дзюдоҕа Европа 23-гэр диэри саастаах ыччаттарын чемпионатыгар Ленскэйтэн Надежда Татарченко Арассыыйа хамаандатыттан кыттан 78 кг боруонса мэтээлгэ тигистэ. Карина Ефимова сэттис миэстэлэннэ. Дзюдоист кыргыттары тренер Дамдиндорж Гомбодорж эрчийэр.

Уус Алдаҥҥа Михаил Захаров тустууга эрчийэр уолаттара Дагестаҥҥа уонна Чечняҕа хас да күн эрчиллэн-бэлэмнэнэн, Чечня Өрөспүүбүлүкэтин турнирыгар бэркэ кытыннылар. Тоҕус киһилээх хамаандаттан Михаил Осипов 45 кг уонна Данил Мохначевскай 51 кг бастаатылар, Семен Сивцев уонна Оскар Максимов 45 кг үһүс миэстэлэри ылаттаатылар. 

Литва Вильнюс куоратыгар Адаптивнай спорт сүһүөхтэринэн хааччахтаах спортсменнара пауэрлифтиҥҥа буолан ааспыт аан дойду чемпионатыгар чаҕылхай көрдөрүүлэрдээх кытыннылар. Айаал Сивцев аан дойду ыччаттарыгар бастаата. Владимир Балынец бэйэтин ыйааһыныттан үс төгүл ыарахан 170 кг штанганы сытан эрэ өрө анньан доруобай эр дьону кыайталаата, аан дойду икки төгүллээх чемпиона буолары истистэ. Адаптивнай спорт күүстээх спортсменнарын тренер Петр Давыдов эрчийэр.

 

Сэтинньи 4 күнүгэр, Норуоттар сомоҕолоһууларын күнүгэр, сахалыы остуол оонньууларыгар хабылыкка, хаамыскаҕа онлайн турнир ыытыллан түмүктэннэ. Онно 12 улуустан уонна Дьокуускай куораттан 60 үөһээ саастаах 38 киһи күрэхтэстэ. Саамай аҕам саастаах кыттааччылар Намтан Егор Петров уонна Горнайтан Иннокентий Кириллин саастара 89! Маҥнайгы бөлөххө 60-65 саастаахтарга Амматтан Георгий Нестеров, Ньурбаттан Лариса Иванова; 66-70 саастаахтарга Мэҥэ Хаҥаластан Акулина Мартынова; 71-75 саастаахтарга Дьокуускайтан Дмитрий Иванов, Капиталина Алексеева; 76 үөһэ саастаахтарга Намтан Егор Петров, Ольга Ядрихинская бастакы миэстэлэри ылаттаатылар.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...