25.10.2021 | 13:51

Спорт сонуннара

Спорт сонуннара
Ааптар: Баһылай Посельскай
Бөлөххө киир

•    Пандемия хааччахтааһыннарыгар улаханнык мэһэйдэппэккэ, Адаптивнай спорт спортсменнара үрдүк ситиһиилэринэн үөрдэллэр. Сунтаартан төрүттээх-уустаах, олорон эрэ волейболга Россия сүүмэрдэммит хамаандатын чилиэнэ Алена Дмитриева Европа чемпионатыттан кыһыл көмүс мэтээли ылары ситистэ! Олорон эрэ волейболга Европа чемпионата алтынньы 13-24 күннэригэр Турцияҕа буолан ааста. Россия хамаандата бэйэтин бөлөҕөр Венгрия, Украина, Италия хамаандаларын хотуталаан, бөлөҕөр бастаабыта. Салгыы, плей-офф диэн хотторбут туоруур оонньууларга Польша уонна Словения дьахталларын хамаандаларын кыайталааннар, финалга тахсан Италия хамаандатын итэҕэтиилээхтик баһыйа туттулар. 

•    Ыччаттар ортолоругар көҥүл тустууга Краснодарга түмүктэммит Бесик Кудухов кэриэһигэр Бүтүн Россиятааҕы турнирга Сахабыт сириттэн 22 эдэр тустууктарбыт кытыннылар. М.К. Аммосов аатынан ХИФУ-кэ үөрэнэр Егор Явловскай 57 кг үрүҥ көмүс мэтээллэннэ (тренердэрэ Владимир Кириллин, Михаил Явловскай).  61 кг Александр Болуров үһүс бириистээх миэстэлэннэ (тренерэ Николай Данилов). 70 кг Чурапчы институтун студена Владимир Бояновскай эмиэ боруонса мэтээлгэ тигистэ (тренердэрэ Артур Константинов, Иннокентий Посельскай). Медалистар Россия ыччаттарын сүүмэрдэммит хамаандатыгар киллэриллиэхтэрэ. Хамаанданы тренер Василий Неустроев салайан илдьэ сырытта.

•    Иркутскайга буолан ааспыт Бүтүн Россиятааҕы панкратион турнирыгар Аграрнай университекка үөрэнэр 21 саастаах Дьааҥы ыччата Егор Рожин 53 кг бириистээх үһүс миэстэҕэ тигистэ. Панкратионунан дьарыктанар Егор Рожины тренер Вячеслав Васильев эрчийэр. 

•    Көҥүл тустууга аан дойду боруонса призерун Айаал Тютрины, маҥнайгы тренерин Семен Петухову уонна Иван Дмитриеви биир дойдулаахтара Уус-Алданнар көрсөн итиитик-истиҥник эҕэрдэлээтилэр, чиэстээтилэр. Улуус баһылыга Алексей Федотов Арыйаан Тютриҥҥэ 500 тыһ.солк, тренердэригэр 100-түү тыһ.солк. сертификаттары үөрүүлээх быһыыга-майгыга туттардылар. Ону таһынан, Суотту уонна Бороҕон нэһилиэктэрэ харчынан сертификаттары, өйдөбүнньүк бэлэхтэри; Суотту нэһилиэгин баһылыга Василий Иванов Арыйаан Тютриҥҥэ “Суотту нэһилиэгин Бочуоттаах олохтооҕо” бэлиэни, итиэннэ, Ил Түмэн наҕараадаларын Михаил Гуляев, Геннадий Васильев туттартаатылар. Салгыы, Арыйаан Тютрин Мындаабаҕа эдэр спортсменнары кытта көрүстэ.

•    Дьокуускайдааҕы В.П. Керемясов аатынан тустууга аналаах 3 №-дээх оҕо спортоскуолата төрүттэммитэ 20 сылыгар аналлаах тустуу үгэстэрин, дьарык ньымаларын кэпсиир-сырдатар хомуурунньук-кинигэ бэчээттэнэн күн сирин көрдө. Ааптардара соторутааҕыта бочуоттаах сынньалаҥҥа тахсыбыт, 20 сыл дириэктэрдээбит, көҥүл тустууга ветераннарга аан дойду чөмпүйүөнэ Федот Архипович Соловьев уонна бу спортоскуолаҕа дириэктэрдээн эрэр, хапсаҕайга өрөспүүбүлүкэ икки төгүллээх чөмпүйүөнэ Василий Васильевич Уйгуров.

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
“Сүүрэр суолга – Владимир Слепцов!”
Спорт | 18.06.2024 | 14:15
“Сүүрэр суолга – Владимир Слепцов!”
Спорт көрүҥнэриттэн биир бастыҥнара уһун сиргэ сүүрүү. Ырааҕы сүүрүүнэн ылбычча киһи дьарыктаммат. Бэйэтин кэмин аатырбыт сүүрүгэ-быһыйа, Саха АССР рекордсмена, стайер уонна марафонец Владимир Слепцову ааспыт үйэ 60-80 сылларын дьоно үчүгэйдик өйдүүр-билэр. Быйыл рекорд олохтообута лоп-курдук 50 сыла. Аҕаларын, эһэлэрин кэриэстээннэр оҕолоро, сиэннэрэ, бииргэ төрөөбүт балта  Людмила Пантелеймоновна, быраата Артем Пантелеймонович...
ЭкоБизнес —  Айылҕаҕа харыстабыллаах  сыһыаҥҥа тирэҕирэн
Дьон | 14.06.2024 | 14:00
ЭкоБизнес — Айылҕаҕа харыстабыллаах сыһыаҥҥа тирэҕирэн
Дьокуускайга бизнес араас хайысхата сайдар. Олохтоох бородууксуйаны оҥорон атыыга таһаарыы ордук элбэх эбит буоллаҕына, туризм курдук өҥөнү оҥорор предпринимателлэр тарбахха баттаналлар. Юлиана уонна Захар Алексеевтар элбэх оҕолоох дьиэ кэргэн Дьокуускай таһынааҕы Капитоновка сэлиэнньэтигэр туристическай бизнеһи сайыннаран эрэллэр.   Оҕолор улааттылар диэн саҕалаабыппыт – Биһиги үс уоллаахпыт. Улахаттарбыт 14 саастарын туолбуттарын кэннэ,...
Олоҥхо ыһыаҕар анаан Дьокуускайтан айанныыр паром ахсаана элбэтиллэр
Сонуннар | 14.06.2024 | 10:17
Олоҥхо ыһыаҕар анаан Дьокуускайтан айанныыр паром ахсаана элбэтиллэр
XVII-с өрөспүүбүлүкэтээҕи Олоҥхо ыһыаҕа быйыл бэс ыйын 20-21 күннэригэр Аммаҕа Муона чараҥа айылҕа маанылаах миэстэтигэр ыытыллаары турар.  Ыһыах мааны ыалдьыттарынан өрөспүүбүлүкэ 32 муниципальнай тэриллиититтэн 15 тыһыынчаттан тахса киһи буолуоҕа. Айанньыттарга анаан «Дьокуускай – Аллараа Бэстээх» хайысханан 15 паром сылдьыаҕа, Амма сэлиэнньэтин иһинэн оптуобустар, ыһыах түһүлгэтигэр тиэрдэр шатллар сүүрүөхтэрэ. Түһүлгэҕэ 3...