20.05.2022 | 12:00

Спорт эбийиэктэрэ элбииллэр

Спорт эбийиэктэрэ элбииллэр
Ааптар: Баһылай ПОСЕЛЬСКАЙ
Бөлөххө киир

Дойдубут бэрэсидьиэнэ көҕүлээбит “Спорт – олохпут нуормата” федеральнай бырайыакка тирэҕирэн уонна “Демография” национальнай бырайыакка олоҕуран, Сахабыт сиригэр физкултуура уонна спорт утумнаахтык сайдалларыгар болҕомто ууруллар.

Билигин нэһилиэнньэ 55 % физкултууранан уонна спордунан дьарыктанарын ситиһэр сорук турар. Маны ситиһэргэ нэһилиэнньэни физкултууранан уонна спордунан дьарыктанарга көҕүлүүр, спорка солбугу бэлэмниир тутуулар ыытыллаллар. Бу сайын Уус Алдан Бороҕонугар Саха сирин норуоттарын спортивнай оонньуулара буолалларынан элбэх өрүттээх чэбдигирдэр спортивнай комплекс, Мындаабаҕа спортивнай единоборство универсальнай комплекса уонна стадион үлэҕэ киириэхтэрэ. Горнай Бэрдьигэстээҕэр өрөспүүбүлүкэҕэ ханна да суох бэртээхэй универсальнай буулдьанан уонна оҕунан ытыы комплекса үөрүүлээх быһыыга-майгыга аһылынна. Нерюнгри Чульман бөһүөлэгэр хаҥкылыыр уонна Дьокуускай куоракка сөтүөлүүр, харбыыр комплекстар тутуулара олоххо киллэриллиэхтэрэ. Жатай бөһүөлэгэр “Олимп” харбааһын бассейна, Ньурба Антоновкатыгар спортивнай комплекс, Мэҥэ Хаҥалас Аллараа Бэстээҕэр бассейннаах “Парус” элбэх функциялаах универсальнай саала уонна Дьокуускайга Р.М. Дмитриев аатынан Олимпийскай эрэл училищетын тэлгэһэтигэр физкультурнай-чэбдигирдэр аһаҕас комплекс үлэлэрин саҕалаатылар.

Спорт миниистирэ Леонид Спиридонов уонна Дьокуускай куорат баһылыга Евгений Григорьев Сайсары уонна Строительнай уокуруктарга 2024 сыллаахха Дьокуускайга, буолар VIII-с “Азия оҕолоро” Норуоттар икки ардыларынааҕы спортивнай оонньуулары көрсө, элбэх функциялаах спортивнай комплекстары тутуу хаамыытын, оҕо спортоскуолаларын билиҥҥи туруктарын, Сайсарыга Олимпийскай албан аат аллеятын оҥорууну, 202-с микрооройуоҥҥа Олимпийскай чөмпүйүөн Р.М. Дмитриев аатынан кытылы тупсаран оҥорууну дьүүллэстилэр.

Атын да улуустарга, оройуоннарга физкултуурунай-чэбдигирдэр тутуулар эмиэ ыытыллыахтара. Онон, 2030 сылга диэри нэһилиэнньэ 70 % физкуултуранан уонна спордунан дьарыктанарын ситиһэргэ Владимир Путин туруорбут соругун олоххо киллэрэр кыахтар үөскэтиллэллэр. Чөл, чэбдик олоҕу тэнитиигэ үрдүк уонна орто үөрэх кыһаларын устудьуоннарын ортолоругар волонтерскай хамсааһын баар буолуоҕа.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...