19.11.2021 | 15:30

Сонун аста амсайыах

Сонун аста амсайыах
Ааптар: Киин Куорат
Бөлөххө киир

Убаһа этиттэн «Индигирка» салаат

Биһиэхэ наада:

Убаһа этэ (сиикэй);

Эриэппэ луук;

Лимон;

Туус;

Мас арыыта;

Укуруоп;

Чеснок;

Петрушка.

 

Убаһа этин кыра түөрт муннуктуу кырбыыгын. Эриэппэ луугу, чесногу бытархай гына кырбастыыгын.

Сөбүгэр көрөн туустуугун, петрушка уонна укуруоп эбэҕин (хатарыллыбыт да буолуон сөп). Таптаабыккынан бүтэһигэр лимон уутун кутан биэрэҕин.

Хаһалаах эккэ сууламмыт быар

(Тоҥнуу сиэнэр бүлүүдэ)

 

Биһиэхэ наада:

Убаһа этэ – 20%;

Убаһа быара – 40%;

Байтаһын биэ хаһата – 40%;

Туус, тума.

 

Эти хаһаны кытары холбуу эрийэҕин, ас салапааныгар хаптаччы тэлгэтэҕин, ол үрдүтүгэр быары уһун гына быһан уураҕын, туустуугун, тумалыыгын, халбаһы курдук эрийэҕин уонна салапаанынаан тоҥоро уураҕын.

Сииргэр бөһүтэ түһэн бараҥҥын чараас соҕус гына быһаттыыгын.

«Оһуохай» салаат

Биһиэхэ наада:

350 г харта;

1 устуука эриэппэ луук;

1 устуука сибиэһэй оҕурсу;

1 устуука помидор;

Күөх луук;

Мас арыыта.

 

Хартаны соломолуу, луугу, оҕурсуну, помидору кубиктыы кырбыыбыт. Барытын холбуубут, мас арыытынан тумалыыбыт, күөх луугу таммалатабыт

«Дуоһуйуу» салаат

Биһиэхэ наада:

300 г убаһа этэ;

1 устуука сибиэһэй оҕурсу;

2 устуука моркуоп;

3-4 өлүүскэ чеснок.

 

Эти чараас гына кырбыыбыт, моркуобу, оҕурсуну кырбыыбыт, чесногу илдьиритэбит. Мас арыытын кутан булкуйабыт. Тымныыга ууран сойутан баран минньигэстик, астына сиибит

«Анабарочка» салаат

Сүрүннээн «Оливье» салаат састаабынан оҥоһуллар эбит, арай эт оннугар туустаах үрүҥ балык уонна лууга күөх луук буолар. Боруобалааҥ.

 

Быартан салаат

Биһиэхэ наада:

Быар – 0.5 киилэ;

Күөх дьаабылыка – 1 устуука;

Араас дьүһүннээх минньигэс биэрэс – 4 устуука;

Мас арыыта;

Дьаабылыка уксууһа;

Эриэппэ луук – 1 устуука;

Соевай соус;

Чеснок.

Быары синньигэс гына кырбыыбыт, мас арыытыгар орто уокка ыһаарылыыбыт, манна луугу, чесногу, тууһу, соевай соуспутун кутабыт. Минньигэс биэрэстэрбитин уонна күөх дьаабылыкаларбытын соломолуу кырбаан баран туспа ыһаарылыыбыт уонна уксууспутун кутабыт. Барытын бииргэ холбуубут. Наһаа минньигэс сонун бүлүүдэ буолар.

«Анабарский» балык бөрүөгэ

Тиэстэтигэр биһиэхэ наада:

450-500 г кефир;

2 устуука сымыыт;

3 ост.нь арыы;

Суода;

Бурдук.

 

Тиэстэҕит хойуу сүөгэй курдук буолуохтаах, алаадьы тиэстэтиттэн эрэ хойуу. Иһигэр рис, үрүҥ балык, эриэппэ лууга кутуллар. Тиэстэҕит аҥаарын эрдэттэн  бэлэмнээбит противеҥҥытыгар кутаҕыт, искитин кутаҕыт, ол кэннэ тиэстэҕит ордугун халыччы кутан кэбиһэҕит уонна сылыйбыт оһоххо буһара угаҕыт.

Тиэстэлээх ойоҕос

Биһиэхэ наада:

850 г ойоҕос;

 40 г уксуус;

 20 г сыа;

Туус, биэрэс.

 Тиэстэҕэ: 280 г үүт, 200 г бурдук, ¼ сымыыт.

 

Ойоҕоһу уҥуохтарыттан араарабыт, кыратык эмти охсобут, туустуубут уонна биэрэстиибит. 3 бырыһыаннаах остолобуой уксууһунан ыстарабыт уонна 20 мүнүүтэ «сынньатабыт». Үүккэ сымыыт, туус уонна бурдук эбэн, кытаанах тиэстэни мэһийэбит. 100 г ыйааһыннаах өлүүскэлэргэ үллэрэбит уонна дьоҕус лэппиэскэлэри тэнитэбит. Хас биирдии лэппиэскэ ортотугар биирдии кырбас эти уурабыт. Онтон хобордооххо икки өттүттэн кытархайдыҥы өҥнөнүөр диэри соркуойдуубут. Буспутун кэннэ көстүрүүлэҕэ ууран баран, ыһаарылыыр кэмҥэ тахсыбыт убаҕаһы кутабыт уонна  сылыйбыт духуопкаҕа угабыт.

Дыраһааҥкатыҥы креветка

Биһиэхэ наада:

Креветка – 300 г;

Миин – 500 г (эт миинэ – 200 г, балык миинэ – 300 г);

Лимон аҥаара;

Моркуоп 1 устуука;

Күөх үүнээйи бэйэ сөбүлүүрүнэн.

Буһан ыраастаммыт креветканы форма иһиккэ эбэтэр бүлүүһэҕэ уурабыт.  Үрдүнэн петрушка, укуруоп, буспут моркуоп, лимон уурталаан киэргэтиллэр, эт эбэтэр балык желатиннаах миинин сэрэнэн кутабыт. Холодильникка тымнытыллар.

Желатины бэлэмнээһин: Сойбут мииҥҥэ кутан, 40 мүнүүтэ туруоруллар, булкуйа туран оргута түһүллэр, желатина сууралыннаҕына таһаарыллар уонна сиидэлээн баран сойутуллар, онтон креветкаҕа кутуллар.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...