Социальнай волонтер оскуолата үлэлиэҕэ

Оскуоланы Настаабынньыктааһын авторскай киинин дириэктэрэ, тулаайах уонна төрөппүт көрүүтэ-истиитэ суох хаалбыт оҕолор бырааптарын көмүскээһиҥҥэ,  аһымал көмөнү сайыннарыыга федеральнай эксперт, Москваттан ыалдьыт Александр Гезалов ыытыаҕа.

Куурус кыттааччылар киэҥ аудиторияларыгар — куорат көхтөөх олохтоохторугар, НКО, олохтоох уопсастыбалар лидердэригэр, социальнай тэрилтэлэр исписэлиистэригэр, ыччакка, волонтердарга уонна корпоративнай волонтердарга анаан «аһаҕас кэпсэтии» быһыытынан ыытыллар.

Кыттааччылар аныгы олох усулуобуйатыгар социальнай волонтердааһын ситиһиилээх технологияларын уонна уопуттарын кытта билсиэхтэрэ. Бырагыраама сүрүн хайысхатынан бигэ туруктаах баҕа өттүнэн үлэлиир корпуһу тэрийии, идэтийии таһымын үрдэтии уонна ситиһиилээхтик ресурсалары киллэрии (фандрайзинг) туһунан кэпсэтии буолуоҕа.

Форумҥа кыттыан баҕалаахтар сайтка https://yakutsk-400.ru/ сигэнэн киирэн регистрацияланаллар уонна бырагырааманы кытта билсэллэр.