Социальнай хайысхалаах тэрилтэлэртэн баһылык граныгар сайаапкалары күүтэллэр

Дьокуускай куорат Олохтоох дьаһалтата ыам ыйын 31 күнүгэр диэри социальнай хайысхалаах кэммиэрсийэтэ суох уопсастыбаннай тэрилтэлэртэн Дьокуускай куорат баһылыгын граныгар сайаапкалары тутар.
Күрэх кыайыылаахтара Дьокуускай куорат бүддьүөтүттэн социальнай хайысхалаах бырайыактарын үбүлэтэллэр. 
Кыттыы биир сүрүн ирдэбилинэн тэрилтэ күрэххэ кыттар кэмигэр юридическай сирэй быһыытынан регистрациялаах уонна Дьокуускай куорат территориятыгар сылтан итэҕэһэ суох кэмҥэ  үлэни-хамнаһы тэрийбит буолуохтаах. 
Кыайыылаахтары үс номинациянан быһаараллар:
- олох очуругар оҕустарбыт дьоҥҥо, оҕолорго туһуланар уопсастыбаннай суолталаах бырайыактар;
- чөл олоҕу, маассабай спорду, патриоттуу иитиини пропагандалыыр, арыгыны, наркотигы утарар бырайыактар;
- култуура уонна искусство сайдыытыгар туһуланар бырайыактар.
Сайаапкалары уонна докумуоннары үлэ күннэригэр сарсыарда 09.00 чаастан киэһэ 18.00 чааска диэри Ленин пр., 15, 423 каб. тутуллар (эбиэккэ тохтобул 13.00-14.00чч.).
Күрэх уонна ирдэнэр докумуоннар туһунан сиһилии Олохтоох дьаһалта официальнай https://yakutskcity.ru/press-tsentr/v-yakutske-prodolzhaetsya-priem-zayavok-na-soiskanie-grantov-glavy-goroda-yakutska-dlya-sotsialno-or/ саайтыттан эбэтэр 40-80-36 төлөпүөнүнэн, grant_yakutsk@mail.ru. аадырыһынан билсиҥ.