16.07.2022 | 12:15

Социальнай эйгэҕэ уларыйыылар тахсыахтара

Дойду бэрэсидьиэнэ Биэнсийэ пуондатын уонна Социальнай харысхал пуондатын бииргэ холбуур сокуоҥҥа илии баттаата.
Социальнай эйгэҕэ уларыйыылар тахсыахтара
Ааптар: Киин Куорат

Реформалааһын социальнай казначействоны тэрийии иитинэн барар. Биир кэлим цифровой платформаҕа судаарыстыба социальнай эйгэтэ барыта түмүллүөхтээх. Ол түмүгэр судаарыстыба социальнай төлөбүрдэри биир кииннэмиит систиэмэнэн салайар буолар, оттон араас төлөбүрдэри ылыыга дьоҥҥо ордук табыгастаах, судургу уонна түргэн бэрээдэк олохтонуохтаах.

Биэнсийэ уонна социальнай харысхал пуондата 2023 сылтан үлэлиэҕэ. Икки пуонданы бииргэ холбооһун икки сыл устата барыаҕа диэн суруйаллар.

Боростуой дьоҥҥо бу туох да охсуута суох буолуоҕа. Төлөбүрбүтүн, биэнсийэбитин син биир кэмигэр ылыахпыт, оттон ыйытыылардаах буоллахпытына биир кэлим килийиэннэри кытта үлэлиир сулууспаҕа тиийэр буолуохпут.

Үлэ министиэристибэтэ иһитиннэрэринэн, икки пуондалар бас биилиилэрин, үлэһиттэрин кыччатыы түмүгэр экономияламмыт үбү биэнсийэни үрдэтиигэ туһулуохтара.

Стаховкалыыр усунуостарга биир кэлим тарыып олохтоноро күүтүллэр: сүрүн 30 % базовайтан уонна 15 % база үрдүнэн, чэпчэтиилээх тарыыптар 15 %, 7,6 % уонна 0 % буолуохтара.

Ол аата 2025 сылга оҕону көрөн олоруу босуобуйата саамай улааппыта 57 тыһ. солк. буолуон сөп (билигин 37,9 тыһ. солк).

Хат дьахтар босуобуйатын улахан кээмэйэ 140 күҥҥэ 660 тыһ. солк. тиийиэҕэ (билигин 435 тыһ. солк.).

Ыалдьан олоруу кэмин муҥутуур улахан төлөбүрэ 143 тыһ. солк. тиийиэҕэ (8 сылтан ордук ыстаастаахтарга, билигин 94,7 тыһ. солк.).

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.