13.05.2020 | 09:27

Сир атыылаһааччылар болҕомтолоругар

Сир атыылаһааччылар болҕомтолоругар
Ааптар: Киин Куорат

Саас, сайын үүнэрин саҕана Саха сирин үгүс олохтоохторо сир атыылаһар туһунан толкуйданар буолуохтаахтар. Саас хаар ирбитин, сайын айылҕа силигилээбитин кэннэ киһи илэ хараҕынан көрөн сири атыылаһара ордук. Сир атыылаһарбытыгар былыр-былыргыттан ууттан чугаһы тала сатыыр үгэстээхпит – сирбитигэр күөл, көлүччэ, үрүйэ, үрэх баар буоларын ордоробут.

Өлүөнэ бассейнын уутун управлениетын Уу хаһаайыстыбатын отделын специалистара сир атыылаһааччыларга сүбэлииллэр:

- Бүтэһик кэмнэргэ дьон бэйэтэ билбэтиттэн уул ылар сиригэр дьиэ-уот туттара элбээтэ. Халаан уута тахсар сирэ уратытык туһаныллар сир быһыытынан докумуоҥҥа киирэр. Нэһилиэнньэлээх пуун сайдыытын былааныгар ол барыта киирэ сылдьар буолар.

Маннык сирдэргэ, бастатан туран, дьиэни-уоту туттуу бобуллар. Халаан түмүгэр баай-дуол хоромньутун таһынан киһи өлүүтэ тахсыан сөп. Ол иһин уу ыларыттан инженернэй харысхал туруоруллар.

Халаан уутун хоромньутун аҕыйатар сыаллаах, 2014 сыллаахха муус устар 18 күнүгэр РФ Бырабыыталыстыбатын  «Об определении границ зон затопления, подтопления» диэн уурааҕа тахсыбыта. Барыллаан суотааһыҥҥа олоҕуран, 100 сылга биирдэ ууга барар сирдэр, ууга барар зоналар диэн олохтоммуттара.

Саха сиригэр уопсайа 128 нэһилиэнньэлээх пуун ууга барар зонаҕа киирэр. Испииһэк ЛБВУ (lbvu.ru) сайтыгар баар. Испииһэк оҥоһулларыгар ЫБММ, Экология министиэристибэтин дааннайдара олохтоох бэйэни салайыныы уорганнарын үлэлэрэ туһаныллыбыттара. Салҕыы ЫБММ, Росприроднадзор, Росгидромет, Росреестр сөбүлэҥин ааспыттара.

Өлүөнэ бассейнын уутун управлениета бу дааннайдары судаарыстыбаннай уу  росреестрыгар киллэрэр. Онтон ЕГРН киирэр гына Росреестрга ыытар.

Билиҥҥи кэмҕэ Саха өрөспүүбүлүкэтигэр 71 нэһилиэнньэлээх пуун ууга былдьанар кыраныыссата чуолкайданан киирдэ. Нам, Таатта, Чурапчы, Амма, Мэҥэ Хаҥалас, Хаҥалас улуустарыгар, Дьокуускайга халаан уутугар барар сирдэр киирдилэр.

 РФ Уу кодексатыгар олоҕуран, бу зоналарга территориялары былааннааһын, тутууну ыытыы докумуоннарыгар киирэллэр. Бу сирдэргэ нэһилиэнньэлээх пууннары тэрийэр, хапытаалынай тутууну ыытар бобуулаах.

Нэһилиэк баһылыктара уонна олотоохтор, тутууну былаанныыр, сир атыылаһар саҕана бу боппуруоска болҕомтолоох буолалларыгар ыҥырабыт.

Сонуннар

Ордук ааҕаллар

«Sakhalifting» тардынааччылара сөхтөрөллөр
Спорт | 14.01.2022 | 20:42
«Sakhalifting» тардынааччылара сөхтөрөллөр
Ханна да тиийдэххэ, физкультуранан уонна спордунан утумнаахтык дьарыктанааччылар бааллар.  Хамсык ыарыы өрө турбут кэмигэр дьарыктанааччылар ахсааннара эбиллэ турара үөрдэр. Онлайн ситимин нөҥүө көхтөөхтүк дьарыктыыллар. Балтараа сыллааҕыта тэриллибит “Финанс” РИК гендириэктэрэ Дмитрий Захаров салайааччылаах “Sakhalifting”-турникка тардыныы бассаап-бөлөх ааспыт сылы дьоһуннук түмүктээтэ. Кэккэлэрэ да хаҥаан иһэр, көрдөрүүлэр да тупсаллар. 13 саастаах оҕотуттан...
«Инникигэ хардыы» конференцияҕа Дьокуускайтан 263 үөрэнээччи кыттар
Сонуннар | 11.01.2022 | 12:00
«Инникигэ хардыы» конференцияҕа Дьокуускайтан 263 үөрэнээччи кыттар
Тохсунньу 8 күнүгэр «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция үөрүүлээхтик арылынна. Манна 34 оройуонтан 1 700 тахса үөрэнээччи бэйэлэрин научнай-чинчийэр  үлэлэрин түмүгүн билиһиннэрэллэр.  «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция куораттааҕы түһүмэҕэр 2021 сыл сэтинньи 10 күнүттэн ахсынньы 16 күнүгэр диэри дистанционнай форматынан...
Дьокуускай салалтата крематорий тутуутун көҥүллээтэ
Сонуннар | 11.01.2022 | 16:00
Дьокуускай салалтата крематорий тутуутун көҥүллээтэ
Олохтоох дьаһалта «Быдан Эргиир» ХЭТ киин куоракка колумбарийдаах крематорий тутарыгар көҥүлү биэрдэ. Ити туһунан куорат баһылыгын нэдиэлэтээҕи планеркатыгар этиллиннэ диэн иһитиннэрдэ  Олохтоох дьаһалта пресс-сулууспата.  Куораты тутууга уонна тырааныспар инфраструктуратыгар Департамент информациятынан, 2021 сыл кулун тутар ыйыгар «Национальная мемориальная компания» ХЭТ диэн Арассыыйа территориятыгар кремациялыыр комплекстары тутуу операторыттан коммерческай этии киирбит....
Люба Готовцева:  «Киһи биир сиргэ тэпсэҥнии туруо суохтаах»
Дьон | 14.01.2022 | 20:54
Люба Готовцева: «Киһи биир сиргэ тэпсэҥнии туруо суохтаах»
Киһи олорорун тухары төһөлөөх элбэх киһини кытта билсэрэ, алтыһан ааһара буолуой?! Оттон суруналыыс буоллаххына, өссө элбэх киһини кытта көрсөҕүн, кэпсэтэҕин. Олоххор алтыспыт дьоҥҥун аны туран барыларын кытта сибээс туппаккын, ол эрэн искэр киллэрэн, олус үчүгэйдик саныы сылдьаҕын. Мин Любалыын, таптаан ааттыырбынан Любушкалыын, 2000 сыллар саҥаларыгар билсибитим. Онтон ыла хайдах эрэ...