02.07.2022 | 12:03

Сир аһын көҥүлэ

Сир аһын көҥүлэ
Ааптар: Киин Куорат

Экология, айылҕаны туһаныы уонна ойуур хаһаайыстыбатын министиэристибэтэ сир аһын хомуйуу болдьоҕун таһаарда.

Дыргыл сыттаах дьэдьэн от ыйын саҥатыгар Аммаҕа, Тааттаҕа, Бүлүүгэ, Уус Алдаҥҥа, Уус Майаҕа, Намҥа ситэр. От ыйын 15 күнүттэн дьэдьэни хомуйуу Чурапчыга, Мэҥэ Хаҥаласка, Намҥа, Хаҥаласка көҥүллэнэр.

Сугун от ыйын 20 күнүттэн көҥүллэнэр.

Моонньоҕон хоту улуустарга атырдьах ыйын 5 күнүттэн, Бүлүү бөлөхтөргө атырдьах ыйын ортотуттан көҥүллэнэр.

Уулаах отон - атырдьах ыйын 20 күнүттэн.

Охта хоту улуустарга  атырдьах ыйын бастакы декадатыттан.

Малина - от ыйын 18-20 күннэриттэн.

Черника атырдьах ыйын саҕаланыытыттан Мииринэйгэ, оттон Ленскэйгэ уонна Нерюнгригэ - атырдьах ыйын ортотуттан.

Кедр эриэхэтин атырдьах ыйын 25 күнүттэн саҕалаан хомуйуохха сөп, сорох оройуоннарга - балаҕан ыйыттан эрэ көҥүллэнэр. Ситэ илик эриэхэни маһы кырбаан, мутугун тоһутан хомуйуу бобуулаах. Сиргэ ситэн бэйэтэ түспүт эрэ эриэхэ хомуллуохтаах.

Тэллэйи хомуйууга туох да хааччах суох. 

Экология министиэристибэтэ иһитиннэрэринэн, бу болдьохтор дьон бэйэтин туһатыгар сир астыырыгар сыһыаннаахтар. Оттон атыыга сир астыырга, ойуур сокуонугар олоҕуран, сир учаастагын арыандаҕа ыларга дуогабар түһэрсиэхтээххит.

Бэйэ айаҕар сир астааччылар ханна баҕарар үргүүллэрэ көҥүл, ол иһигэр ким эрэ арыандалаабыт сириттэн эмиэ хомуйуохтарын сөп.

Билигин Саха сиригэр баһаартан сэрэхтээх буолуу эрэһиимэ биллэриллэн турар. «О введении ограничения пребывания граждан в лесах и въезда в них транспортных средств» дьаһал бырайыага бэлэмнэнэр. Ол дьаһал олоххо киирдэҕинэ нэһилиэнньэ ойуурга сылдьара бобуллуоҕа, быраабыланы кэстэххэ ыстараап 40-50 тыһ. солк. тиийиэҕэ.

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.