04.06.2021 | 13:30

Сибиир солко өрөөччүтүн уодьуганныыр уолдьаста

Сибиир солко өрөөччүтүн уодьуганныыр уолдьаста
Ааптар: Киин Куорат

СӨ Экологияҕа, айылҕа баайын туһаныыга уонна ойуур хаһаайыстыбатыгар министиэристибэтэ Сибиир солко өрөөччүтүн (сибирский шелкопряд) хонтуруоллуурга аукциону түмүктээтэ. Судаарыстыбаннай хантараак  «Рослесозащита» ФБТ кытта түһэрилиннэ. Суумата – 4 030 608,00 солкуобай.
Уопсайа 215 301,1 га сиргэ (Нам 3605 га, Хаҥалас 148 499,3, Дьокуускай 63 196,3 га,) хонтуруоллуур, чинчийэр тэрээһиннэр түмүктэнэн, Сибиир солко өрөөччүтүн уодьуганныыр миэрэлэри ылар уолдьаспыта көһүннэ. 


Ыам ыйын 27 күнүгэр тустаах боротокуол баттаммыт, ол 6 пуунугар 3 муниципальнай тэриллии баһылыктарыгар (Нам, Хаҥалас, Дьокуускай) ыксаллаах быһыы-майгы эрэсиимин киллэрэргэ сорудахтаммыт. 
Буортулааччыны суох оҥорорго авиация көмөтүнэн химическэй ньыманы туттар былааннаммыт. Бу миэрэ ылыллыан иннинэ нэһилиэнньэҕэ сэрэтии үлэтэ барыахтаах. 
«Клонрин» диэн  киэҥник туттуллар инсектициды туттар былааннанар. Бу эмп 3 кылаастаах кутталлаах, ол аата киһиэхэ, сүөһүгэ, мүөттээх ыҥырыаҕа куттала суох.  
Билиҥҥи туругунан буортулааччыны уодьуганныыр эми аҕалтарарга уонна авиационнай өҥөлөргө хантараак түһэрсэргэ үлэ барар. 


2021 сылга Сибиир солко өрөөччүтүн уодьуганныыр тэрээһиннэргэ 245 289,6 тыһыынча солкуобай ирдэнэр. 2021 сылга бүддьүөт бырайыактарын көмүскээһиҥҥэ субвенция үбүн суотугар федеральнай бүддьүөттэн 16 794,2 тыһыынча солкуобай көрүллүбүтүттэн 228 495,4 тыһыынча солкуобай тиийбэт. 
СӨ Ил Дарханын ыйааҕынан Бырабыыталыстыба резервнэй пуондатыттан 80 000,0 тыһыынча солкуобай көрүллүөҕэ. 
Үөһэ этиллибиккэ олоҕуран, 2021 сыл бэс ыйын 2 күнүттэн сарсыарда 9:00 чаастан  «Дьокуускай куорат» уокуругун 63 186,8 га иэннээх ойууругар ыксаллаах быһыы-майгы эрэсиимэ киирдэ. 
«Дьокуускайдааҕы ойуур хаһаайыстыбата» СӨ СКТ (Кузьмин Ю.Г.) нэһилиэнньэҕэ сэрэтэр, дьон ойуурга сылдьарын хааччахтыыр үлэни ыытыахтаах уонна дьааттааһыны саҕалыыр болдьоҕу куорат баһылыгар биллэриэхтээх.

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.