26.01.2024 | 16:00

«Школа 21» үөрэх дьылын саҕалаата

«Школа 21» үөрэх дьылын саҕалаата
Ааптар: Айталина Софронова
Бөлөххө киир

Быйыл күһүҥҥүттэн киин куоракка Сбербаан “Школа 21” үөрэх кампуһа аһыллыаҕыттан икки сүүмэрдиир тургутууга 400-тэн тахса киһи кытынна. Бу дьонтон бастакы 120-чэ кыттааччы үөрэхтэрин саҕалаатылар. Курсааннар 1,5 сылтан үс сылга диэри сүрүн үөрэҕи ылыахтара. 
Сбербаан “Школа 21” оскуолата көмпүүтэр бырагырааматын суруйарга, онуоха туһааннаах ньымалары түргэнник баһылыырга көмөлөһөр. Хамаандаҕа барыта 120-тэн тахса киһи үлэлиэҕэ, бөлөҕүнэн бырайыактары оҥоруохтара. Көмпүүтэр бырагырааматын суруйар тыллары үөрэтиини таһынан, база дааннайдарын кытта үлэҕэ үөрүйэхтэри ылыахтара. Кыттааччылар этэллэринэн, үөрэх кампуһа саҥа билиини ыларга, саҥа доҕоттору буларга бары өттүнэн табыгастаах. Уопсай үөрэх түмүктэннэҕинэ курсааннар бөдөҥ хампаанньаларга үс ыйдаах стажировканы ааһыахтара.


Бэлиэтээн эттээххэ, информационнай технология эйгэтин каадырдарын бэлэмнээһин боппуруостарыгар биһиги өрөспүүбүлүкэбит ураты болҕомтону уурар. Ол туоһутунан Сбербаан «Школа 21»  бастакы оскуолатыгар үөрэнэргэ 4300-тэн тахса сайаапка киирбитэ буолар. Бу манна ыччат эрэ буолбакка, улахан дьон эмиэ сайаапкалары биэрбиттэр. Ол курдук саастаах да дьон көмпүүтэр бырагырааматын суруйууну, веб-дизайны баһылыырга бэлэмнэрин биллэрбиттэр. 
“Школа 21” үөрэнэргэ барыта 4 тыһыынчаттан тахса  сайаапка киирбитэ. Үөрэниэн баҕалаахтар бары араас саастаахтар, идэлээхтэр, ол гынан баран  инники олохторун информационнай эйгэни кытта ситимниир баҕалаах дьон. Билигин интенсив кэмигэр устудьуоннар бириэмэлэрин бэйэ-бэйэни кытта алтыһан атаараллар. Бары кыттааччыларга ситиһиини баҕарабын, мин кинилэргэ эрэнэбин”, — диэн Ил Дархан Айсен Николаев бэйэтин социальнай ситимигэр бэлиэтиир. 

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!