06.05.2021 | 19:06

Севернай микрооройуон суолун хамыыһыйа быһаарыаҕа

Севернай микрооройуон суолун хамыыһыйа быһаарыаҕа
Ааптар: Киин Куорат
Бөлөххө киир

Дьокуускай куорат дьаһалтата иһитиннэрэринэн, Севернай микрооройуон суола алдьаммыт сүрүн төрүөтүн хамыыһыйа көрөн быһаарыаҕа. 
Ыам ыйын 5 күнүгэр социальнай ситим нөҥүө Севернай микрооройуон саҥа буор суола алдьаммытын туһунан үҥсүү киирбитэ. Бу суол 2019 сыллаахха «Куттала суох уонна хаачыстыбалаах суоллар» национальнай бырайыак чэрчитинэн өрөмүөннэммитэ. Бэдэрээтчит «Инвестдорстрой» «Главстрой» тэрилтэ сакааһынан үлэлээбитэ. 
«Бу учаастакка бырайыак быһыытынан уу ааһар турбата ууруллубута. 2019-2020 сылларга турба штатнай эрэсииминэн үлэлээбитэ. Быйыл наһаа элбэх хаар түһэн уонна тымныы кыһын буолан, турба тоҥон, онно уу мустан суол болотуната алдьаммыт», – диэн этэр «Главстрой» тэрилтэ бэрэстэбиитэлэ.

Куорат тутуутун уонна тырааныспар инфраструктуратын департамена бу нэдиэлэҕэ хамыыһыйа тэрийэн суол алдьаммыт төрүөтүн уонна өрөмүөнү ким ыытарын быһаарыахтара. 

«Хамыыһыйа суол алдьаныыта гарантиялаах түгэҥҥэ сөп түбэһэрин быһаарыаҕа. Оннук буоллаҕына, өрөмүөнү бэдэрээтчит бэйэтин суотугар ыытыаҕа. Оттон мэктиэлээх болдьоххо сөп түбэспэт диэн быһаарылыннаҕына, манна үлэлиир тустаах тэрилтэ өрөмүөнү ыытыаҕа», – диэн «Главстрой» үлэһиттэрэ этэллэр.

Сонуннар

Ордук ааҕаллар

Полина Победа:  «Дьоллоох буолуҥ олоххутугар, түүлгүтүгэр»
Дьон | 29.02.2024 | 10:00
Полина Победа: «Дьоллоох буолуҥ олоххутугар, түүлгүтүгэр»
Бүгүҥҥү ыалдьыппын улаханнык билиһиннэрэр да наадата суох буолуо. Кинини, өрөспүүбүлүкэ сахалыы тыллаах олохтоохторо ПОЛИНА ПОБЕДА диэн ааттаах хоһоонньуту, социальнай ситим устун билбиттэрэ ыраатта. Полина Пантелеймоновна Находкина хомоҕой тыллаах хоһоонноро элбэх киһи кутун туталлар, махталын ылаллар. Кини ону таһынан имигэс үҥкүүһүт, шпагат түһэр, араас эрчиллиилэри холкутук оҥорор, төбөтүн оройугар турар –...
Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!