02.12.2021 | 13:00

«Севернай» дьоҕус оройуоҥҥа гаас ситимэ холбонно

«Севернай» дьоҕус оройуоҥҥа гаас ситимэ холбонно
Ааптар: Киин Куорат
Бөлөххө киир

«Сахатранснефтегаз» АУо биригээдэлэрэ элбэх оҕолоох ыал олорор «Севернай» дьоҕус оройуону гаастааһыҥҥа үлэлииллэр. Быйыл бастакы уон дьиэ гаас ситимигэр холбонуохтаах. Бу туһунан куорат баһылыга Евгений Григорьевтыын оробуочай көрсүһүүгэ ньиэп-гаас хампаанньатын генеральнай дириэктэрэ Алексей Колодезников иһитиннэрбит. 
«Билиҥҥи туругунан икки биригээдэ «Севернай» дьоҕус оройуону гаастааһыҥҥа үлэлиир. Ааспыт өрөбүллэргэ 4 км уһуннаах үрдүк баттааһыннаах ситим холбонно. Ылыммыт эбэһээтилистибэбитин толорор соруктаахпыт», – диэбит  Алексей Колодезников.
Олохтоох дьаһалта, өрөспүүбүлүкэ сириэстибэлэрин кыттыһыннаран, «Севернай» дьоҕус оройуоҥҥа 29 км кэриҥэ уһуннаах гаас ситимин туттарбыт. Гаас элбэх оҕолоох ыал 1300 сир учаастактарыгар чугаһатыллыбыт. Ситимнэри тутуу 2019 сылга саҕаламмыт, билиҥҥи кэмҥэ эбийиэк бэлэм уонна куттал суох буолуутун бары ирдэбиллэригэр эппиэттиир. Үлэҕэ киллэрэргэ көҥүл уонна СӨ судаарыстыбаннай тутууга уонна дьиэ-уот хонтуруолугар Управлениетын түмүгэ ылыллыбыт,  промышленность уонна геология Министиэристибэтин эбийиэккэ гааһы биэрэр туһунан бирикээһэ тахсыбыт. 
Бэдэрээччик «Восток-Капитал» ХЭТ дьоҕус оройуоҥҥа тарҕатар ситимнэри туппут. Оттон «Сахатранснефтегаз» дьиэлэргэ тириэрдэр гаас ситимнэрин тутуохтаах. Боппуруос генеральнай дириэктэр ураты хонтуруолугар сылдьар, гааһы холбуур уонна техническэй усулуобуйаны биэрэр туһунан дьаһал тахсыбыт. 
Алексей Колодезников бырагыраама сүрүн ирдэбиллэрин быһаарбыт. Ол курдук, сир учаастага уонна дьиэ бас билээччи аатыгар суруллубут буолуохтаахтар. Гааһы холбуурга ити сүрүн усулуобуйа. 
Санатар буоллахха, быйыл күһүн РФ бэрэсидьиэнэ Владимир Путин биллэрбит социальнай газификация бырагыраамата үлэҕэ киирбитэ. Бырагыраама чэрчитинэн гааһы гражданнар сир учаастактарыгар диэри босхо тиэрдиллэр. СӨ Ил Дархана Айсен Николаев Ыйааҕынан нэһилиэнньэлээх пууннары гаастааһын региональнай операторынан «Сахатранснефтегаз» АУо анаммыта.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...