Сэтинньи 19-20 күннэригэр вакцинация түүнэ ыытыллар

Сэтинньи 19-20 күннэригэр «Ночь вакцинации» аахсыйа 203-с дьоҕус оройуоҥҥа уонна Гагаринскай уокурукка ыытыллар.   
Киэһэ 17 чаастан 22 чааска диэри куорат олохтоохторун коронавирус дьаҥын утары быһыыны ыларга 203-с дьоҕус оройуон Smart библиотекатыгар уонна Гагаринскай уокурук Ю.А.Гагарин аатынан култуура Киинигэр күүтэллэр. Итиннэ 1 №-дээх поликлиника эбии пууннара үлэлиэхтэрэ. 
Быһыыны туруортарарга пааспар, медицинскэй полис уонна СНИЛС ирдэнэр. 
Талан ыларга баар вакциналар: Гамковид вак (СпутникV), Ковивак уонна ревакцинацияҕа – Спутник лайт.
Ю.А.Гагарин аатынан култуура Киинигэр быһыыны ылбыттарга саҥа дьыллааҕы оҕо утреннигар чэпчэтии көрүллэр купона бэриллэр. 
Smart библиотекаҕа быһыыны ылбыттары ЛитРес босхо регистрация уонна ааҕааччы электроннай билиэтэ күүтэллэр. 
Итини таһынан, Судаарыстыбаннай цирк дьиэтигэр, Поярков уул., 22, үлэ күнүгэр 18:00-21:00 ч. быһыыны оҥоруу салҕанар. Итиннэ быһыыны ылбыттарга циркаҕа сылдьарга чэпчэтиилээх купон бэриллэр.