01.12.2022 | 10:00

Сэргэх көрсүһүү

Сэтинньи 27 күнүгэр Дьокуускай куоракка "Иэйии" айар түмсүү салайааччыта Илья Афанасьев-Алмаас көҕүлээһининэн төрөөбүт төрүт тыл дьылҕатын тула кэпсэтии буолан ааста.
Сэргэх көрсүһүү
Ааптар: Елена Антонова-Күн Сиккиэрэ
Бөлөххө киир

Үс чаас кэриҥэ олорон, күө-дьаа буолан оҕолуу омуннаахтык кэпсэттибит. Бары даҕаны орто омурҕаннарын ааспыт, эт-хаан, кут-сүр чарааһаан, мөлтүү быһыытыйан эрэр, сааһыра барбыт дьоммут. Хайыы үйэ оннун булбут өй-санаа, олох, дьылҕа, айан, уларыйара уустук. Хас биирдии киһи, ылын-ылыныма, бэйэтинэн, баарынан кэрэ, истиҥ, дьиҥнээх. Оннук даҕаны буолуохтаах.
Бэлиэтээн эттэххэ, “Иэйии” түмсүү салайааччыта Илья Афанасьев-Алмаас сүрэҕэр эпэрээссийэ оҥоһуллуохтааҕа көһөрүллэн, ыраах Хабаровскайтан төннөн кэлбитэ. Ол да буоллар санаатын күүһүнэн сылдьарын сөҕө саныыгын.
Маны сэргэ, кэнники кэмҥэ айар үлэлэригэр биллэр-көстөр ситиһиилэммит дьоммутун бэлиэтээн ааһыахпын баҕарабын: ырыа матыыбын айааччы, толорооччу Константин Мохначевскай, айылҕаттан айдарыылаах айар куттаах Сунтаар Кириэстээҕиттэн саха тылын дьылҕатын туһугар тыл этэн сийиэскэ кыттыыны  ылбыт Александр Амбросьев-Сайылык Уола. 
Константин Мохначевскай уонна Сайылык Уола: "Айымньыбытынан син биир астыммаппыт, туох эрэ өрүү тиийбэт, сымсах курдук", – диэбиттэрин сөбүлүү, сэргии иһиттим. Тыыннааҕыҥ тухары үүн-сайын, ай-тут – ол айан бүтэр уһуга көстүбэт. Оннук күн аайы, сааһырдаргын, ыарыйдаргын, тайахха да тайана сырыттаргын, ситиһиилээх да буолларгын, өрүү үрдүккэ, кэрэҕэ тардыс, бу сиргэ кэлбит иэскин – үчүгэйи, үтүөнү үксэт! 
Бүгүн бааргын, тыыннааххын, бэйэлээх бэйэҥ эрэ айар-тутар олоххунан олор!

Сонуннар

Ордук ааҕаллар

Биир санаанан салайтаран
Дьон | 19.01.2023 | 13:00
Биир санаанан салайтаран
Норуот сомоҕолоһуута, биир санааланыыта – олохпут сарсыҥҥыга эрэллээх буолуутун олуга. Хаһыаппыт бүгүҥҥү нүөмэригэр Ытык Күөл бөһүөлэгэр түөлбэнэн үлэни салайар бастыҥ уопсастыбанньык, олоххо көхтөөх позициялаах Агафья Савватееваны кытта кэпсэтэбит.
Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
«Сатал» кыһалҕатын быһаарар былаан оҥоһулунна
Сытыы муннук | 20.01.2023 | 13:00
«Сатал» кыһалҕатын быһаарар былаан оҥоһулунна
«Киин куорат» хаһыат ааспыт нүөмэригэр «Сатал» түөлбэҕэ тахсыбыт саахал туһунан суруйан турабыт. Тохсунньу тоһуттар тымныыта саамай муҥутаан турар кэмигэр аны маннык быһылаан хатыламматын, дьон дьиэтэ, гарааһа хам тоҥмотун туһугар олохтоохтор сүрүннүүр бөлөх тэринэн, Ил Дархаҥҥа тиийэ сурук суруйдулар.   Дьокуускайга кытыы түөлбэлэри, тыа хаһаайыстыбатын, атыыны-эргиэни уонна урбааны сайыннарыыга куорат баһылыгын солбуйааччы...
Мөлүйүөҥҥэ тиийэ иликпит
Сонуннар | 21.01.2023 | 17:00
Мөлүйүөҥҥэ тиийэ иликпит
Сахастат 2022 сыл түмүгэр 2021 сыллаахха ыытыллыбыт (2020 сыллаахха ковид ыарыынан сибээстээн көспүтэ) нэһилиэнньэ биэрэпиһин барыллааһын түмүгүн таһаарбыта.  Саха сирин нэһилиэнньэтин ахсаана: 995,7 тыһ. киһи  (2022 сыл тохсунньу 1 күнүгэр 992 115 киһи этэ)