Сэрэтэр тэрили туруортарыаххыт – нус-хас олоруоххут

Автономнай баһаартан сэрэтэр тэрил (АДПИ) кыра да умайыы сибикитэ баар буоллаҕына тута улаханнык тыаһаан биллэрэр, утуйа да сытар дьону уһугуннарар кыахтаах. Батарыайанан иитиллэр («Крона» курдук батарыайа), иитиитэ сылтан ордук болдьоххо тиийэр. Аналитиктар этэллэринэн, АДПИ-ны туттуу киһи сиэртибэтин ахсаанын  64-69%, баһаар тахсыытын 25-30%, материальнай хорумньуну 19-26% аҕыйатар. 
АДПИ кыаҕа киэҥ далааһыннаах, аныгы тэрилгэ  GSM модуль олордуллар, ол көмөтүнэн:
·        эрдэттэн бырагыраамаламмыт төлөпүөн нүөмэрдэригэр эрийэр, нүөмэрдэри алтаҕа тиийэ киллэриэххэ сөп;
·        SMS-биллэриилэри ыытар;
·        Арассыыйаҕа оҥоһуллубут тэриллэр 9 вольталаах батарыайалаахтар, автономнай иитиитэ үс сылга диэри тиийэр. 
АДПИ-ны пааспарыгар суруллубутунан олорор дьиэ хосторун, көрүдүөрдэрин үрдүлэригэр, истиэнэлэригэр  туруораллар. Тэрил төгүрүк суукканан үлэлиир. Сыл аҥарыгар биирдэ камератын устан быылын ыраастаныллар. 
АДПИ-тан сэрэтии киирдэ даҕаны баһаары таһаарбат курдук тута дьиэни бэрэбиэркэлиэххэ наада, ханна, туох умайыан сөбүн.
· умайыы саҕаланан эрэр буоллаҕына огнетушителинэн ыстарыллар;
· кыайан умуруорбатахха уот уонна буруо тарҕамматын курдук ааны сабыллыахтаах; 
· суһаллык баһаарынай харабылга «01», мобильнайтан – «101», «112» нүөмэрдэргэ эрийиллиэхтээх;
· диспетчергэ араспаанньаҕытын, ааккытын, аадырыскытын этэҕит, кылгастык туох умайарын эбэтэр туох баһаар сибикитэ баарын кэпсиигит;
· ыалларгытын сэрэтэҕит;
·        диспетчер тугу этэрин болҕомтолоохтук истэ сатааҥ, наадалаах сүбэлэри биэриэн сөп.
Өйдөөҥ, эһигиттэн чугас дьоҥҥут олоҕо тутулуктаах!