Сэбиэскэй Аармыйа 50 сыла уулуссаҕа баар хаар тиэйэр полигон 89% туолан турар

Олохтоох дьаһалтаҕа муус устар 11 күнүгэр санитарнай ыраастаныы ыстаабын нэдиэлэ аайы ыытыллар уочараттаах мунньаҕа буолан ааста. 
«Якутдорстрой» АУо информациятынан, полигоҥҥа 667 тыһыынча куб/м хаар тиэйиллибит, ол иһигэр «Якутдорстрой» АУо күүһүнэн – 341 тыһ. куб/м. Сэбиэскэй Аармыйа 50 сыла уулуссаҕа баар хаар тиэйэр полигон 89% туолан турар.
«Якутдорстрой» халааҥҥа бэлэмнэнэр үлэни салҕыыр – кулун тутар саҥатыттан 12 454 погоннай миэтэрэ халдьа ириэриллибит, 50 дьаама уонна 53 носуос ыстаансыйата бэлэмнэниллибит.
«Жилкомсервис» МУТ иһитиннэрбитинэн, мууһурбут хаары тиэйии салҕанар. Бүгүҥҥү күҥҥэ 12836 куб/м тиэйиллибит. Тэрилтэ үлэһиттэрэ хааччыллыыта суох уопсай дьиэлэртэн бөх тоҕор дьаамалары ириэрэн тиэйиини салҕыыллар. 
Управалар күннэтэ социальнай уонна ресурсанан хааччыйар тэрилтэлэр тиэргэннэриттэн хаары уонна чэҥи тиэйии хаамыытын хонтуруоллууллар, диэн иһитиннэрэр Олохтоох дьаһалта пресс-сулууспата.