03.08.2020 | 15:00

Сайсарыга видеонан кэтээн көрүү камераларын туруордулар

Сайсарыга видеонан кэтээн көрүү камераларын туруордулар
Ааптар: Киин Куорат

Атырдьах ыйын 2 күнүгэр куорат баһылыга Сардана Авксентьева Сайсары уокуругар “Куттала суох куорат” аппаратнай бырагыраама комплексын киллэрии туһунан мунньаҕы ыытта. Ол курдук, ОДьКХ боппуруостарыгар баһылыгы солбуйааччы Роман Сорокин, “Умный город” муниципальнай бырайыактыыр офис администратора Михаил Лукин, “Ростелеком” ПАУо уонна Сайсары уокуругун управлениета кыттыылаах тэрээһин буолан ааста.

 “Ростелеком” тэрилтэ пилотнай бырайыак чэрчитинэн Сайсары уокуругар аһыы утаҕы атыылыыр маҕаһыыннар таһынааҕы дьиэлэр олбуордарыгар эбии сэттэ видеокамераны туруорда. Куорат үрдүнэн уопсайа 20 видеокамера үлэлиир.

“Камералары ханна туруорар туһунан  Сайсары уокуругун управлениетын кытта бииргэ сүбэлэһэн быһаарбыппыт. Кэтээн көрөр камералар арыгы атыылыыр маркеттар уонна суол быһылаана тахсар дьиэлэр аттыларыгар туруордубут”, – диэтилэр “Ростелеком” үлэһиттэрэ.

“Лермонтов уул.,138/4, аадырыс олохтоохторо олбуордарыгар видеонан кэтээн көрүүнү туруорбуппутугар махтаннылар. Ильменскэй уулуссаҕа камера маҕаһыыҥҥа уоруу тахсыбытын уһулбут”, – диэн Сайсары уокуругун управлениета иһитиннэрдэ.

Михаил Лукин киин куорат уопсастыбаннай сирдэригэр видеонан кэтээн көрүү систиэмэлэрин элбэтэр этиилээх.

“Бастакы уочарат баардары, ол-бу кафелары, күнүстэри-түүннэри үлэлиир атыы-эргиэн туочукаларын хабыахпытын наада”, – диэтэ  “Умный город” муниципальнай бырайыактыыр офис администратора. Ону таһынан куорат тырааныспарыгар, уулуссаларыгар кэтээн көрүү систиэмэтин киллэриэххэ сөбүн туһунан кэпсээтэ.

Мунньах түмүгэр куорат баһылыга хантан үп-харчы көрүллүөн сөбүн үөрэтэргэ, аадырыстарынан былаан оҥорорго, “Горсвет” тэрилтэни уонна ИДьМ “Якутское” управлениетын кытта уопсай мунньаҕы тэрийэргэ соруйда.

Санатан аастахха, “Куттала суох” аппаратнай бырагыраама комплекса киин куоракка 2008 сылтан үлэлиир. 2008-2018 сылларга 123 видеонан кэтээн көрөр камера туруоруллубута. 2019-2020 сылларга 10 камера эбиллибитэ.       

Сонуннар

Ордук ааҕаллар

Икки герой-ийэ уонна кинилэр сыдьааннара
Дьон | 05.06.2021 | 21:21
Икки герой-ийэ уонна кинилэр сыдьааннара
Бу сырыыга рубрикабыт “Ыалдьыт” оннугар “Ыалдьыттар” диэн буолла. Суруйуубун ааспыт Оҕо көмүскэлин күнүгэр саҕалаатым уонна кэлэн иһэр Дьиэ кэргэн күнүгэр аныыбын.   Кырдьыбаттар   Икки улахан геройбут 90-ча саастаахтар. Норуот ааттыырынан,  Ылдьааналаах  Өлөксөөс кыыстаах уоллара холбоһуохтарыттан хардарыта сылдьыһаллар, сотору-сотору төлөпүөннэһэллэр.  Сэрии, сут, көһөрүллүү кыһалҕаларын ааспыт Чурапчы ытык кырдьаҕастара. Билиҥҥэ диэри көхтөөх...
Маһы ыллатар уус, ырыаһыт, үҥкүүһүт, артыыс...
Дьон | 07.06.2021 | 18:45
Маһы ыллатар уус, ырыаһыт, үҥкүүһүт, артыыс...
Хатас олохтооҕо Андрей Лукич Малышев-Толлуман – “Эр Бэрдэ” балаһабыт бүгүҥҥү ыалдьыта. Кини Горнай улууһуттан төрүттээх. СӨ култууратын туйгуна, “Уус – уран оҥоһуктар” бэлиэ хаһаайына, мас ууһа, столяр идэлээх. Хоһоон суруйар, ырыа айар, үҥкүүлүүр. Хатастааҕы норуодунай театр солбуллубат артыыһа. Барыга-бары дэгиттэр талааннаах эр бэрдэ. Кини тугу сатаабатаҕа баарай... Маһы ыллатар уус,...
Пандемия кэмэ:  ырыаһыт, үҥкүүһүт туох тургутууну ааста?
Дьон | 06.06.2021 | 16:50
Пандемия кэмэ: ырыаһыт, үҥкүүһүт туох тургутууну ааста?
Биллэр ырыаһыттар, үҥкүүһүттэр пандемия кэмигэр атын туох сонун дьарыктаах буоллулар? Бу хааччах кэмигэр туох кыһалҕаны көрүстүлэр?  Киинэ аартыгын арыйдым Валентина Романова – Чыскыырай, Саха Өрөспүүбүлүкэтин үтүөлээх артыыһа, эстрада ырыаһыта: – Аан дойдуну атыйахтаах уу курдук аймаабыт дьаҥ кэмигэр туох дьарык баар буолуоҕай. “Выживание” курдук. Ол эрэн санаабытын түһэрбэккэ, бу күҥҥэ...
Абитура чугаһаата! Бэлэмҥин дуо?
Тускар туһан | 09.06.2021 | 19:59
Абитура чугаһаата! Бэлэмҥин дуо?
Абитура чуһаата. Эмиэ биир эппиэттээх, тиритиилээх-хорутуулаах, сүүрүүлээх-көтүүлээх кэм тиийэн кэллэ. Быйылгы үөрэххэ туттарсааччылар тугу билиэхтээхтэрий? Докумуоннары тутар киин  хамыыһыйа хайдах үлэлиирий? Туттарсыыга туох докумуоннар ирдэнэллэрий? Бу уонна атын да ыйытыыларга хоруйу мантан аллара ааҕыҥ. Бэлиэтээн эттэххэ, Дьокуускай куорат оскуолаларын быйыл 11 кылааһы уопсайа 2180 оҕо бүтэрэр. Онтон 205 выпускник «Үөрэххэ...