Сайсарыга тырааныспар сырыыта хааччахтанар

Сайсары уокуругар кэккэ эбийиэктэргэ тырааныспар сырыыта хааччахтанар. Бу туһунан олохтоох дьаһалта иһитиннэрэр.

Ол курдук, Ильменскэй уулуссанан тимир көлөнөн айан хааччахтанар:

Чайковскай уулуссатыттан Лонгинов уулуссатыгар диэри уонна Винокуров уулуссатыттан Макаренко уулуссатыгар диэри учаастакка (олунньу 7 күнүттэн кулун тутар 26 күнүгэр диэри);

Макаренко уулуссатыттан Лонгинов уулуссатыгар диэри учаастакка (кулун тутар 26 күнүттэн муус устар 30 күнүгэр диэри);

Винокуров уулуссатыттан Ильменскэй уулусса 57 нүөмэрдээх дьиэтигэр диэри учаастакка (муус устар 26 күнүттэн ыам ыйын 31 күнүгэр диэри).  

Бу эбийиэктэргэ намыһах дабылыанньалаах гаас ситимин өрөмүөннүүр былааннаммыт үлэ ыытыллар. Сотору кэминэн Винокуров уулуссатыгар быстах кэмҥэ оптуобус тохтобулун туруоруохтара. Ол туһунан Сайсары дьаһалтата биллэриэҕэ.