15.09.2020 | 16:53

Сайсары уокуругар саҥа хочуолунай аһылынна

Сайсары уокуругар саҥа хочуолунай аһылынна
Ааптар: Киин Куорат

Бүгүн Сайсары уокуругар «Лермонтова 200» саҥа хочуолунай аһылынна. Тэрээһиҥҥэ Дьокуускай куорат баһылыга Сардана Авксентьева, ОДьКХ боппуруостарыгар баһылык солбуйааччыта Роман Сорокин, Дьокуускай куорат Дууматын бэрэссэдээтэлин солбуйааччы Анатолий Кырджагасов, «Теплоэнергия» АУо сүрүн инженерэ Сергей Малышов, депутаттар, тэрилтэ үлэһиттэрэ кыттыыны ыллылар. Бу туһунан куорат дьаһалтатын пресс-сулууспата иһитиннэрэр.

Сардана Авксентьева тыл этэригэр Сайсары уокуругун 93-с, 94-с кыбаарталларыгар билигин үгүс тутуу бара турарын, манна итиинэн, уунан хааччыйар саҥа хочуолунай олус наадалааҕын бэлиэтээтэ.

"Аныгылыы тутуулаах эбийиэги үлэҕэ киллэрбит, 200 мөлүйүөн солкуобайтан тахса суумаҕа бэйэтин суотугар туппут «Теплоэнергия» кэлэктиибин хайҕыахпытын баҕарабыт. Бу өрөспүүбүлүкэ киин куоратын 93-с, 94-с кыбаарталларыгар сайдыы саҥа саҕахтара”, – диэтэ куорат баһылыга.

Үөрүүлээх тэрээһиҥҥэ хочуолунай Владимир Сергеевич Назаров аатын сүгүө диэн биллэрдилэр. Кини олоҕун тиһэх күнүгэр диэри тэрилтэ сүрүн инженеринэн үлэлээбитэ.

Сардана Авксентьева тэрилтэ киин куорат коммунальнай хаһаайыстыбатын, теплоэнергетикатын сайдыытыгар кылааттарын киллэрбит, өр сылларга бэриниилээхтик үлэлээбит бэтэрээннэрин аатын үйэтитэрин  хайҕыырын биллэрдэ.

“Теплоэнергия” АУо сүрүн инженерэ Сергей Малышов үс сыллааҕыта, Дьокуускай куорат төрүттэммитэ 385 сылыгар, хочуолунай бастакы сыбаайата түһэриллибитин ахтан ааста.

Тэрээһин үөрүүтүн бастыҥ үлэһиттэри грамотанан, махтал суругунан наҕараадалааһын үрдэттэ.

 «Лермонтова 200» хочуолунай – 730 кв.миэтэрэ иэннээх, 39 мегаватт кыамталаах үрдүк технологиялаах хочуолунан хааччыллыбыт аныгы тутуу.  Үөлэһэ 65 миэтэрэ үрдүктээх эбийиэк ыксаллаах быһыыга-майгыга дизельнэй оттугунан үлэлиэн сөп.

Сонуннар

Ордук ааҕаллар

Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Юрий Попов: «Барыта улахан үлэттэн тахсар»
Дьон | 25.11.2022 | 16:00
Юрий Попов: «Барыта улахан үлэттэн тахсар»
Дьокуускайга Тупсарыы үс сыла биллэриллэн, бу диэн эттэххэ, киин куоракка, чахчы, үтүмэн үлэ ыытылынна, ону олохтоохтор даҕаны бэйэҕит көрө-истэ сылдьаҕыт.  Быйыл сайын «Уһук Илиҥҥэ 1000 тиэргэн» федеральнай бырайыагынан Дьокуускай куоракка 75 тиэргэн тупсаран оҥоһулунна. Саамай элбэх эбийиэккэ бэдэрээтчитинэн «Основа» ХЭТ үлэлээтэ. Онон бүгүҥҥү нүөмэрбитигэр бу тэрилтэ эдэр салайааччыта Юрий Поповы...
Ийэ айманар сүрэҕин туох уоскутуой...
Сытыы муннук | 01.12.2022 | 12:03
Ийэ айманар сүрэҕин туох уоскутуой...
Билиҥҥи балаһыанньаҕа, билиҥҥи судургута суох кэмҥэ оҕотун байыаннай дьайыыга атаарбыт ийэлэрдиин кэпсэтэртэн ордук ыарахан суох. Кинилэр куоластара титириирэ, харахтарын уутун кистээн туора соттоллоро, оҕолорун тустарыгар күүстээх, тулуурдаах буола сатыыллара киһини өссө уйадытар, уоскутар тылы булбакка мух-мах бараҕын. Бу сырыыга оҕолорун атаарбыт, кэтэһэр, эрэнэр икки ийэни кытта харах уулаах кэпсэтиибин ааҕааччыларбар...