Сайсары уокуругар 10 дьиэни көһөрүөхтэрэ
![Сайсары уокуругар 10 дьиэни көһөрүөхтэрэ](https://kiinkuorat.ru/wp-content/uploads/2024/06/WvW1kYi4Pw.jpg)
Куорат баһылыга Евгений Григорьев уонна «СЗ Высота+» ХЭУо салайааччыта Станислав Сивцев куорат 85-с кыбаарталын кэлимник сайыннарыы туһунан сөбүлэҥи түһэристилэр.
Дуогабар бастакы түһүмэҕинэн Сайсары уокуругар 10 ситэтэ суох хааччыллыылаах мас дьиэни көтүрэн, 150 кыбартыыра олохтоохторун көһөрүү турар.
«СЗ Высота+» ХЭУо дириэктэрэ Станислав Сивцев быһаарбытынан, көтүрүллэр дьиэлэр оннуларыгар 11 сыл устата уопсайа 75 тыһыынча кв. миэтэрэ иэннээх олорор дьиэни тутуохтаахтар. «Нэһилиэнньэҕэ үс араас вариантан талларабыт – эргэ дьиэни атыылаһан биэрэбит, бэйэбит туппут саҥа дьиэбититтэн кыбартыыра аныыбыт эбэтэр кыбартыыраларын атыылаһан ылабыт», - диир Станислав Сивцев.
Бэлиэтээн эттэххэ, Новокарьерная, 12 дьиэ 11 кыбартыыратыттан 10-нун олохтоохторун кытта номнуо көһөрүү туһунан дуогабардар түһэрсиллибиттэр.
Баһылык Евгений Григорьев бэлиэтээбитинэн, территориялары кэлимник сайыннарыы (КРТ) дуогабардара нэһилиэнньэ олорор усулуобуйатын лаппа тупсарар аналлаахтар, диэн иһитиннэрэр Олохтоох дьаһалта пресс-сулууспата.
Сонуннар
Ордук ааҕаллар
![Мария Мигалкина: «Кэлии сиэмэлэринэн үлүһүйүмэҥ»](/thumbnails/600/300/wp-content/uploads/2024/07/zgV1bKwtkp.jpg)
![Изабелла Попова: Сүрэхпэр сөҥөрбүт дьүөгэлэрим](/thumbnails/600/300/wp-content/uploads/2024/07/08bzwt1DHL.jpg)
![Баһаар буруйдааҕын тыллыаҥ — наҕараада ылыаҥ](/thumbnails/600/300/wp-content/uploads/2024/07/FtpkFiKGrd.jpg)
![Саха сиригэр мелиорация үлэтэ саҕаламмыта 75 сылын туолла](/thumbnails/600/300/wp-content/uploads/2024/07/6LP5o124wA.jpg)