Сайсары эбэ уонна 202-с түөлбэ куорат маастар-былаанынан оҥоһуллаллар
«Азия оҕолоро» Оонньууларга бэлэмнэнии иитинэн баһылык Евгений Григорьев Сайсары эбэни кыйа уонна Роман Дмитриев аатынан кытылларга ыытыллар баараҕай өрөмүөн хаамыытын билистэ.
«Главстрой» муниципальнай хааһына тэрилтэтин салайааччыта Алексей Варламов иһитиннэрбитинэн, «Триумф» спорт комплексын кэннинээҕи территорияны кэҥэтэр сыалтан бу кыһын сири үрдэтии үлэтэ, биэрэги бөҕөргөтүү ыытыллыбыт. Манан билигин сатыы сылдьар сир оҥоһуллар. Бу күннэргэ спорт балаһааккаларын, сатыы дьон сылдьар сирдэрин, бэлисипиэт тэбэр зоналары тэрийэллэр, дьоҕус архитектурнай оҥоһуктары туруораары бэлэмнэнэллэр. Ийэ скверин өрөмүөнэ эмиэ тэҥинэн ыытыллар.
«Триумф» спорт комплексын таһынааҕы миэстэ өрөмүөнэ «Азия оҕолорун» иннигэр түмүктэнэр, оттон Сайсары кытылын уопсай өрөмүөнэ аны күһүҥҥэ диэри салҕанар. Онон аны күһүҥҥүттэн Сайсары эбэни кыйа сатыы дьаарбайыахха, саҥа аралдьыйар, спордунан дьарыктанар балаһааккаларга дуоһуйа сынньаныахха сөп буолуо, диэн иһитиннэрэр Олохтоох дьаһалта пресс-сулууспата.
Сонуннар
Ордук ааҕаллар
