Сардана Авксентьева Сайсарыны көрдө-иһиттэ

Бэҕэһээ, ол эбэтэр атырдьах ыйын 2 күнүгэр, куорат баһылыга Сардана Авксентьева Сайсары уокуругун кэрийдэ. Кини ОДьКХ боппуруостарыгар солбуйааччыта Роман Сорокины кытта хас да эбийиэги көрдө-иһиттэ.

Үлэлиир бөлөх Лермонтов уул., 138/4, тиийэ сырытта, бу дьиэ олбуорун кыһалҕаларын дьүүллэстэ. Сайсары уокуругун бэрэстэбиитэллэрэ 41 нүөмэрдээх оптуобус сырыытын Уустаах Избеков уулуссатыгар тиийэ уһатары туруорустулар. Бу – түөлбэ элбэх ахсааннаах олохтоохторун көрдөһүүлэрэ.

Салгыы Сардана Авксентьева “Ильмень үрдүнэн туруйалар” мемориальнай комплекска өрөмүөн үлэтин билистэ.  Ону таһынан “Ростелеком” тэрилтэ бу комплекска уонна олорор дьиэлэр аттынааҕы аһыы утаҕы атыылыыр туочукаларга видеонан кэтээн көрүү камераларын үлэтин көрдө.

Тэрээһин түмүгүнэн этиилэр, бэлиэтээһиннэр боротокуолга киирдилэр.