31.08.2020 | 08:03

Сардана Авксентьева нэһилиэнньэ ыйытыыларыгар хоруйдаата

Сардана Авксентьева нэһилиэнньэ ыйытыыларыгар хоруйдаата
Ааптар: Киин Куорат
Бөлөххө киир

Бэҕэһээ киэһэ 19.00 чаастан Дьокуускай куорат баһылыга Сардана Авксентьева инстаграмҥа нэһилиэнньэ ыйытыыларыгар хоруйдаата. Быһа эфиртэн сүрүн этиилэри, санаалары түмэн, кылгатан таһаарабыт.

Оскуолалар

  • Киин куоракка үөрэх дьыла балаҕан ыйын 1 күнүттэн саҕаланар. 1-4 кылаас оҕолоро оскуолаҕа үөрэнэллэр, оттон 5-11 кылаастар дистанционнай ньыманан.  Ол эрээри 9, 11 кылаастар консультациялара – оскуолаҕа. Үөрэнээччилэр оскуолаҕа урут-хойут кэлэр буолуохтара (“каскадное расписание”). Балаҕан ыйын 18 күнүгэр диэри, анал дьаһал тахсыар диэри оҕолор маннык үөрэниэхтэрэ.
  • Куорат таһынааҕы оскуолалар үөрэнэр оҕолорун ахсаана аҕыйах, онон биир симиэнэнэн үөрэниэхтэрин сөп.
  • Уопсайынан, оскуола хайдах ньыманан үлэлиирин бэйэтэ быһаарар, Роспотребнадзор ыйыытын-кэрдиитин, сүбэтин тутуһар.

Оҕо уһуйааннара

  • Балаҕан ыйын 1 күнүттэн үлэлииллэр.
  • Кырачааннар медосмотрдарын бэйэлэрин уһуйааннарыгар бараллар. Оҕо уһуйаана графигы бэйэтэ оҥорор, ыйыталаһыҥ.

Ититии сезона

  • Быйыл куоракка сылааһы хаһааҥҥытааҕар да эрдэ биэриэхпит. Ол курдук, балаҕан ыйын 1-5 күннэригэр Дьокуускай оскуолаларыгар, оҕо уһуйааннарыгар, балыыһаларга сылааһы биэриэхтэрэ.
  • Урут элбэх кыбартыыралаах дьиэлэргэ болдьох балаҕан ыйын 15 күнүттэн диэн эбит буоллаҕына, быйыл балаҕан ыйын 7 күнүттэн саҕаланар.

Вакцинация

  • Сыл аайы ыытыллар грипп утары вакцинацияны саҕалыыбыт. Убаастабыллаах төрөппүттэр! Сөбүлэһэр эбэтэр аккаастыыр бырааптааххыт. Ким да модьуйбат. 
  • Коронавирус вакцинатын кытта булкуйумаҥ! Саҥа дьылга диэри оннук вакцина былааҥҥа суох. 

Тырааныспар

  • 1-4 кылаас үөрэнээччилэрин проездной каарталара балаҕан ыйын 1 күнүттэн үлэлиэҕэ.
  • Оптуобустар балаҕан ыйын 1 күнүттэн урукку эрэсиимнэринэн үлэлиэхтэрэ.

Балыыһалар, киинэ театрдара 

Элбэх киһи балыыһалар урукку эрэсииминэн хаһааҥҥыттан үлэлиэхтэрин, киинэ театрдара хаһан аһыллыахтарын сураста.

Киинэ театрдарын туһунан: “Мин быһаарбаппын. Туох баар быһаарыныы санитарнай быраастартан тутулуктаах” 

Балыыһалар, поликлиникалар тустарынан: “Балыыһалар үлэлэрин (оннооҕор куораттааҕы балыыһалары) куорат дьаһалтата быһаарбат. Доруобуйа харыстабылын министиэристибэтэ быһаарар”. 

Мааска туһунан

"Рейдэ мэлдьи ыытыллар. Мааскаҕытын кэтэ сылдьыҥ. Хас биирдии киһи социальнай эппиэтинэһин өйдүөхтээх. Аҕам саастаах дьоҥҥутун санааҥ”.

Сардана Авксентьева:

- “Суруктаргытын, ыйытыыларгытын, көрдөһүүлэргитин, үҥсүүлэргитин директ ыытымаҥ. Олус элбэх кэлэр, барытын кыайан көрбөппүн. Профильбар баар электроннай почтаҕа ыытыҥ”.

- “Куорат генеральнай былаанын уларытарга этиилэргитин күүтэбит”.

- “Бэйэҕитин харыстаныҥ. Илиигитин суунуҥ. Чугас дьоҥҥутун харыстааҥ”.

Быһа эфиргэ куорат олохтоохторо көхтөөхтүк кытыннылар, элбэх ыйытыыны биэрдилэр.

Сиһилии “Киин куорат” хаһыат аныгыскы нүөмэригэр тахсыаҕа.

Сонуннар

Ордук ааҕаллар

Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....
НВК Саха бырагыраамата от ыйын 1-7 күннэригэр
Сонуннар | 30.06.2024 | 10:00
НВК Саха бырагыраамата от ыйын 1-7 күннэригэр
Понедельник, 1 июля  6:00 Сана кун 6+ 7:00 Международные дневники МСИ "Дети Азии" 6+ 7:05 Сана кун 6+ 8:00 Утро Якутии 6+ 9:00 "Якутия" информационная программа 12+ 9:15 Сана кун 6+ 10:00 Дневник Игр "Дети Азии" 6+ 10:15 Саха сатаабата суох 6+ 10:45 О5о саас ыллыыр 6+ 11:00 VIII  Игры...