23.03.2021 | 15:20

“Сардаҥалаах Аартык” оҕо-аймах сөбүлүүр түһүлгэтэ

“Сардаҥалаах Аартык” оҕо-аймах сөбүлүүр түһүлгэтэ
Ааптар: Киин Куорат
Бөлөххө киир

Өктөмҥө А.С.Данилова аатынан “Барҕарыы” култуура Киинэ сылын аайы ыытар өрөспүүбүлүтээҕи «Сардаҥалаах Аартык» диэн ырыа-үҥкүү күрэҕэ быйыл 27-с төгүлүн ыытылынна. Хамсык хааччаҕа буолан күрэх куйаар ситиминэн буолла. 14 улуустан, Дьокуускай куораттан, Табаҕаттан, Чурапчыттан, Амматтан, Тааттаттан, Мэҥэ-Хаҥаластан, Уус-Алдантан, Кэбээйиттэн, Хаҥаластан, Орто Халыматтан, Бүлүүттэн, Үөһээ Бүлүүттэн, Сунтаартан, Өймөкөөнтөн, Горнайтан, Үөһээ Дьааҥыттан 466 талааннаах оҕолор илин-кэлин түһүстүлэр. Дьүүллүүр сүбэҕэ өрөспүүбүлүкэ таһымнаах анал идэлээх дьон үлэлээтилэр. Ол курдук, Шишигина Любовь Егоровна – Саха республикатын култууратын туйгуна, А.Е.Кулаковскай аатынан Доҕордоһуу дьиэтин информационнай-маркетинговай салаа салайааччыта, дьүүллүүр сүбэ председателэ; Афанасьев Афанасий Дмитриевич – Арассыыйа үтүөлээх артыыһа, Саха Республикатын норуодунай артыыһа; Багынанова Сардаана Ивановна – Арассыыйа суруналыыстарын сойууһун чилиэнэ, «Киин куорат» хаһыат кэрэспэндиэнэ. Күрэх биэс бөлөҕүнэн: 4-6, 7-10, 11- 13, 14-17, 18-21 саастаахтарга ырыа, үҥкүү, фольклор, инструментальнай, уруһуй, мода хайысханан ыытылынна. Кыайыылаахтар хас биирдии бөлөххө, хайысхаҕа лауреат үрдүк аатын ылан дипломунан, кубогынан, дипломаннар дипломунан наҕараадаланнылар, бары кыттыбыттар сертификат ыллылар. Дьүүллүүр сүбэ быйыл Кылаан бирииһи кимиэхэ да анаабата. Сылын аайы күрэх анал ааттарын туттарабыт. Ол курдук, быйылгы анал ааттар ананнылар: • «Лауреаттар лауреаттара» үрдүк ааты Хаҥалас Нөмүгүтүттэн «Сырдык санаа» ВИА ансааамбыл (салайааччы Яковлев П.П.) ылыан ылла. • “Бастыҥ мода театра”кыайыылааҕынан буолла Уус Алдан Тумулуттан «Дьэргэлгэн» мода театра (салайааччы Петухова М.М.). • “Бастыҥ ырыа ансаамбыла”кыайыылааҕынан буолла Хаҥалас Өктөмүттэн «Чэчир» ырыа ансааамбыла (салайааччы Антонова А.Г.). • «Бастыҥ фольклор коллектива» кыайыылааҕынан ааттанна Дьокуускай куораттан «Маленькая страна» оҕону сайыннарар киин фольклорун ансаамбыла (салайааччы Гуляева О.Г.). • «Бастыҥ үҥкүү ансаамбыла» кыайыылааҕынан Мэҥэ Хаҥалас Төхтүрүттэн «Манчаары» үҥкүү ансаамбыла (салайааччы Говорова Т.Е.) буолла. • «Сыл бастыҥ дебюта» анал аат иҥэрилиннэ Орто Халыма Налимскайыттан «Веселые ложкари» инструментальнай ансаамбылга (салайааччы Березкина М.В.). • “Народнай иструменнар бастыҥ ансаамбыллара”кыайыылааҕынан буолла Хаҥалас Хачыкаатыттан “Аккорд”аккордеонистар ансаамбыллара (салайааччы Галимон Е.М.). • «Бастыҥ салайааччы-2021» кыайыылааҕынан Өктөмтөн «Туллукчаан» оҕо уһуйаанын музыкаҕа уһуйааччыта Антонова Анисия Георгиевна ааттанна. Кини салайар «Чэчир» ырыа асаамбыла I ст. лауреат үрдүк аатын ылла. • «Үҥкүү бастыҥ салайааччыта» анал ааты Чурапчы улууһун Мырылаайы сэлиэнньэтин «Чуораанчык» уһуйаанын «Сир симэхтэрэ» үҥкүү ансаамбылын салайааччыта Неустроева Анастасия Николаевна ылла. • «Ырыа ансаамбылын бастыҥ салайааччыта» анал ааты Чапаевтааҕы оҕо театральнай оскуолатын ырыаҕа уһуйааччыта Протопопова Ирина Васильевна ылла. • «Фольклор бастыҥ салайааччыта» анал аат Покровскайдааҕы И.М.Яковлева аатынан орто оскуола фольклорга уһуйааччыта Ильина Светлана Геннадьевнаҕа тигистэ. • «ИЗО бастыҥ салайааччыта» анал аат туттарылынна Амма Мээндигэтин Н.И.Караканова аатынан орто оскуола учууталыгар Данилова Мария Иннокентьевнаҕа. • “ВИА бастыҥ салайааччыта”анал аат Кэбээйиттэн кыттыбыт Винокурова Татьяна Ивановнаҕа иҥэрилиннэ. Өрөспүүбүлүкэ оҕолоро бу биһиги «Сардаҥалаах Аартыкпытын» сөбүлээн кытталлар. Бу икки сыл тухары куйаар ситиминэн ыыппыт күрэхтэрбитигэр кыттар бары оҕолорого, кинилэр салайааччыларыгар, төрөппүттэригэр ис сүрэхтэн махтал тылларын аныыбыт. Талааҥҥыт өссө чочуллан, кырыыламмыт алмаас таас курдук күлүмүрдүү сандаардын диэн баҕа санаабытын тиэрдэбит. Эһиил көрсүөххэ диэри, «Сардаҥалаах Аартыкпыт», оҕо-аймах сөбүлүүр түһүлгэтэ.

Федора Фомина А.С.Данилова аатынан «Барҕарыы» култуура Киинин дириэктэрэ, Хаҥалас, Өктөм

Сонуннар

Ордук ааҕаллар

Оҕуруо абылаҥар ылларбыт Роза Спиридонова
Дьон | 31.05.2024 | 14:00
Оҕуруо абылаҥар ылларбыт Роза Спиридонова
Роза Яковлевна Спиридонова Дьокуускай куорат 39 №-дээх «Ромашка» уһуйааныгар музыкальнай салайааччынан үлэлиир. Бүгүҥҥү сэһэргэһээччим, чахчы, талба талааннаах киһи. Кини оҕуруонан үлэлэрэ ханнык да көмүс оҥоһуктан хаалсыбаттар. Роза Яковлевна Ньурба Маалыкайыттан төрүттээх. Эбэтэ уонна ийэтэ суохтан баар оҥорор, кыраттан да элбэҕи айан таһаарар, эргэни саҥа тыынныыр сатабыллаах хаһаайкалар, көмүс тарбахтаах иистэнньэҥнэр...
Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...