27.01.2023 | 22:00

«Сахатранснефтегаз» АУо кэлэр сылларга элбэх үлэ күүтэр

Тохсунньу 26 күнүгэр баһылык Евгений Григорьев ааспыт сыллааҕы үлэ отчуотун чэрчитинэн «Сахатранснефтегаз» АУо кэлэктиибин кытта көрүстэ.
«Сахатранснефтегаз» АУо кэлэр сылларга элбэх үлэ күүтэр
Ааптар: Киин Куорат
Бөлөххө киир

Быйыл Дьокуускай куоракка социальнай гаастааһын иитинэн 628 дьиэҕэ гаас тардыллыахтаах. Куорат бүддьүөтэ 166 кыаммат уонна атын категориялаах ыалларга гаас киллэртэрэргэ аадырыстаах көмөнү оҥорор былааннаах. Маны сэргэ Птицефабрика оройуонугар элбэх оҕолоохторго тыырыллыбыт 106 сир учаастага гаастаныахтаах. Киллэмҥэ эмиэ элбэх оҕолоох ыалларга бэриллибит 257 учаастак докумуона оҥоһуллуохтаах. 
Инники өттүгэр 2024 сылга Хатас нэһилиэгэр гаас ситимин (АГРС) модернизацията, Тускулга гааһы киллэрии, 2026 сылга Маҕан нэһилиэгэр АГРС саҥардан оҥоруу, Бүлүүлүүр суол 16 км элбэх оҕолоохторго бэриллибит учаастактарга гааһы тиэрдии күүтүллэллэр. 2023-2024 сылларга Маҕан, Бүлүүлүүр, Намцырскай трактарга бэриллиэхтээх элбэх оҕолоохтор сирдэрин гаастааһын боппуруоһа эмиэ быһаарыллыахтаах. Ити курдук Олохтоох дьаһалта  «Сахатранснефтегаза» АУо кытта ситимнээх уонна кэскиллээх былааннардаахтар.
Отчуот кэнниттэн гаас үлэһиттэрэ баһылыкка бэйэлэрин ыйытыыларын биэрдилэр. Ол курдук, П. Алексеев уулуссатыгар областной балыыһа тохтобулугар сылаас тохтобул, куорат 1 №-дээх оскуолатыгар саҥа дьиэ тутуутун ыйыталастылар, «Сахатранснефтегаз» үлэһиттэрин оҕолорун муниципальнай оҕо саадтарыгар уочарата суох ылар кыалларын-суоҕун интэриэһиргээтилэр. Куорат нэһилиэнньэтин үксүн даҕаны долгутар ыйытыынан Ленин проспегынан уопсастыбаннай тырааспар сырыыта хаһан аһыллара буолла.
– Ленин проспегын хапытаалынай өрөмүөнэ хантыраак быһыытынан 2023 сыл алтынньы 31 күнүгэр түмүктэниэхтээх. Бэдэрээтчити кытта сөбүлэҥ быһыытынан билигин түмүктэнэ илик эбийиэгинэн туһана сылдьабыт, ол эбэтэр суол официальнайдык арылла илик. Онон уопсастыбаннай тырааныспары тутуллан бүтэ илик суолунан сырытыннарар көҥүллэммэт. Олунньу ыйтан өрөмүөн Краснояров уулуссатыттан саҕаланыаҕа. Халлаан сылыйыыта проспекка сырдатыы, тупсаран оҥоруу үлэлэрэ, итэҕэстэри туоратыы ыытыллыахтара. Былааннаммыт үлэлэр аны күһүн алтынньы бүтэһигэр түмүктэниэхтээхтэр, – диэн хоруйдаата Евгений Григорьев.

Сонуннар

Ордук ааҕаллар

Саллаат таҥарата — ийэтэ, кэргэнэ
Сонуннар | 08.03.2024 | 09:30
Саллаат таҥарата — ийэтэ, кэргэнэ
Наталья Андреевна Охлопкованы анал байыаннай дьайыыга сылдьар уолаттар олус убаастыыллар, ытыктыыллар, олох дьоруой курдук саныыллар диэни истэн баран, булан кэпсэтэргэ санаммытым уонна, чахчы да, дьоруойдар тыылга эмиэ бааллар эбит диэн санааҕа кэллим.
Хатаска саҥа спорт комплекса арылынна
Сонуннар | 13.03.2024 | 14:09
Хатаска саҥа спорт комплекса арылынна
Хатас урут даҕаны, билигин даҕаны чөл-чэгиэн дьонунан тутахсыйбатаҕа. Ол гынан баран ол туһугар усулуобуйа наадатын бары да өйдүүбүт. Иллэрээ күн, кулун тутар 12 күнүгэр, баҕа санаа туолара маннык эбит диэххэ диэри сабыс-саҥа “Дьулуур” спорт комплексын киэҥ уораҕайа аанын тэлэччи арыйда. Этиллибит кэмҥэ дьон устар сүүрүктүү хотоҕостуу субуллан, 400 миэстэлээх саала...
Норуот эмтиэкэтэ
Тускар туһан | 08.03.2024 | 12:00
Норуот эмтиэкэтэ
Аныгы үйэ буолан үгүспүт социальнай ситимнэри ааҕар, туттар, кэтиир-маныыр. Манна наадалаах, туһалаах сүбэлэр хото суруллаллар. Ону биһиги бүгүн ааҕааччыларбытыгар дьиҥнээхтии көмөлөспүт дьон суруйбуттарын, айылҕалаахтар да эппиттэрин көрөн бэчээттиэхпит. Ол эрээри, барытын туттан, туһанан испэккитигэр сүбэлиибит, бэйэҕит эккит-сииҥҥит тугу ирдиирин, быраас сүбэтин тутуһаргыт ордук.   Куртах бааһын (язва) оһордор ас туһунан Устудьуоннуу...
Утуйуу хаачыстыбата улахан суолталаах
Сонуннар | 15.03.2024 | 14:00
Утуйуу хаачыстыбата улахан суолталаах
Кулун тутар 15 күнүгэр Аан дойдутааҕы Утуйуу күнэ бэлиэтэнэр. ВОЗ статистикатынан, нэһилиэнньэ 10-30% кыайан утуйбакка (бессонница) эрэйдэнэр, сорох дойдуларга ити көрдөрүү 50−60%-ҥа тиийэр.