05.03.2021 | 04:45

Сахалыы ырыаны киэҥ эйгэҕэ таһаарабыт

Сахалыы ырыаны киэҥ эйгэҕэ таһаарабыт
Ааптар: Киин Куорат

Покровскай куорат IT-киинин резиденнэрэ, саха уолаттара  төрөөбүт тылларын киэҥ эйгэҕэ тарҕатар сыаллаахтар. Ол курдук, кинилэр сахалыы ырыалары түмэн Skylark Music (Күөрэгэй ырыата) диэн ааттаах сыһыарыы айбыттар.

Музыкальнай сыһыарыы сахалыы ырыаны толорооччулары барытын хабан киллэрдэ. Итиэннэ олохтоох араадьыйа долгуннара эмиэ бааллар, астына-дуоһуйа истиэххэ сөп.  

Сыһыарыыны оҥорон таһаарааччылар иһитиннэрбиттэринэн, сыһыарыы Play Market эрэ баар, бэрт сотору AppStore платформатыгар тахсара күүтүллэр.

«Цифровой технологиялар үйэлэригэр дьон үксэ мобильнай сыһыарыылары ордорор. Кистэл буолбатах, уруучуканы уонна лииһи ылан сурумматахпыт ыраатта. Биллэн турар, киһи өйүгэр-санаатыгар уларыйыылары иҥэрии сыһыарыылар ырыынактарыттан тахсар, сайдыыга көҕүлүүр. Биһиги идиэйэбит саха ылбаҕай ырыатыгар олоҕурда. Саҥа тахсар ырыалары, урукку да буоллун, музыкальнай платформаҕа барытын тиһиэхтээхпит. Маннык гынан төрөөбүт тылбытын тарҕатабыт”,  – диэн стартап тэрийээччилэрэ бэлиэтииллэр.

Мирослав Егоров, ыытааччы:

- Skylark Music сыһыарыыны хачайдаан, бэйэм ырыам киирбитин суоҕун көрдүм, баар эбит, үөрдүм аҕай! Сахалыы ырыаны таптааччылар, истээччилэр, бу сыһыарыыны төлөпүөҥҥүтүгэр хайаан да туруоруҥ. Сахалыы ырыалары интэриниэт хабар сиригэр истэҕит, ютубка да суох мелодистар ырыалара кытта киирбиттэр.

Дмитрий Ядрихинскай, тамада, шоумен:

- Миигиттэн куруутун бу ырыаны хантан булабын, ити музыканы хантан хайчайдыыбын диэн элбэхтэ ыйыталлар. Ону баара, саҥа сахалыы ырыалары барытын түмпүт сыһыарыы баар эбит. Үчүгэйэ диэн, төлөпүөҥҥэ 40 Mbyte эрэ ылар эбит уонна ханнык баҕарар сахалыы ырыаны истэҕит. Номнуо 5000 ырыаны уга охсубуттар.

Сонуннар

Ордук ааҕаллар

Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Аар Саарынтан алгыстаммыт Күн Сандаара
Дьон | 04.12.2022 | 16:00
Аар Саарынтан алгыстаммыт Күн Сандаара
Кэлиҥҥи сылларга айылҕаттан айдарыылаах, олоххо ураты көрүүлээх, тарбахтарыгар талааннаах, илиилэринэн илбийэн эмтиир сахалыы эмчиттэри хаһыаппытыгар үгүстүк сырдатан кэллибит. Бүгүн мин биир дойдулаахпын, алгысчыт, сахалыы эмчит Саргылаана Винокурова-Күн Сандаараны билиһиннэриэхпин баҕарабын.  Күн Сандаара Нам улууһун Салбаҥ нэһилиэгиттэн төрүттээх. Ол гынан баран өр сылларга Сунтаарга олорбут буолан, Сунтаарын ордук чугастык саныыр.   Кулгаахпар...
Ийэ айманар сүрэҕин туох уоскутуой...
Сытыы муннук | 01.12.2022 | 12:03
Ийэ айманар сүрэҕин туох уоскутуой...
Билиҥҥи балаһыанньаҕа, билиҥҥи судургута суох кэмҥэ оҕотун байыаннай дьайыыга атаарбыт ийэлэрдиин кэпсэтэртэн ордук ыарахан суох. Кинилэр куоластара титириирэ, харахтарын уутун кистээн туора соттоллоро, оҕолорун тустарыгар күүстээх, тулуурдаах буола сатыыллара киһини өссө уйадытар, уоскутар тылы булбакка мух-мах бараҕын. Бу сырыыга оҕолорун атаарбыт, кэтэһэр, эрэнэр икки ийэни кытта харах уулаах кэпсэтиибин ааҕааччыларбар...
Рево Алексеев:  «Саха киһитэ ыра сатыа суохтаах!»
Дьон | 08.12.2022 | 09:00
Рево Алексеев: «Саха киһитэ ыра сатыа суохтаах!»
Орто саастаах дьон үлэттэн сылайдаҕына, хаһан биэнсийэҕэ тахсабыт диэн өрө тыыналлар. Оттон бүгүҥҥү ыалдьыппыт Рево Захарович Алексеев 85 хаарыгар үктэнэн да баран күн бүгүҥҥэ диэри мууһура үлүйбүт киһини быыһыырга олоҕун анаабыт үлэтигэр — Дьокуускайдааҕы научнай-чинчийэр кииҥҥэ түбүгүрэ сылдьар. Бэйэтин сааһыгар лаппа эдэрчи көрүҥнээх, саастаах киһи диэтэххэ, үчүгэйдик көрөр-истэр, сорох кырдьаҕас...