19.07.2022 | 21:31

Сахалыы кылааска хайдах киирэбит?

Дьокуускайга сахалыы кылааска тиксии – таҥараттан тиксэр улахан дьол курдук ылыныллар буолбута ыраатта.
Сахалыы кылааска хайдах киирэбит?
Ааптар: Киин Куорат

Дьиҥэ, ирдэбиллэргэ олоҕурдахха, оскуола докумуон ыларыгар төрөппүттэртэн киирбит сайабылыанньалары көрөн кылаастарын таҥыахтаах. Эрдэттэн хас кылаас ханнык тылынан үөрэтэллэрин быһааран кэбиһиэ суохтаах... Ол эрэн дьиҥ оллоххо атын хартыына.

Дьокуускай куоракка сахалыы кылааска хайдах киириэххэ сөбүй?

“Ийэ тыл кэскилэ” уопсастыбаннай түмсүү салайааччыта Вилюяна Никитина төрөппүттэргэ сүбэлиир:

- Билиҥҥи сокуон ирдэбилинэн төрөппүт сайабылыанньатынан көрөн “сахалыы үөрэтэр” уонна “саха тылын үөрэтэр” кылаастар ханнык баҕарар оскуолаҕа арыллыахтаахтар. Ол эбэтэр, төрөппүт бэйэтэ олорор оройуонугар турар оскуолаҕа тиийэн, оҕобун 1-кы сахалыы үөрэтэр кылааска ылыҥ диэн сайабылыанньа суруйдаҕына, ол төһө кыалларынан хааччыллыахтаах.

Бу оскуолаҕа сахалыы кылаас арыллыбат, ол иһин инник сайабылыанньаны ылбаппыт диэтэхтэринэ, ол төрөппүт уонна оҕо быраабын кэһии буолар. Онон оҕоҕут инникитин быһаарар, кыһаллар дьон буоларгыт быһыытынан, төрөппүттэр, хайаан да быраапкытын тиһэҕэр диэри туруорсуохтааххыт.

Арай сахалыы кылааска сайабылыанньа аҕыйах, ол иһин кылаас арыллара кыаллыбат диир түгэннэригэр, атын чугас оскуола сахалыы кылааһыгар киллэрэргэ дьулуһуоххутун сөп.

 Эбэтэр маннык гынааччыбыт: ол оскуолаҕа сахалыы кылааска киириэн баҕалаах төрөппүттэри мунньан уопсай сурук суруйан, куорат үөрэҕин салалтатыгар илдьэн, бырааппытын туруорсан ситиһээччибит.

Оҕотун сахалыы үөрэтиэн баҕарар төрөппүт  санаатын уурдаҕына, быраабын сөпкө уонна сатаан туруорустаҕына барыта табыллар. Түмсүүлээх буоллахха элбэҕи ситиһиэххэ сөп. Эбии да кылаас арыттарбыппыт баар суол. 

Сонуннар

Ордук ааҕаллар

Өбүгэ ситимэ, күүһэ уонна көмүскэлэ
Дьон | 29.07.2022 | 18:00
Өбүгэ ситимэ, күүһэ уонна көмүскэлэ
Кэлиҥҥи кэмҥэ төрдү-ууһу үөрэтиигэ интэриэс күүһүрдэ. Бүгүн, «өбүгэ ситимэ, күүһэ уонна көмүскэлэ” диэн өйдөбүллэргэ олоҕуран, өбүгэлэрбит күннээҕи олохпутугар, куппутугар-сүрбүтүгэр дьайыыларын туһунан эмчит, удаҕан Анастасия Владимировна Картузовалыын сэһэргэһэбит.
Түргэнник оҥоһуллар салааттар
Тускар туһан | 29.07.2022 | 16:09
Түргэнник оҥоһуллар салааттар
“Венеция” Састааба: копченай халбаһы, оҕурсу, моркуоп, кукуруза, майонез. Халбаһыны, огурсуну, моркуобу барытын биир формалаан кырбыыбыт. Кукурузаны, майонеһы эбэбит.     “Нежность” Састааба: хаппыыста, копченай халбаһы, чеснок, петрушка, майонез, туус. Барытын кырбаан, чесногу олох бытархай гына кырбастаан баран, салааппытын майонезтаан кэбиһэбит.   “Суһал салаат” Састааба: крабовай палочка,  сухарик, кукуруза кэнсиэрбэтэ, пекинскэй хаппыыста, кытаанах сыыр,...
Валентина Колодезникова-Айыына:  Киһи баҕарыах эрэ тустаах
Дьон | 04.08.2022 | 10:00
Валентина Колодезникова-Айыына: Киһи баҕарыах эрэ тустаах
Бүгүҥҥү нүөмэрбитигэр мас ууһа Валентина Колодезникова--Айыынаны кытта кэпсэтэбит. Валентина-Айыына уустар түөлбэлээн үөскээбит Баайаҕа нэһилиэгиттэн төрүттээх. Тутуу биригээдэтин салайааччыта. Дьоҕурун сөпкө туһаммыт уонна киэҥ эйгэҕэ таһаарбыт уус.