09.02.2022 | 16:00

«Сахалыы дьыктааны» онлайн суруйуохха сөп

«Сахалыы дьыктааны» онлайн суруйуохха сөп
Ааптар: Киин Куорат
Бөлөххө киир

Бу күннэргэ өрөспүүбүлүкэ араас муннуктарыгар Ийэ тыл, сурук-бичик күнүн көрсө үгүс тэрээһин ыытыллар. Үгэскэ кубулуйбут “Сахалыы дьыктаан” аахсыйа быйыл тохсус төгүлүн дьону-сэргэни түмүөҕэ.

Эпидемиологическай быһыы-майгы уустук буолан, бу сырыыга онлайн көрүҥүнэн ыытыллыаҕа. СӨ Национальнай библиотеката дьыктааны олунньу 12 күнүгэр 11.00 чаастан Zoom уонна Youtube балаһааккаларга быһа эфиргэ ааҕыаҕа. Бу туһунан култуура министиэристибэтин пресс-сулууспата иһитиннэрдэ. 

Zoom балаһааккаҕа кыттарга  8(4112)455-855 төл. эрийэн, эрдэттэн суруйтарыахха сөп. Үлэлэргитин тэрийээччилэргэ бэрэбиэркэҕэ тута ыытаҕыт. 

Youtube нөҥүө ким баҕарар дьиэтигэр олорон суруйуон, билиитин тургутуон сөп. Дьыктаан тиэкиһэ  nlrs.ru  сайтка тахсыаҕа. Маны таһынан, бу этиллибит сайтка төрөөбүт тылы уонна литератураны билиигэ тургутук баар буолуоҕа.  

Маны сэргэ, олунньу 11 күнүгэр күнүс 12:15 чаастан саха тэлэбиидэнньэтигэр «Сахалыы дьыктаан» аһаҕас эфиргэ буолуоҕа. Бу туһунан “Саха” НКИХ иһитиннэрэр.  Ол курдук, көрөөччү күөх экран иннигэр олорон сахалыы таба суруйууга бэйэтин тургутан көрүөн сөп. Биэрии түмүгэр кыттааччы бэйэтин бэрэбиэркэлэниэҕэ.

Дьыктааны доцент, филология наукатын хандьыдаата, ХИФУ Арассыыйа Хотугулуу-Илиҥҥи норуоттарын тылларын уонна култуураларын институтун саха тылын кафедратын уһуйааччыта Алена Прокопьева ааҕыаҕа. Суруйар тиэкис уус-уран айымньыттан быһа тардыы буолуоҕа. 

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...