15.08.2022 | 18:00

Саха төрүт култууратыгар олоҕурбут мультсериал сүрэхтэннэ

Дьокуускайга ыытыллыбыт «YKT GEEK FEST» бэстибээлгэ ыҥырыылаах ыалдьыт быһыытынан кыттыбыт "Феникс" анимация устуудьуйата "Айыы оҕолоро" мультсериалы сүрэхтээтэ.
Саха  төрүт култууратыгар олоҕурбут мультсериал сүрэхтэннэ
Ааптар: Киин Куорат

Мультсериалга Эрчим уонна Айаана диэн бииргэ төрөөбүт оҕолор былыргы Саха сиригэр тиийэн мүччүргэннээх сырыыларга түбэһэллэрин туһунан кэпсэнэр. "Айыы Оҕолоро" мультсериал – саха фольклоругар олоҕурбут дьиэ кэргэн драмата.

«Саха фольклоругар олоҕурбут бырайыакка үлэлиирбитин олус биһирээтибит. Мульсериал 20-лии мүнүүтэлээх 5 серияттан турар. Сахалыы колорит сериалы олус ураты оҥордо. Биһиги регион култууратын киэҥ араҥаҕа таһаарыахпытын баҕарабыт»,– диэтэ анимация устуудьуйатын тэрийээччитэ Федор Нечитайло.

Айар кэлэктиип түөрт исписэлиистээх – Фёдор Нечитайло, Софрон Варламов, Вильгельм Чеппе уонна Сергей Федоров. Кинилэр мультиктары, комикстары, оонньуулары уо.д.а. айан-таҥан таһаараллар. Билиҥҥи кэмҥэ мультсериал оҥоһулла сылдьар, айар хамаанда сценарийын суруйар, саҥатын-иҥэтин уонна раскадровкатын оҥорор.

Бэстибээл кэмигэр анимация устуудьуйата мультсериалтан быһа тардыыны көрдөрдө. Манна даҕатан эттэххэ, хамаанда бырайыак олоххо киирэригэр спонсор буолуон сөптөөх дьону көрдүүр.

Сонуннар

Ордук ааҕаллар

Үлэҕэ ыыппытым, состоруулаах кэллэ
Сынньалаңңа | 22.09.2022 | 18:00
Үлэҕэ ыыппытым, состоруулаах кэллэ
Биһиги ыал буолан олорбуппут 20-тэн тахса сыл буолла. Кэргэммин хас хамсаныытын, тыынарын, атаҕын тыаһын, оннооҕор ааны арыйан киирэриттэн настарыанньата уларыйбытын олох ончу курдаттыы билэбин. Ол курдук чугастыыбыт, ол курдук бэйэ-бэйэбитин билсэн, биир сыалай буолбуппут ыраатта. Оннооҕор биир түүлү түһээн турааччыбыт, киэһээҥҥи аһылыкка тугу астыахтаахпытын, тугу сиэхпитин баҕарарбытын тэҥинэн этэн кэбиһэн...
Үлэни, дьиэ кэргэни өрө-тутан – үйэ аҥаара бииргэ
Дьон | 22.09.2022 | 10:00
Үлэни, дьиэ кэргэни өрө-тутан – үйэ аҥаара бииргэ
Быйыл балаҕан ыйыгар Дьокуускайга Саха АССР 100 уонна киин куорат төрүттэммитэ 390 сылларыгар анаммыт «Трудовые династии города Якутска» кинигэ сүрэхтэммитэ. Кинигэни Саха сирин бэчээтин туйгуна Юрий Троев таһаарда, ааптар-хомуйааччы – Матрена Кондратьева.
Үтүө үөрүйэх уонна практикаҕа таба туһаныы
Сонуннар | 22.09.2022 | 11:22
Үтүө үөрүйэх уонна практикаҕа таба туһаныы
Дьокуускай куорат спортивнай үҥкүүгэ тренердэрэ анал үөрэхтээһини көхтөөхтүк ааһаллар уонна бэйэлэрин сатабылларын үрдэтэллэр. Балаҕан ыйыгар ыытыллыбыт үөрэх бу сылга номнуо иккиһин буолла. Тустаах тосхол 2021 сыллаахха бигэргэниэҕиттэн 5 маастар- кылаас ыытылынна.
Саныахха бу ааспыт сайыны
Сынньалаңңа | 23.09.2022 | 18:00
Саныахха бу ааспыт сайыны
Сайыммыт элэс гынан ааспытын өйдөөбөккө да хааллыбыт. Харах далыгар сылдьар дьоммут сынньалаҥнарын хайдах атаардылар? Ким тугу ситистэ, ханна сырытта? Ол туһунан биһиги “сулус” доҕотторбутуттан сурастыбыт.