29.06.2021 | 14:37

Саха сирин территориятыгар 268 ойуур баһаара баар

Саха сирин территориятыгар 268 ойуур баһаара баар
Ааптар: Киин Куорат
Бөлөххө киир

Ойууру харабыллыыр авиация информациятынан, регион территориятыгар 268 ойуур баһаара баар, суукка иһигэр 12 умуруоруллубут диэн иһитиннэрэр СӨ ЫБМ кылаабынай управлениетын пресс-сулууспата.  
Горнай уонна Мэҥэ-Хаҥалас улуустарыгар Арассыыйа ЫБММ специалистара үлэлииллэр. Горнай улууһугар 14 ойуур баһаара баар. Үөһээ Бүлүү улууһугар Ми-8 бөртөлүөт суукка иһигэр ойуур баһаарыгар 10 төгүл, уопсайа 30 туонна ууну куппут. 
Уустук быһыы-майгы өрөспүүбүлүкэ 13 оройуонугар – Үөһээ Бүлүүгэ,  Бүлүүгэ, Ньурбаҕа, Мирнэйгэ, Сунтаарга, Горнайга, Эдьигээҥҥэ, Кэбээйигэ, Нерюнгрига, Өлүөхүмэҕэ, Өймөкөөҥҥө, Уус-Майаҕа, Томпоҕо оннунан турар. Ити оройуоннарга 178 тыһыынча гектардаах сиргэ 218 баһаар көрдүгэнэ регистрацияламмыт. 
«Суукка иһигэр сэттэ көрдүгэн эбилиннэ, саҥа булуллубуттары эбэн туран баһаар иэнэ сэттэ тыһыынчаттан тахса гектар буолла. 19 оройуон территориятыгар баһаар кутталын 4-5 кылааһа оннунан хаалар», - диэн иһитиннэрбит СӨ ЫБМ кылаабынай управлениетын начальнига Павел Гарин.
Итини сэргэ Ньурбачаан, Маар, Ударник сэлиэнньэлэриттэн чугас баар ойуур баһаардара ураты хонтуруолга сылдьалларын бэлиэтээтилэр. 
Ойууру харабыллыыр авиация биллэрбитинэн, Саха сирин территориятыгар оҥоһуу ардаҕы түһэрэргэ бэлэмнэнэллэр. 
«Билиҥҥи туругунан Саха сирин ойуурдарын баһаардарын үрдүнэн оҥоһуу ардаҕы түһэрээри былыттар „ситэллэрин“ күүтэбит. Быһа холоон бэс ыйын 30 күнүгэр ойууру харабыллыыр авиация ардаҕы түһэрэр үлэтин саҕалыа», - диэн этиллэр пресс-сулууспа иһитиннэриитигэр. 
Оҥоһуу ардах бүлүү бөлөх уонна киин улуустар баһаардарыгар түһэрэ сабаҕаланар. 
Региоҥҥа +30+35°С кыраадыс итии туран, этиҥ түспүт ыраах, киһи дэбигис тиийбэт сирдэринэн  саҥа баһаар көдүгэннэрэ үөскээбиттэр. 
СӨ экологияҕа Министиэрситибэтин информациятынан, өрөспүүбүлүкэ ойуурун пуондатыгар 99 355,8 га иэннээх 113 ойуур баһаарын умуруора сылдьаллар.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Бэс ыйыгар Ленин болуоссата тутуллан бүтүөҕэ
Сонуннар | 13.05.2024 | 13:58
Бэс ыйыгар Ленин болуоссата тутуллан бүтүөҕэ
Ленин болуоссатыгар сотору муусукалаах, араас өҥнөөх фонтаннар, түүҥҥү уоттаах сцена, 13 миэтэрэ үрдүктээх сэргэлэр о.д.а. баар буолуохтара диэн суруйан турабыт. Бу күннэргэ фонтан эркинин оҥоруу бүтэн, түгэҕин бастакы араҥа билиитэлэрин кута сылдьаллар. Ол курдук, «Сэттэ» тутуу хампаанньатын маастара Иван Кузьмин иһитиннэрэринэн, технологическай тутуу эркинин оҥоруу бүтэн, билигин фонтан түгэҕин бастакы...