Саха сирин Суруналыыстарын сойууһун куонкуруһа түмүктэннэ

Бириэмийэ уон номинациянан ыытылынна. «Кыһыл көмүс бөрүө» бириэмийэ хаһаайынынан «Киин куорат» хаһыат корреспондена Ксенофонтова Айыына Ивановна буолла.

Телевизионнай суруналыыстар ортолоругар «Кыһыл көмүс микрофон» «Саха» НКИХ телебырайыактарын ааптара уонна ыытааччыта Березин Максим Викторовичка тигистэ.

Араадьыйа суруналалыыстарын ортотугар «Кыһыл көмүс микрофон» «Саха» НКИХ араадьыйа биэриилэрин эрэдээктэрэ Тарасов Иван Петровичка бэрилиннэ.

«Сыл дебюта» «Саха» ГТРК «Вести Саха» информационнай бырагыраама корреспондена Павлов Айтал Андреевич буолла.

«Сыл интэриниэт-таһаарыыта» – «Саха» НКИХ «Чохоон» оҕо ханаала.

 «Сыл дизайна» – «Сахабэчээт»  «Хаҥалас» хаһыатын эрэдээксийэтин техническэй эрэдээктэрэ Афанасьев Арсентий Александрович.

«Түмүктээх үлэ иһин» бириэмийэ «Кыым» хаһыат корреспондена Багынанова Саргылана Ивановнаҕа тигистэ.

«Сыл Медиа-персоната» – «Ситим-Медиа» ХЭТ генеральнай дириэктэрэ, Ил Түмэн Судаарыстыбаннай мунньах норуодунай дьокутаата Христофорова Мария Николаевна.

«Сыл уопсастыбаннай корреспондена» – «Ил Түмэн»  хаһыат уопсастыбаннай корреспондена Соломонова Валентина Николаевна.

«Сыл пресс-сулууспата» анал бириис Олохтоох дьаһалта пресс-сулууспатын салаатыгар тигистэ. 

Түгэнинэн туһанан, «Киин куорат» хаһыат эрэдээксийэтин аатыттан, күндү кэллиэгэбитин Ксенофонтова Айыына Ивановнаны үрдүк ситиһиигинэн ис-сүрэхпититтэн эҕэрдэлиибит! Сытыы бөрүөҥ сыппаабатын, өссө үрдүк ситиһиилэнэн ис, чэгиэн туруктаах, дьоллоох буол диэн алгыспытын аныыбыт.

Бириэмийэ кыайыылаахтарын барыларын эҕэрдэлиибит уонна бары үтүөнү баҕарабыт!