08.06.2021 | 10:48

Саха сирин олохтооҕун социальнай каартата тахсыаҕа

Саха сирин олохтооҕун социальнай каартата тахсыаҕа
Ааптар: Киин Куорат

От ыйын 1 күнүттэн Саха сирин олохтоохторун социальнай каартата тахсыаҕа. Ити каартанан ким туттуон сөбүн уонна ханнык чэпчэтии баарын туһунан СӨ Үлэҕэ уонна социальнай сайдыыга министиэристибэтэ быһаарда. 
Бырайыак бастакы түһүмэҕэр туспа сыһыарыылары киллэрэллэр, холобур, тырааныспар, социальнай дисконт сыһыарыыларын (чэпчэтиилэр уонна харчы төннүүтэ). 
Бастакы түһүмэх (2021-2022 сыллар) сыһыарыылара нэһилиэнньэ чэпчэтиинэн туһанар араҥатыгар ананыаҕа: Аҕа дойду Улуу сэриитин уонна тыыл бэтэрээннэригэр, үлэ бэтэрээннэригэр, инбэлииттэргэ, элбэх оҕолоох ыалларга уо.д.а. федеральнай уонна региональнай регистргэ киирбит дьоҥҥо. Онон 200-чэ тыһыынча социальнай каарта оҥоһуллара былааннанар. 


Манна даҕатан эттэххэ, тырааныспар сыһыарыыта Дьокуускай куоракка эрэ баар. Атын оройуоннарга уопсастыбаннай тырааныспарга чэпчэтиилээх айан кумааҕы билиэт уонна докумуон баар эрэ буоллаҕына оҥоһуллар. Социальнай каарта үлэҕэ киирдэҕинэ итинник докумуоннары көрдөрөр наадата суох буолар. 
2021 сылга бырайыак өрөспүүбүлүкэ пилотнай территориятыгар – Дьокуускайга, Нерюнгрига, Мииринэйгэ, Ньурбаҕа уонна Горнай оройуонугар үлэлиэҕэ. 
Социальнай каартаҕа гражданин ханнык чэпчэтиилээх араҥаҕа киирсэрэ, ханнык чэпчэтиилэринэн, өҥөлөрүнэн туһаныахтааҕа  автоматическай көрүҥүнэн киирэ сылдьар. Хас биирдии оройуон чэпчэтиилээх бырагыраамалары бэйэтэ быһаарар, ол иһигэр элбэх оҕолоох ыалларга эмиэ, дастабырыанньа уонна туоһу сурук ирдэммэт. 
Бырайыак иккис түһүмэҕэр (2023-2025 сылларга) өҥө арааһын уонна каартанан туттар дьон араҥатын элбэтэр былаан баар. Чэпчэтии уонна өҥө арааһа гражданин ханнык араҥаҕа киирсэриттэн тутулуктаах. 2025 сылга диэри медицинскэй, үөрэҕирии уонна олох-дьаһах коммунальнай өҥөлөрүн сыһыарыылара киирэрэ былааннанар.

Сонуннар

Ордук ааҕаллар

«Sakhalifting» тардынааччылара сөхтөрөллөр
Спорт | 14.01.2022 | 20:42
«Sakhalifting» тардынааччылара сөхтөрөллөр
Ханна да тиийдэххэ, физкультуранан уонна спордунан утумнаахтык дьарыктанааччылар бааллар.  Хамсык ыарыы өрө турбут кэмигэр дьарыктанааччылар ахсааннара эбиллэ турара үөрдэр. Онлайн ситимин нөҥүө көхтөөхтүк дьарыктыыллар. Балтараа сыллааҕыта тэриллибит “Финанс” РИК гендириэктэрэ Дмитрий Захаров салайааччылаах “Sakhalifting”-турникка тардыныы бассаап-бөлөх ааспыт сылы дьоһуннук түмүктээтэ. Кэккэлэрэ да хаҥаан иһэр, көрдөрүүлэр да тупсаллар. 13 саастаах оҕотуттан...
«Инникигэ хардыы» конференцияҕа Дьокуускайтан 263 үөрэнээччи кыттар
Сонуннар | 11.01.2022 | 12:00
«Инникигэ хардыы» конференцияҕа Дьокуускайтан 263 үөрэнээччи кыттар
Тохсунньу 8 күнүгэр «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция үөрүүлээхтик арылынна. Манна 34 оройуонтан 1 700 тахса үөрэнээччи бэйэлэрин научнай-чинчийэр  үлэлэрин түмүгүн билиһиннэрэллэр.  «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция куораттааҕы түһүмэҕэр 2021 сыл сэтинньи 10 күнүттэн ахсынньы 16 күнүгэр диэри дистанционнай форматынан...
Дьокуускай салалтата крематорий тутуутун көҥүллээтэ
Сонуннар | 11.01.2022 | 16:00
Дьокуускай салалтата крематорий тутуутун көҥүллээтэ
Олохтоох дьаһалта «Быдан Эргиир» ХЭТ киин куоракка колумбарийдаах крематорий тутарыгар көҥүлү биэрдэ. Ити туһунан куорат баһылыгын нэдиэлэтээҕи планеркатыгар этиллиннэ диэн иһитиннэрдэ  Олохтоох дьаһалта пресс-сулууспата.  Куораты тутууга уонна тырааныспар инфраструктуратыгар Департамент информациятынан, 2021 сыл кулун тутар ыйыгар «Национальная мемориальная компания» ХЭТ диэн Арассыыйа территориятыгар кремациялыыр комплекстары тутуу операторыттан коммерческай этии киирбит....
Окружной шоссеҕа саҥа светофордар
Сонуннар | 11.01.2022 | 14:00
Окружной шоссеҕа саҥа светофордар
Олохтоох дьаһалта тырааныспарга уонна суол инфраструктуратыгар Управлениетын информациятынан, Окружной шоссеҕа суолга куттал суох буолуутун хааччыйар сыаллаах икки светофор холбоммут. Кинилэр суол икки өттүнэн – Окружной шоссе быһа охсуһуутуттан уонна Космонавтар  уулуссаларыттан чугас тураллар. Бу туһунан Олохтоох дьаһалта пресс-сулууспата иһитиннэрдэ.  Светофордар суол икки өттүнэн барар тырааныспары тэҥҥэ тохтотор гына оҥоһуллубуттар. Оччоҕо...